Bu gün Qəbələ rayonu Xırxatala kənd sakinləri tərəfindən gundemxeber.az saytının redaksiyasına maye qazsızlığa və elektrik xəttlərinin qəzalı vəziyyətdə olmasına görə şikayət məktubu ünvanlayıblar. Bir qrup kənd sakinlərinin müraciətlərini olduğu kimi oxucularımıza təqdim edirik: 

 “Biz Qəbələ rayonu Xırxatala kənd sakinləri qazsızlığa və elektrik xəttlərinin qəzalı vəziyyətdə olmasına görə çox əziyyət çəkirik. Həmçinin elektrik dirəklərinin olmamasına görə həyatımız ciddi təhlükə altında olsada  aidiyyatı orqanlar buna diqqət yetirmirlər.

Xırxatala kəndinin 1500 təsərüfatı var. Kənd rayon mərkəzindən təxminən 4 km aralıda yerləşsədə indiyə qədər qaz xətti çəkilməyib. Buna görə elektrik enerjisindən çox istifadə edilir. Evlərimizi elektrik cihazları ilə qızdırır. Elektrik enerjisi çox zəif, həm də gec verilir lampalar sanki közərir.

Kəndin elektirik dirəkləri yoxdur buna görə ağaclardan elektrik dirəkləri düzəltmişik. Bunlar isə tez-tez aşır ki, həyatımız təhlükə altında qalıb.Həttda dirəklər aşıb mal-qaramızı tok vurub öldürmüşdü. Bu mənzərəni təqdim etdiyimz videoda baxıb görəndə təcüblənməyin.Sanki Xırxatala kəndi dövlətin yadından çıxıb.

Problemin aradan qaldırlması üçün kənd sakinləri dəfələrlə Qəbələ rayon icra başçısı Səbuhi  Abdullayevin və Qəbələ  Elektrik Şəbəkəsinin rəhbərinin qəbulunda olsaq da heç bir tədbir görməyiblər.

Sizin GundemXeber.az saytı vasitəsi ilə Prezident cənab İlham Əliyevdən kömək istəyirik. Cənab Prezident xahiş edirik Xırxatala kəndinə qaz xəttinin çəkilməsinə, elektrik dirəklərinin tətbiq edilməsinə köməklik göstərəsiniz.

Qəbələ rayonu Xırxatala kənd sakinləri

İbrahimov Ramil Amil oğlu  Əlaqə tel; 051 662- 31- 33

Gözəlov Vahab Nasir oğlu

Mehdiyev Əfqan Əli oğlu 

Kazımov Faiq Nemət oğlu”

Yazıda adıçəkilən məmurların da mövqeyini dinləməyə hazırıq.

GundemXeber.Az