Gundemxeber.az » GündəmXəbər » Masazırda gölü doldurub yerində sənədsiz evlər tikənlər kimlərlə anlaşıb? - FOTOLAR
Masazırda gölü doldurub yerində sənədsiz evlər tikənlər kimlərlə anlaşıb? - FOTOLAR
Şəhərsalma və Arxitektura Komitəsi Masazırd baş verənlərə niyə göz yumur?
Abşeron rayon Masazır qəsəbəsi göl adlanan ərazidə dayanmadan sənədsiz həyət evlərinin tikintisi davam edir.
Ötən həftə Abşeron rayonu Masazır qəsəbəsi ərazisində yerləşən zibilli göl deyilən ərazinin doldurularaq yerində sənədsiz evlərin tikilməsi ilə bağlı oxucularımıza məlumat vermişdik. Bildirmişdik ki, tikinti işlərini Elçin, Xəyal və Səyyab adlı maklerlər həyata keçirir. Ərazidəki gölü müxtəlif zibil vasitələri ilə dolduran maklerlər, tikinti üçün heç bir icazə sənədlərinin olmamasına baxmayaraq, tikinti işlərini rahat şəkildə davam etdirirlər. Əldə etdiyimiz məlumata görə göl adlanan ərazidə tikilən yüzlərlə həyət evinin tikintisinə "icazə" Abşeron rayon İcra Hakimiyyətindən verilib. Tikinti həyata keçirən maklerlərin hər ev üçün İcra Hakimiyyətinə sahə və hündürlüyündən asılı olaraq 2500-4000 manat arası vəsait ödədiyi bildirilir.
Dərc edilən yazıdan sonra həmin ərazidə tikinti işləri aparan və evlərin kreditlər satışını həyata keçirən Elçin adlı şəxs (makler) redaksiyamıza zəng edərək məsələyə münasibət bildirdi.
Elçin adlı şəxsin açıqlamasında deyilir: "Biz kanalzasiya sularının axdığı və üfunət iyi verən gölü dolduraraq tikinti işi görürük. Bu işimizə görə hər kəs bizə təşəkkürünü bildirir. Çünki çirkab içində olan ərazidə yeni evlər tikərək vətəndaşlara xidmət edirik. Ərazidə evlərin tikilməsi üçün dövlət qurumlarının rəsmi icazəsinin olmadığını Elçin adlı şəxsə bildirdikdə isə o qeyd etdi ki, "heç bir tikinti icazəsiz tikilə bilməz, sənədimiz olmasa da, cavabdeh olan qurumdan icazə alırıq".
İş adamı "cavabdeh olan qurumun" hansı qurum olduğunu isə bildirmədi.
AzFakt.com-un əldə etdiyi məlumatda qeyd edilir ki, ərazidə tikinti işləri həyata keçirən maklerlər Abşeron rayon İcra hakimiyyəti ilə "anlaşıblar". Məhz Elçin adlı iş adamınında cavabdeh qurum dedikdə Abşeron icra hakimiyyətini nəzərdə tutduğunu deyə bilərik.
Hazırda ərazidə 300-ə yaxın ev tikilib və tikinti işləri sürətlə davam edir.
AzFakt.com-a daxil olan məlumatda bildirilir ki, ərazidə tikilən yüzlərlə evlərdən Dövlət Şəhərsalma və Arxitektura Komitəsinin və FHN-nin Tikintidə Təhlükəsizliyə Nəzarət Dövlət Agentliyinin xəbəri yoxdur. Yəni tikinti işləri Abşeron rayon icra Hakimiyyətinin "icazəsi" ilə gizli həhata keçirilir.
Məsələ ilə bağlı araşdırmamız davam edəcək.
Qarşı tərəfin mövqeyini dərc etməyə hazırıq.
Gundemxeber.az
Oxşar yazılar :
-
-
Masazırda dəhşətli qəza: ölənlər var ...
1-04-2014, 10:44
-
Sənədsiz evlərin sənədindəki maxinasiya ...
25-12-2012, 13:10
-
İcra hakimiyyətlərinə xəbərdarlıq edildi ...
6-05-2014, 10:10
-
Sənədsiz evlərlə bağlı qanun layihəsi hazırlandı ...
28-01-2015, 20:24
-
Bakıda 16 mərtəbəli yaşayış binasının icazəsiz ...
20-06-2018, 11:23
Sorğu
Yeni dizaynımız necədir?