Yəqin ki, çoxsaylı oxucularımız bir neçə gün bundan öncə Gundemxeber.az saytında yayımlanan “Üç övlad atası Mehriban Zeynalovanın sığınacağını “ağ  yuyub qara sərdi”- ŞOK İTTİHAM” başlıqlı məqalədə qeyd olunanlarla bağlı az-çox məlumata malikdirlər. 

Qeyd edək ki, həmin məqalə Bakı şəhəri, Yasamal rayonu, D. Bünyadzadə küçəsi, ev-4 ünvanında yaşayan Hüseynov Hüseyn Vaqif oğlunun redaksiyamıza təqdim etdiyi şikayət ərizəsi əsasında yayımlanmışdı. Belə bir başlıq adı altında məqalə yayımlandıqdan sonra, Hüseyn Hüseynov redaksiyamıza bir çox məlumatlarla bərabər, əlavə foto-şəkillər də təqdim etdi ki, həmin məlumatları dinlədikcə, yaxud da foto-şəkillərə baxdıqca şoka deyil, sanki “şökə düşməli” olduq. 

Yəni, o halda bəlli oldu ki, Mehriban Zeynalovanın rəhbərlik etdiyi “Təmiz Dünya” Qadınlara Yardım İctimai Birliyində nə təmizlikdən, nə də ki, şəffaflıqdan heç bir əsər-əlamət yoxdur. Məsələn, təkrar Gundemxeber.az-ın redaksiyasına müraciət edən Hüseyn Hüseynov bildirir ki, “Baxın, sizə təqdim etdiyim bu şəkillərdə uşaqların diləndirilməsi görünür. Guya ki, kiçik övladım əqli cəhətdən zəifdir və buna görə də Mehriban Zeynalovanın əlaltıları sosial şəbəkələrdə onunla bağlı paylaşımlar edirlər.

 Həmin şəxslərin başlıca məqsədləri, məhz öz maraqlarının təmin olunmasına çalışmaq olur. Əslində, bu cür addımların atılması şər və böhtandan başqa bir şey deyil. Deyərdim ki, kiçik övladım üç övladımın içində ən ağıllısıdır. Bu Qadın və Uşaq Sığınacağında müxtəlif adlar adı altında ianələr toplanılır və dövlətdən, iş adamlarından, xaric ölkələrdən, xarici şirkətlərdən və s. pullar əldə olunur. Sual edirəm ki, görəsən bu pulların açot-uçotu harada və necə aparılır? Guya ki, bu sığınacağın Şəki filialı var və filial fəaliyyət göstərir, hətta həmin filiala mebellər və s. alınır. 

Əslində belə bir filial yoxdur. Yəni, bu barədə Mehriban Zeynalovanın əlaltıları öz şəbəkələrində yazırlar. Onlar mənim uşaqlarımın şəkillərini paylaşırlar, şəkillərdə uşaqların gözlərini bağlı verib, alt hissəsində isə yazırlar ki, bu uşaqlara geyim paltarları lazımdır. Bir daha bildirirəm ki, mən uşaqlarımı saxlamaq üçün hər cür imkana malikəm. Faktdır ki, Qadın və Uşaq Sığınacağının rəhbərliyi övladlarımı orada girov saxlayır və onları dilənməyə vadar edir. Mən heç cür başa düşə bilmirəm ki, diləndirməyin başqa formaları varmı?

   Qeyd edim ki, bu məsələ ilə bağlı aidiyyatı dövlət qurumlarına, o cümlədən PA-na, DTX-nə, DİN-nə və s. orqanlara rəsmi qaydada müraciətlər etmişəm. Düşünürəm ki, sonucda bu işin bir nəticəsi olacaq. Övladımın atası olduğum üçün, mən bu gün mübarizəmi davam etdirirəm. Bəli, sığınacaqda elə uşaqlar var ki, onların ataları yoxdur və ailələrində ciddi problemləri var. Başa düşə bilmirəm ki, sığınacağın rəhbərliyi uşaqları ora yığıb onların adından yardımlar yığmalıdır, uşaqları istismar etməlidir? Sual oluna bilər ki, Mehriban Zeynalovanın öz övladları hardadırlar? Bildirim ki, bu şəxsin iki qız və bir oğul övladı var. 

Övladlarından biri Litva dövlətinin vətəndaşıdır. Təqribi məlumatım var ki, bu xanımın övladları illər öncə özlərinə sənəd düzüb-qoşublar və miqrant adı altında xarici ölkələrə gediblər. Odur ki, bütün bunların araşdırılmasına  ciddi ehtiyac var”. Qarşı tərəfi də dinləyə bilərik.

Mövzuya qayıdacağıq.

GundemXeber.Az