Məlumdur ki, son vaxtlar ölkə gündəmini məşğul edən əsas mövzulardan biri də, ötən 12 il 6 ay ərzində “SOCAR AQŞ”-də baş direktor vəzifəsində çalışan, məşhur Harvard Universitetini fərqlənmə diplomu ilə başa vuran Ramin İsayevin qanunsuz həbsdə saxlanmasıdır. 

Bu şəxsin həbsdə saxlanmasının heç bir hüquqi əsası olmasa da, Ramin İsayevlə qərəzçilik edən bəzi vəzifə sahiblərinin verdikləri sifarişlər əsasında qeyd olunur ki, guya “SOCAR AQŞ”-də baş direktor vəzifəsini daşıyarkən o, özünə yüksək məbləğdə maaş yazır. Belə bir səbəbdən də Ramin İsayev daşıdığı vəzifəsindən azad olunur. 

Əslində bütün bunlar cəfəng və böhtan xarakterli məlumatlardir ki, məhz həmin məlumatlar bu şəxslə qərəzçilik edənlər tərəfindən dövriyyəyə buraxılır. Gundemxeber.az-ın redaksiyasına daxil olan məlumatlara görə Ramin İsayevi kimsə işdən çıxartmayıb, əslində onun özü baş verən haqsızlıqlara etiraz əlaməti olaraq 16 oktyabr 2020-ci il tarixdə öz ərizəsi ilə işdən çıxır. Yəni, bu şəxs işdən çıxmaq barədə yazdığı ərizəsini müəssisənin baş hüquqşünasına təqdim edir. Baş hüquqşünas da onun ərizəsini Direktorlar Şurasına təqdim edir və bununla da o, daşıdığı vəzifəsindən uzaqlaşır. Diqqət yetirmək lazımdır ki, Ramin İsayev məmur olmayıb, o, özəl müəssisə hesab olunan “SOCAR AQŞ” MMC-də 12 il 6 ay ərzində baş direktor vəzifəsində çalışıb. Qeyd edək ki, Ramin İsayev ötən ilin iyun ayında saxta ittihamlar və verilmiş sifarişlər əsasında həbs olunub. Artıq bir ilə yaxındır ki, bu şəxs dözülməz şəraitdə məhbəs həyatı yaşamaqdadır.

    Diqqət yetirmək lazımdır ki, Ramin İsayev işlədiyi ötən illər ərzində dövlətimizə, səhmdarlara, “NEQSOL” Holdinqə milyonlar deyil, hətta milyardlar qazandıran şəxs olub. Bundan əlavə o, baş direktor vəzifəsini daşıyarkən rəhbərlik etdiyi 1200 nəfər işçinin də, məhz dərin rəğbətini qazanmağı bacarır. Əslində belə bir göstəriciləri özündə cəmləşdirən bu şəxsin, hal-hazırda istintaq təcridxabnasında saxlanması heç cür yolverilməzdir. Qeyd edək ki, Ramin İsayev ölkəmizin iqtisadiyyatına nə az, nə çox, düz 5,5 milyard dollara yaxın pul vəsaiti qazandırıb. Təəssüflər olsun ki, indiyə kimi bu haqda İqtisadiyyat Naziri Mikayıl Cabbarov bircə dəfə də nəsə danışmayıb. 

Faciə odur ki, dövlət büdcəsini tarmar edən bir çox məmurlar bu gün də rahat həyatlarını yaşayırlar, büdcəmizə milyardlarla pul qazandıran Ramin İsayev isə, hal-hazırda məhbəs həyatı yaşamaqdadır. Bu nə deməkdir? Onu da vurğulamaq yerinə düşər ki, lazımi məlumatlar “NEQSOL” Holdinqin səhmdarı Nəsib Həsənova olduğu kimi, yəni tam dəqiqliyi ilə çatdırılmır. Əgər çatdırılırsa, bunu görməzdən gəlirsə, deməli... Belə bir səbəbdəndir ki, Ramin İsayev bu gün də həbsdə saxlanır. Təəssüf doğuran hal odur ki, bu Holdinqin rəhbərliyində duran Yusif Cabbarovdan bir kimsə əldə etdiyi milyardların haqq-hesabını soruşmur. Unutmaq olmaz ki, vaxtilə Ramin İsayevin büdcə vəsaitləri sərf etmədən təsis etdiyi və Nəsib Həsənova bağışladığı “TURAN” birgə qazma şirkəti, hər il bu şəxsə 10 milyonlarla pul vəsaiti qazanmağa imkan verir.

