Bu gün kimin kim olduğu azdan-çoxdan əksəriyyətə bəlli olsa da, Azərbaycan Respublikası Prezidenti Administrasiyasının İctimai-siyasi məsələlər şöbəsinin Mətbuat və informasiya orqanları ilə iş sektorunun müdiri, politoloq Vüqar Saydam oğlu Əliyevin hansı məshəbə qulluq etməsi hələ də qaranlıq qalmaqdadır. Unutmaq olmaz ki, bu şəxs Əli Həsənova xidmət etdiyi vaxtlarda ölkə rəhbərinin ünvanına, onun ailəsinə qarşı söyüş sözləri söydürmək üçün, Avropada yaşayan hüquq müdafiəçisi Vidadi İsgəndərlinin Göyçay qəbristanlığında uyuyan atasının qəbrinə, müəyyən şəxsləri təhrik etməklə işətdirir. Söz yox ki, bu kimi işlərin başında duran da, təşkilatçılıq edən də sabiq köməkçi Əli Həsənov idi. Amma, görülən iyrənc işlərin icraçısı cənab Vüqar Əliyev olur ki, bu heç də əksəriyyət tərəfindən alqışlanmadı. Hətta, ölkədə 40-dan çox saytların bloklanması üçün şəxsən Vüqar Əliyevin özü "Delta Telekom LTD"yə zəng edib lazımi tapşırığını da verir. Buna da başlıca səbəb, onun ölkədə ajiotaj yaratmaq istəyi olur. Bu gün sual oluna bilər ki, Əli Həsənovun bir nömrəli adamı olan Vüqar Əliyevi Prezident Administrasiyasında hansı əsasla saxlayırlar? Görəsən bu şəxs hansı keyfiyyətlərinə, hansı iş təcrübəsinə görə bugünkü vəzifəsində saxlanılır, bu heç də hər kəsə bəlli deyil. Yayılan müəyyən məlumatlara görə, Vüqar Əliyev Ramiz Mehdiyevdən sonra Rusiyanın Azərbaycanda fəaliyyət göstərən  "5-ci kalon”una rəhbər təyin olunub. Apardığımız araşdırmalardan  o da məlum olur ki, Əli Həsənova sadiqliyi ilə seçilənlər ara-sıra paytaxtın "Yasamal parkı" adlanan məkanında intensiv görüşlər keçirirlər. Görüşdə nələrdən bəhs olunması məlum olmasa da, Vüqar Əliyevin orada qəzet və saytların baş redaktorları ilə ayrı-ayrılıqda görüşməsi müəyyən nüanslardan xəbər verir. Hər halda yuxarıda sadalananları ölkənin 1-ci vitse-prezidentinin aparat rəhbərləri araşdırsalar yaxşı olar.

  Unutmaq olmaz ki, bu Vüqar Əliyevin idarəçiliyində çoxşaxəli özəlliklər var ki, onlardan biri də onun təsir dairəsində saxladığı reket saytlar və müəyyən internet resursları vasitəsilə, xoşu gəlmədiyi məmurlar barəsində daim ifşaedici məlumatlar yaydırması olur. Bu şəxsin belə bir cür çirkin oyunları oynamaqda başlıca məqsədi, sözügedən məmurları özü ilə anlaşmağa məcbur etmək olub. Bir xatırlamanı da yada salaq ki, ləğv olunmuş Milli Təhlükəsizlik Nazirliyinin mediada yaratdığı şəbəkənin bəzi üzvləri, zaman-zaman Vüqar Əliyevin diqtəsi ilə hərəkət ediblər. Bu cür “ayı xidməti”nin qarşılığında həmin sayt rəhbərlərindən bir çoxu Vüqar Əliyevdən yararlanmağı bacarıblar. Yəni, bir növ bu vəzifə sahibinin “muzdlu nökər”inə çevrilən sayt rəhbərlərindən bəziləri, jurnalistlər üçün tikilən binadan mənzil almağa müvəffəq olublar.

  Bir məqama da diqqət yetirək ki, vaxtilə Əli Həsənovla Vüqar Əliyevin düzüb-qoşduqları işbirliyinin nəticəsi bumeranq effekti də əmələ gətirdi. Yəni, hər iki vəzifə sahibinin təsir dairəsində saxladıqları troll dəstələrinin savadsızlığı ucbatından yazılan arqumentsiz rəylər, sosial şəbəkə istifadəçilərini qıcıqlandırdı və umumi şəkildə götürdükdə, bu hakimiyyətin siyasətinə qarşı narazılığın artmasına səbəb oldu. Bundan əlavə, Avropa ölkələrində yaşayan və hakimiyyətə qarşı söyüş və təhqir dili ilə danışan şəxslərin ünvanına, Əli Həsənovla Vüqar Əliyevin təsir dairəsində saxladıqları troll dəstələrinin yazdıqları, onları daha da aqressivləşdirdi. Belə olan halda xaricdən səslənən və söyülən söyüşlərin əsas hədəfi Prezident və onun yaxınları olur. Söz yox ki, bütün bunlar müəyyən planlar əsasında həyata keçirilən addımlar olur ki, burada başlıca məqsəd ölkə daxilində daha çox ajiotaj yaratmaq, ölkə rəhbərini və onun komandasını nüfuzdan salmaq olur. Baş verənləri təhlil edib belə qənaətə gəlmək olur ki, Vüqar Əliyevin bugünkü vəzifəsində saxlanılması, bundan sonra da bənzəri olmayan olayların baş verməsini qaçılmaz edəcək. Burada ortaya belə bir sual çıxır ki, İlham Əliyev hökumətinə qarşı yaradılan problemlərdə iştirak edən bu şəxsi Prezident Administrasiyasında hansı əsasla saxlayırlar? Çünki,  Azərbaycan Respublikası Prezidenti Administrasiyasının İctimai-siyasi məsələlər şöbəsinin Mətbuat və informasiya orqanları ilə iş sektorunun müdiri, politoloq Vüqar Əliyev,  Əli Həsənovun sayəsində formalaşmış ən böyük oyunçudur və iyrənc əməllərə rəvac verən şəxsdir.

GundemXeber.Az