Bu günlərdə GundemXeber. Az-ın redaksiyasına Azərbaycan Respublikasının qabaqcıl təhsil işçisi, dosent​ Vaqif Rəhimov adlı şəxs tərəfindən müraciət​ daxil olub. Adı çəkilən bu şəxs ünvanladığı müaciətində bildirir ki, “2020-ci ilin sentyabr​ ayında ali təhsil müəssisələrinin rəhbərlərinə​ müxtəlif vəzifələrə professor-müəllim, kafedra müdiri, dekan və s. seçkilərinin keçirilməsi ilə əlaqədar​ Azərbaycan Respublikası Təhsil Nazirinin​ müavini Firudin Qurbanovun imzaladığı​ 23.09.2020-ci il​ tarixli, 03-11-1022/1 saylı rəsmi məktub göndərilmişdir. Xüsusi karantin rejimi dövründə namizədlərdən sənədlərin qəbulu, gizli səsvermənin aparılması​ və digər prosedurların​ təşkili zamanı​ bir sıra cətinliklər yarandı. Bununla əlaqədar bildirirəm​ ki, ölkəmizdəki sanitar-epidemioloji vəziyyəti nəzərə alaraq,​ bu tipli seckilərin keçirilməsi​ xüsusi karantin rejimi başa çatana kimi təxirə salinmalı idi. Buna baxmayaraq, Azərbaycan Dövlət Aqrar Universitetində Təhsil Nazirliyinin bu məktubu qulaqardına vurulur və nazirliyin təlimatları kobud şəkildə pozulur. Nəticədə Bayramov Musa Əhməd oğlu qeyri-qanuni olaraq, əvvəlcə kafedra müdiri seçildi, indi isə rektor onu dekan seçmək istəyir.
​ ​ ​ ​ ​ ​ ​ ​ Musa Bayramov kimdir? Bu şəxs rektorun yaxın adamlarından biridir. Ona görə də yaxınlarda kafedra müdiri təyin olunub. Onun kafedra müdiri vəzifəsinə təyin olunması, rektorun hər dediyinə əməl etməsi, hətta müxtəlif​ maddi maxinasiyalara​ qol çəkməsi ilə bağlıdır. Musa Bayramovun rektorun​ “sirr daşıyıcısı” olması təbii ki, sonuncunu ona yenidən vəzifə verəcək həddə qorxudandır. Musa​ Bayramov​ illər​ əvvəl rus alimlərinin iki dərsliyini plagiat yolu ilə​ birləşdirib və mənimsəyib, əvəzində elmi rəzalət yaradaraq “oğurladığı” məhsulu “Kənd Təsərrüfatı ekologiyasından praktikum” adlı dərs vəsaitinə çevirib. O, illər əvvəl​ belə bir əməlinə görə kafedra müdirliyindən qovulub. Və onun həmin kafedra müdirliyinə ilk seçkisində elmi adı və elmi dərəcəsi də olmayıb, sadəcə baş müəllim olub. Musa Bayramovun kitab saxtakarlığı Ali Attestasiya Komissiyasına​ (AAK)​ da​ məlum​ olub, lakin 14. 04. 2016-cı il tarixdə rektor​ İbrahim Cəfərovun qrif verilməsi barədə 209 saylı əmri ləğv edilməyib. Ümid edirik ki, yeni təhsil naziri və AAK belə məsələlərə ciddi yanaşacaq, müvafiq komissiyanın fəaliyyətinə​ göz gəzdirməklə ADAU-dakı saxta elmi ad və dərəcələri ləğv edəcək. Bu kimi plagiat cızmaqaraların tezliklə universitetin kitabxanasından çıxarılmaqla çapına və yayılmasına rəsmi qadağalar qoyulacaq.​ Musa​ Bayramovun qudası "Torpaqşünaslıq və aqrokimya" kafedrasının dosenti Namiq Hüseynovun və ADAU-nın​ tələbə qəbulu üzrə məsul katibi, dosent​ Telman Musayevin adı​ Müəllimlər İnstitutuna saxta tələbə qəbulunda, saxta​ diplom satışında, habelə müxtəlif valideynləri aldadıb onlardan pul alaraq, guya həmin şəxslərin övladlarını müxtəlif ali məktəblərə qəbul etdirəcəkləri ilə bağlı yalandan vədlər verməkdə​ hallanır. Əgər​ abituriyentlər​ ali məktəbə öz bacarıqları ilə qəbul olurlarsa, o halda onların​ bu nailiyyətini​ Musa​ Bayramov, Namiq Hüseynov və Telman Musayev öz adlarına çıxırlar, DİM-ə​ tapşırdıqlarını​ iddia edirlər. Əks halda​ ​ valideynlərə “heç də narahat olmayın, bir az gözləyin, həll ediləcək” və diplomları da verdirəcəyik deyirlər. Qısası, onlar DİM-nin nüfuzuna xələl gətirməklə məşğul olurlar.

