“Nazir oğlunun Bakıda olan restoranlarını, şirkətlərini üzə çıxartmışıq. Bəs deyirsiniz Azərbaycanda “uşaq pulu” verilmir? Monopoliya və korrupsiya bu ölkəni uçuruma aparır!”

Bu fikirləri bloger Mehman Hüseynov videoaraşdırmasında səsləndirib.

“Femidanın kölgəsində gizlənən oğlan” filmi Baxın görün bu ölkədə adamın arxasında nazir ata dayananda nələr etmək olur? Sadə bir vəkilin bu qədər pulu, restoranları, şirkətləri hardandır?”, – bloger qeyd edib.

Ədliyyə naziri Fikrət Məmmədovun “kasıb” oğlu, Vəkillər Kollegiyasının üzvü, sadə bir vəkil Fariz Məmmədovun restoranlarını, şirkətlərini tapmışıq. Kimsə deyə bilər ki, sadə bir vəkilin bu qədər pulu, var dövləti hardandır?

“Sadə vəkil” olan Fariz Məmmədov əslində kimdir?

O hansı şirkətləri idarə edir?

Restoranları hansı pullarla açıb?

Onun dostları hansı vəzifələrdə oturur?

Vəkillər Kollegiyasının başında kim oturur?

Bu hökumətdə ondan çox nazir vəzifəsi tutanı yoxdur. 21 ildir ədliyyə naziri kreslosuna oturan Fikrət Məmmədovu nəzərdə tuturam. Bu gün onun özündən yox, oğlundan danışacağam”, – Mehman Hüseynov bildirib.

Fariz Məmmədov 38 yaşındadır.

Hazırda Bakı şəhəri 12 saylı vəkil bürosunda işləyir. Bir müddət bu məsləhətxananın müdiri də olub.

O həm də Vəkillər Kollegiyasının Rəyasət Heyətinin üzvüdür.

Arqument.az Mehman Hüseynovun araşdırmasını təqdim edir:

Gundemxeber.Az