GundemXeber.Az bildirir ki, Qazax rayon, Fərəhli kəndində yaşayan, Şəhid anası, 5 oğul anası, Qəhrəman ana, Qurbanova Hamaya Mustafa qızı və Qurbanov Mahmud Məqsəd oğlu tərəfindən prezident cənab İlham Əliyevə, birinci vitse-prezident Mehriban xanım Əliyevaya və Qazax rayon İcra Hakimiyyətinin Başçısı cənab Rəcəb Babaşova müraciət ediblər.

Müraciətdə deyilir: "Bildirmək istəyirəm ki, Qazax rayon, Fərəhli kəndində anadan olmuşam, Vətənim Azərbaycana 5 oğul böyütmüşəm, oğlanlarımın İkisi Qoşqar və Mahmud Azərbaycan Respublikası Silahlı Qüvvələrində müddətdən artıq həqiqi hərbi xidmətdə olublar, bir oğlum mərhum Qurbanov Qoşqar Məqsəd oğlu 2014-cü ildə "N" saylı hərbi hissədə döyüş tapşırığını yerinə yetirərkən qəhrəmancasına şəhid olmuşdur.

  İkinci oğlum Qurbanov Mahmud Məqsəd oğlu 2002-ci ildən 2004-cü ilədək "N" saylı hərbi hissədə, 2010-cu ildən 2017-ci ilədək başqa bir "N" saylı hərbi hissədə xidmət etmiş və 2017-ci ildə ağır xəstəliklə əlaqədar Silahlı Qüvvələrdən təxris olmuşdur.

  Qeyd etmək istəyirəm ki, oğlum Qurbanov Mahmud Məqsəd oğlu xəstədir, hərbi xidmət zamanı demək olar ki, yarımcan olmuşdur, belə ki, oğlum 2011-ci ildə travma almağı haqqında arayışı 2017-ci ildə təxris olan zaman (cərrahi əməlliyat olduğu) ağır xəstə olduğu üçün Müdafiə Nazirliyi Mərkəzi Hərbi Həkim Komissiyası tərəfindən hərbi xidməti vəzifələri yerinə yetirməklə əlaqədar xəstəlik qərarı verilmişdir.

  Hal-hazırda oğlum Mahmud 2-ci qrup hərbi xidmət vəzifəsinin icrası ilə əlaqədar əlildir.

  Oğlum öz müalicəsinin və 8 nəfər ailə üzvlərinin yaşayış tərzinin normallaşması barədə kiçik sahibkarlıqla məşğul olmaq üçün 1 sot torpaq sahəsi ayrılması barədə Qazax rayon İcra Hakimiyyətinə dəfələrlə yazılı və şifahi müraciət etdi, Lakin müraciətinə baxan olmadığı üçün Bakı şəhərində yerləşən Prezident Admistrasiyasında Zöhrab müəllimlə görüşdü. Zöhrab müəllim oğluma bildirdi ki, get rayona Qazax rayon İcra Hakimiyyətinin Başçısına göstəriş verəcəyik sənə sahibkarlıq üçün 75 kv torpaq sahəsi ayıracaq. Qayıtdıqdan sonra oğlum Qazax rayon İcra Hakimiyyətinin Başçısının 5 dəfə qəbulunda oldu ki, həm işlə, həm də torpaqla təmin edilsin. 3 ay müraciətimizə cavab verilmədi, bu boyda Qazax rayonunda hər pulu olana hər şey tapıldı, lakin oğluma 75 kv torpaq ayrılması üçün yer tapılmadı. Sonradan 6-cı dəfə oğlum Qazax rayon İcra Hakimiyyətinin Başçısının qəbuluna getmək istədi, bu zaman müavin Məmməd müəllim ona bildirdi ki, obyekt tikmək üçün torpaq sahəsi yoxdur, böyük xəstəxananın yanında Dədə Qorqud parkında 35 kv yer verdi ki, bünövrə qaz və 40 sm "kubik"lə hörgü işləri apar və üstündə "plastik"lə şüşəli et, oğlum da razı olub işə başladı, bünövrəni qazıb "beton" tökdü, bir min manata yaxın borc edib işə başladı, lakin axşam Qazax rayon İcra Hakimiyyətinin göstərişinə əsasən həmin ərazidə tikinti işlərini dayandıraraq tökülən materialı maşına yığıb harasa apardılar, mənə yenidən tikintiyə qadağa qoydular.

  Nəzərinizə çatdırmaq istəyirəm ki, oğlum Mahmudun himayəsində mən yaşlı anası, öz ailəsi 4 nəfər və şəhid oğlumun ailəsi 3 nəfər hamısı bir yerdə yəni 8 nəfər oğlumun himayəsindədir.

  Əlavə olaraq nəzərinizə çatdırmaq istəyirəm ki, 01.05.2023-cü il tarixində utanmadan biabır olacağınız şəkildə mənə məktub yazırsınız. Belə ki, yeri Siz göstərib, yaşıllığı təmizləyib, sonra tikintiyə icazə verirsiz, mənə maddi ziyan vurursuz, ardınca yazırsız guya həmin yeri mən zəpt etmişəm. Ar Olsun Sizin kimi nankor məmurlara.

  Cənab Prezident!

Sizdən xahiş edirəm ki, oğluma Qazax rayonunda sahibkarlıq fəaliyyəti ilə məşğul olması üçün əvvəl ayrılmış Dədə Qorqud parkında 35 kvm yerdə yüngül konstruksiya işləri (plastik və şüşə olmaqla) aparılmasına görə müvafiq tapşırığınızı verəsiniz."

İmza: Qurbanova Hamaya Mustafa qızı.

 Qurbanov Mahmud Məqsəd oğlu.

GundemXeber.Az