​ ​ ​ ​ ​ Bundan başqa, Musa Bayramov və Namiq Hüseynov​ qudadırlar və onlar yaxın qohumluq əlaqəsinə də malikdirlər. Bu şəxslər saxta diplomlardan əlavə, narkotik maddələrin satışı ilə də məşğul olurlar. Musa Bayramovun qardaşı narkotik maddələrin satışı ilə əlaqədar bir müddət bundan əvvəl həbs olunub.
​ ​ ​ ​ ​ ​ ​ ​ ​ ​ Daha bir faktı da qeyd edim ki, Musa Bayramov İ. M. Seçenov adına Birinci Moskva Dövlət Tibb Universitetinin Bakı filialına qəbul olmaq üçün sənəd vermiş abituriyentin, hansı ki, Şəmkir rayon sakini​ olan Fəda Cəfərovanın valideynindən 50000 (əlli min manat) məbləğində ruşvət almış və abituriyenti qeyd olunan ali təhsil ocağına qəbul etdirməyi vəd edir. Maraqlı hal o olur ki, bu şəxs ilk imtahandan qiymət yazdırmağa nail olur və bu faktı hüquq-mühafizə orqanları tərəfindən araşdırsa, yəqin ki, ortaya ​ digər faktlar da çıxacaq. ADAU-da saxta elmi adların​ paylanmasından tutmuş, adları müəllim gedib özləri​ nə auditoriya, nə​ də​ tələbə tanımayan​ iri məmurlara​ hansı saxta yollarla və​ necə maaş yazılmasını, onlara yazılan pulları da özlərinin, yoxsa kimin almasını​ aydın​ etməyə, aşkar maliyyə pozuntularına görə ölkənin Baş Prokurorluğunun və Dövlət Təhlükəsizlik Xidmətinin (DTX) “qara maskalıları”nın təcili olaraq hərəkətə keçməsinə real əsaslar var. Təsəvvür edin ki, rektor şəxsi iradə və maraqları ilə Gəncəbasarın bir çox yüksək vəzifəli şəxslərini ADAU-da “müəllim” adı altında birləşdirmiş və onlara yarımştat dərs yükü bölüşdürülməklə aşkar qanunsuzluqlara, maliyyə pozuntularına rəvac verib.​ Guya ki, “Ekologiya” kafedrasında iki mötəbər məmurun davamlı dərs tədris etmələri, mühazirələr söyləmələri adı altında sənədləşdirmələr aparılıb​ və dərs jurnalları illərlə saxtalaşdırılıb. Məsələn, hazırda “Gəncə Det-Al Alüminium” Kompleksinin direktoru vəzifəsini daşıyan Cəmil Səfərova adıkeçən kafedrada əsassız​ maaş​ yazanlar​ 7 ildir ki, jurnallarda onun əvəzindən imzalar çəkiblər. Aşkar saxtakarlığı isə​ kafedra​ müdiri, eləcə də bu günlərdə İbrahim Cəfərov tərəfindən​ dekan​ vəzifəsinə təyin ediləcək​ plagiat dosent Musa Bayramov həyata keçirib. Sənədlər özü deyir ki, Musa Bayramov uzun müddət rektorun tapşırığı ilə Cəmil Səfərovun əvəzinə jurnallara imza atıb. Dövlət məmurunun “müəllimliyi” müqabilində mövcud maaş kartının isə kimdə olması, təxminən 500 manatlıq maaşı aybaay kimin aldığı qaranlıq qalır.

​ ​ ​ ​ Bundan​ əlavə, qeyd olunan​ kafedranın “qiyabiçi” müəllimi, hansı ki, hal-hazırda ​ Şəmkir ​ Regional​ Meşə Təsərrüfatı​ idarəsinin direktoru İqbal Əliyev üçün də eyni saxta metod müəyyən edilib. Mühazirələri mövcud olmayan İllərdir ki, bu dövlət məmurunun adına da maaş yazılıb və onun əvəzindən jurnallara imzanı Musa Bayramov atıb. “Dərsə gəlməyən müəllimlər” siyahısında rektor İbrahim Cəfərovla kirvəliyi olan, Gəncə şəhər Nizami rayon Bələdiyyəsinin sədri Qoşqar Məmmədov da var. Onun da hansı fənni nə vaxt tədris etdiyinə dair bilgi yoxdur. Amma illərin göyə sovurduğu pulun bu şəxsə niyə verildiyini də rektordan​ soruşmaq lazımdır. ADAU-da “sosial yardım” alanlar sırasında​ YAP​ Gəncə şəhər təşkilatının sədri​ Naqif​ Həmzəyev​ də​ yer alıb. Tarix kafedrasından​ 0,5 ştat vahidi üzrə maaş alan millət vəkilinin isə, mütamadi olaraq rektora sayğı ifadə etməsi, bütün tədbirlərə birlikdə qatılmaları hər şeyi deyir. Cənab Prezident! ADAU-dakı bu özbaşınalıqların qarşısını almağı Sizdən xahiş edirik”.
​ Belə bir olaylarla bağlı daxil olan müraciətin varlığını əsas tutub rektor İbrahim Cəfərova telefon zəngi etdik ki, məsələlərə münasibətini öyrənə bilək. Düzdür, o, ilk telefon zəngimizə cavab versə də, sonrakı zənglərimizə cavab vermədi. Yəni, universitetdə baş verən qanunsuzluqlarla bağlı ünvanladığımız suallara cavab əldə etmək istəsək də, İbrahim müəllim suallarımızdan yayınmaq üçün heç bir telefon zəngimizə cavab vermədi. Biz də məcburiyyət qarşısında qaldığımız üçün, yazını birtərəfli qaydada dərc etməyə məcbur olduq.

GundemXeber.Az