Araşdırmaçı jurnalist Cavanşir Həsənli Facebook səhifəsində Azerfreedom YouTube kanalının bağlanması ilə bağlı məlumat yayıb. Jurnalistin paylaşdığı  məlumatı olduğu kimi təqdim edirik:

"Ay həzarat! Bilən varmı Qurban Məmmədov "Azerfreedom" kanalını niyə bağlayır? İanə toplamaq nəydi, kanalı qapatmaq nədir?!  

Kanalın təsisçisi Qoşqar Məmmədov (Qurban Məmmədovun oğlu) AZERFREEDOM MEDIA COMPANY LTD-nin ləğvi ilə bağlı DS01 ərizə forması ilə fevralın 1-də Britaniya Şirkətlər Evinə müraciətinə edib, bu gün müvafiq elan yerləşdirilib. Elana əsasən 2 ay ərzində şirkətin reyestrdən çıxarılması nəzərdə tutulur. Yəni maliyyə tələbləri üçün 2 ay möhlət verilir. Şirkət (kanal) tamamilə ləğv edildikdən sonra ona aid hər şey Kraliyət xəzinəsinə keçəcək.

P.S. İanələrlə bağlı məndən heç nə soruşmayın."

GundemXeber.Az