Gundemxeber.az » GündəmXəbər » Tamam Cəfərova qanunun tələblərini kobud şəkildə pozdu - Qanun nə deyir? (FOTOLAR)
Tamam Cəfərova qanunun tələblərini kobud şəkildə pozdu - Qanun nə deyir? (FOTOLAR)
Sentyabrın 1-də ölkəmizdə keçiriləcək növbədənkənar parlament seçkilərinin təbliğat-təşviqat kampaniyası davam edir.
GUNDEMXEBER.AZ Mia.az-a istinadla bildirir ki, 88 saylı Şamaxı Seçki Dairəsindən deputatlığa namizəd Cəfərova Tamam Şaməmməd qızı Seçki Məcəlləsinin tələblərini pozaraq təbliğat-təşviqat kampaniyasının qanunazidd aparılması hallarına yol verib.
Halbuki seçkiqabağı təbliğat-təşviqat kampaniyası Azərbaycan Respublikası Konstitusiyasının 47-ci maddəsinə və Seçki Məcəlləsinə əsasən aparılmalıdır.
T. Cəfərova isə Şamaxı Rayon Mərkəzi Xəstəxanasının inzibati binasının akt zalında xəstəxana kollektivi ilə görüş keçirib, təbliğat-təşviqat materiallarını kollektivə təqdim edib, məlum görüşün görüntülərini 24.08.2024-cü ildə sosial media hesablarında paylaşıb.
Bəs qanun nə deyir?
Seçki Məcəlləsinin 74.4.2-ci maddəsinə əsasən vəzifələrini və ya xidməti vəzifələrini yerinə yetirərkən, həm də vəzifəsindən və ya xidməti üstünlüyündən istifadə etməklə dövlət orqanlarında, idarələrində, təşkilatlarında və ya bələdiyyə orqanlarında və təşkilatlarında vəzifədə olan şəxslərə, dövlət və bələdiyyə qulluqçularına, hərbi qulluqçulara seçkiqabağı təşviqatın aparılması, seçkiqabağı hər hansı təşviqat materiallarının yayılması qadağan edilir. Bundan başqa, vəzifə və xidməti mövqedən üstünlük əldə etmək məqsədi ilə istifadə olunması halları müəyyənləşdirilib və bunun nəticəsində Şeçki Məcəlləsinin 69.4-cü bəndinə əsasən bərabərlik prinsipləri pozulub.
Əlavə olaraq Seçki Məcəlləsinin 55.2.1-ci maddəsinə görə tabelikdə və ya digər xidməti asılılıqda olan dövlət və bələdiyyə qulluqçuları sayılan şəxsləri iş vaxtı namizəd irəli sürülməsinə və ya seçilməyə kömək göstərən fəaliyyətə cəlb etmək həmin məcəllənin 55.2-ci bəndinə əsasən vəzifə səlahiyyətlərindən sui istifadə hallarına gətirən mövqe kimi qiymətləndirilir.
Belə olan halda namizədi nələr gözləyir?
Azərbaycan Respublikasının Seçki Məcəlləsinin 25.2.2-ci maddəsinin qaydalarının pozulması ilə əlaqədar Mərkəzi Seçki Komissiyası tərəfindən əsaslandırılmış qərar qəbul edilməlidir.
GUNDEMXEBER.AZ
Oxşar yazılar :
-
-
Deputatlığa namizəd olan iş adamı qanunları belə ...
13-01-2020, 13:57
-
Azay Quliyev seçki kampaniyasına yekun vurdu ...
30-10-2015, 23:30
-
23 gün seçki təşviqatına kifayət edəcəkmi? ...
6-08-2013, 11:43
-
Təşviqat başa çatdı — Bu gün ...
10-04-2018, 11:48
-
Parlament seçkilərində təşviqat üçün ayrılan ...
10-01-2020, 10:18
Sorğu
Yay istirahətini harada keçirmək niyyətindəsiniz?