Bu gün bir neçə nəfər Ucar rayon sakini tərəfindən gundemxeber.az-ın redaksiyasına olduqca maraqlı məlumatlar daxil olub. Daxil olan məlumatda qeyd olunur ki,

"Yevlax Rayonlararası Qeydiyyat İmtahan və Texniki Baxış Şöbəsində əməlli-başlı bazar açılıb. Digər "mero''larla  müqayisədə burada qiymətlər kəllə-çarxa çıxıbr. Belə bir səbəbdən də  bu ünvana üz tutan sakinlər olmazın həddə soyulurlar.

Bu cür vəziyyət Cavanşir Vəliyev Yevlax Rayonlararası Qeydiyyat İmtahan və Texnixi Baxış Şöbəsinə rəis təyin olunandan sonra baş verib. Adam deyir ki, "burada mən Bağdadda kor xəlifədir".

Sürücülük vəsiqəsi almaq üçün 1400 manat rüşvət verilməlidir, avtomobilin qeydiyyatı 600 manat, texniki baxış kiçik avtomobillər 100, yük maşınları 200 manata edilir. Nömrə, sürücülük vəsiqəsinin dəyişdirlməsi 200-300 arası olunur.

Texniki baxışdan avtomobili gətirilmədən keçirmək üçün kiçik avtomobillər 200, böyüklər isə 400 manat təşkil edir.

Yevlax Rayonlararası Qeydiyyat İmtahan və Texnixi Baxış Şöbəsinin rəisi Cavanşir Vəliyevin milyonlarla manat dəyərində olan malikanələri, ticarət obyektləri, yanacaq doldurma məntəqəsi, şadlıq evi və bahalı avtomobilləri var.Təkcə Bakı şəhərində 14 yerdə mənzili, Qəbələdə, Qaxda, Qubada və Göyçayda villaları var. Cavanşir Vəliyev əslən Göyçayın Qarabaqqal kəndindəndir. İki böyük mal-qoyun ferması var ki, hər birində 3000 baş qoyun və inəklər saxlanılır.

Yevlax rayonlararası Qeydiyyat İmtahan və Texnixi Baxış Şöbəsinə gedən şəxsləri ilk olaraq Cavanşir Vəliyevin özü ilə Göyçaydan gətirdiyi dəllallar qarşılayır. Qiyməti onlar oxuyub pulu alıb korrupsiya əməliyyatını həyata keçirirlər.

Rüsumların həddən artıq  şişirdilməsinə etiraz edənlərin isə avtomobillərinə qanunsuz əngəllər yaradırlar. Gah deyilr ki, mühərrik nömrəsi düz deyil, avtomobilin ban nömrəsi dəyişdirilib, rəngi düz gəlmir maşında şübhə var. Bu yolla avam insanları aldadıb istədikləri pulu ala bilirlər. Cavanşir Vəliyev sanki dövlət idarəsini özəlləşdirib bazar edibdir.

Vətəndaşlar çox əziyyət çəkirlər və açıqca şəkildə soyulurlar.

Azərbaycan Respublikasının Daxili İşlər Nazirliyində yüksək nizam-intizam olduğu halda Cavanşir Vəliyevin dövlət idarəsini bazara döndərməsi yolverilməz bir haldır.

Hörmətli Daxili İşlər Naziri cənab Vilayət Eyvazovdan xahiş edirik ki, bu problemə diqqət edib Cavanşir Vəliyev barədə tədbirlər görsün."

İmza: Əliyev Zaur Qorxmaz oğlu

Cəbrayılov Tural Malik oğlu

Seyidov Sadiq Əhməd oğlu

Babayev Akif Gülağa oğlu

Məmmədov Rasim Kamil oğlu

Əhmədov Cavid Nazim oğlu

Qasımov Qabil Mobil oğlu

Biz də gundemxeber.az redaksiyası olaraq, yazıda adıçəkilən şəxslərin mövqeyini dinləyib dərc etməyə hazır olduğumuzu bildiririk. 

GundemXeber.Az