Qəbələ rayon, Zarağan kənd sakini Mürsəlov Namiq Əhmədiyə oğlu gundemxeber.az xəbər portalına ünvanladığı müraciətdə qeyd edir ki, "Azərbaycan Respublikası ərazi bütövlüyü uğrunda döyüşlərdə fəal iştirak edmişəm, ağır yaralanmışam və bir çox bədən üzvlərim əmək qabiliyyətsizdir.

Müdafiə Nazirliyinin Hərbi Həkim Komissiyası tərəfindən 2014-cü ildə mənə xəstəlik qərarı verildi və 09.02.2018-ci ildən 09.02.2023-cü ilədək 5 il müddətinə 2-ci dərəcə Azərbaycan Respublikasının ərazi bütövlüyünün müdafiəsi ilə əlaqədar əlillik təyin edildi.

 Qeyd etmək istəyirəm ki, Azərbaycan Respublikasının ərazi bütövlüyünün müdafiəsi ilə əlaqədar 09.02.2018-ci ildən mən lazım olan sənətlərlə, pensiya və təqaüdlə təmin edildim. 2019-cu ilin iyun ayında pensiya və təqaüdüm dayandırıldı, bu zaman elektron sistemə əlillik vəziyyətimin yoxlanılması məqsədi ilə baxış keçirən zaman mənə məlum oldu ki, Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspetiza və Reabilitatsiya Agentliyi tərəfindən əlillik vəziyyətim əsassız olaraq mənə heç bir məlumat verilmədən etibarsız hesab edilərək pensiya və təqaüdüm dayandırılmışdır.

Sosial və əlil hüquqlarım pozulduğu üçün Şəki İnzibati Məhkəməsinə müraciət etdim, Şəki İnzibati Məhkəməsinin 2-1(116)-1580/2023 nömrəli, 30.05.2023-cü il tarixli qərarı ilə ədalətli məhkəmə tərəfindən iddia tələbim təmin edildi və əlilliyim bərpa edildi.

Əlillik müddətim bitdikdən sonra Qəbələ rayon Mərkəzi Xəstəxanasına müraciət etdim ki, təkrar səhətimdə olan ağır xəstəlikləri nəzərə almaqla tibbi göndəriş (forma 88) tərtib edilməklə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspetiza və Reabilitatsiya Agentliyinə göndərilsin ki, mənə növbəti dəfə əlillik təyin edilsin.

  Lakin 16.11.2023-cü il tarixdə Qəbələ rayon Mərkəzi Xəstəxanasında komissiyada olarkən vəzifəsinə uyğun olmayan, gözü mənim yarı can olmağımı görməyən (ola bilər ki, onun gözlərini digər dəyərli maddi şeylər yumduğundan mənim xəstəliyimi görməyib) Direktor müavini Cəfərov Fikrət Bayraməli oğlu hegamonluqla danışaraq mən müharibə əlillinə tibbi göndəriş göndərməkdən (digər komissiya üzvləri sakit oturub bu hegamona baxırdılar) imtina etmişdir. Hətda əvəllər statsionar müalicə üçün müraciət etdikdə də məni müalicəyə qəbul etməmiş, mən Şəki şəhər Mərkəzi Xəstəxanasında statsionar müalicə olunmuşam. Bu səbəbdən də bu kimi həkim adına ləkə olan Cəfərov Fikrət Bayraməli oğlu “Tibbi Ərazi Bölmələrini İdarəetmə Birliyi” publik hüquqi şəxs (TƏBİB) rəhbərliyi tərəfindən ciddi cəzalandırılmalıdır və gözü mən yarı can insanı görməyə məcbur edilməlidir.

 Cənab Prezident!     

Sizdən Xahiş edirəm ki, Qəbələ rayon Mərkəzi Xəstəxanasının 16.11.2023-cü il tarixli əlilliyin təyin edilməsi üçün tibbi göndərişin verilməsindən imtina aktını ləğv edəsiniz və səhətimdə olan ağır xəstəlikləri nəzərə almaqla ətraflı tibbi göndəriş (forma 88) tərtib edilməklə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspetiza və Reabilitatsiya Agentliyinə göndərilməsinə köməkdarlıq edəsiniz."

İmza: Mürsəlov Namiq Əhmədiyə oğlu.

GundemXeber.Az