    Bir faktı qeyd edək ki, ötən ilin iyun ayında şərlənərək həbs olunan sabiq baş direktorun işi ilə bağlı 07 mart 2024-cü il tarixdə növbəti məhkəmə prosesi keçirilir və həmin vaxt Ramin İsayevin həbs müddətinin uzadılması ilə bağlı üç aylıq həbs qətiimkan tədbiri iki ay müddətinə endirilir. Bundan sonra, məhkəmə həbs-qətimkan tədbirini yenidən dörd ay uzadır. Ötən on bir ay ərzində keçirilən iyrimi bir məhkəmə prosesindən sonra belə bir qərarın qəbul olunmasını, məhz Ramin İsayevin əldə etdiyi qələbə də hesab etmək olar. Müəyyən çevrələrdə dolaşan söz-söhbətlərə görə, sifarişçilərin istəyi ilə Ramin İsayevin həbs müddətini yenə də uzatmaq istəyirlər. Baxmayaraq ki, ötən aylar ərzində aparılan istintaq araşdırmaları zamanı “SOCAR-AQŞ”-nin sabiq baş direktoru ilə bağlı ortaya əsaslı faktlar çıxarmaq mümkün olmayıb. Məsələnin düşündürücü tərəfi odur ki,  verilmiş ekspertizaların rəyləri “NEQSOL” Holdinqin prezidenti Yusif Cabbarovun qələmindən çıxan qeydlər əsasında hazırlanır. 

O halda sual oluna bilər ki, belə də ekspertiza olarmı? Deməli, ekspertiza rəyləri verilmiş sifarişlər əsasında hazırlanır. Bu günə kimi keçirilən məhkəmə proseslərində kifayət qədər cinayət əməllərinə qol qoyan şəxslərin adları hallansa da, nədənsə onlar məhkəmə proseslərində iştirak etməyiblər. Bu da onu söyləməyə əsas verir ki, Ramin İsayev verilmiş sifariş əsasında həbsdə saxlanır və bu şəxslə bağlı keçirilən məhkəmə prosesləri, məhz bəzi şəxslərin istəyinə uyğun olaraq qərəzli formada davam etdirilir.

    Qeyd edək ki, əgər on bir ay ərzində qanunsuz həbsdə saxlanan Ramin İsayevlə bağlı məlumatlar olduğu qaydada, düzgün formada  ölkə rəhbərinə çatdırılarsa, yəqin ki, o halda o, dərhal azadlığına qovuşar. 

Bununla da haqq-ədalət öz yerini tapar. Ötən yazımızda, yəni “Sabiq baş direktor hansı səbəblərdən həbsdə saxlanır?- İDDİALAR TƏSDİQİNİ TAPMIR” başlığı altında yayımladığımız yazımızda qeyd etmişdik ki, sabiq baş direktor həbs olunduğu vaxtdan davam etdirilən istintaq araşdırmaları zamanı, Ramin İsayev barəsində 16 milyon manatlıq mənimsəmə faktı ilə bağlı ortaya heç bir dəlil-sübutu çıxarmaq mümkün olmamışdır. O halda sual oluna bilər ki, hal-hazırda bu şəxs hansı səbəbdən həbsdə saxlanır və nəyə görə də həbsdə saxlanmalıdır?

Ardı var.

Mövzuya qayıdacağıq, bizi izləməyi unutmayın.

GundemXeber.Az