Gördüyümüz Sovet müəllimləri müntəzəm dərslərlə yanaşı, şagirdlərə kişilik dərsi də keçirdilər. Həmin dövrdə uşaqlar məktəbdə müəllimlərin onları döydüyünü valideynlərinə deməyiblər. Məhz o vaxt müəllimlərin bizə verdiyi tərbiyə, təhsil, onlardan aldığımız kişilik dərsləri sayəsində 1991-ci ildə müstəqil Azərbaycanımızı bərqərar edə bildik, o vaxt “İlin mübariz xalqı” adına da layiq görüldük. Və indi biz nə edirik? Biz bunu edirik ki, müəllim şagirdə tərbiyələnməsi üçün vurduğu şillə barəsində şikayət  edirik ki, müəllimlər cəzalandırılsın. Nəzərinizə çatdırım ki, o vaxt müəllimlər şagirdlərin valideynlərinin xeyir-şər məclislərində iştirak edir, onlara yaxın qohumluq hissi yaradırdılar. Valideynlər də müəllimlərlə eyni cür davranırdılar. Axı müəllim-valideyn münasibətləri ən yüksək səviyyədə qorunub saxlanılırdı. İndi müəllimlərə qarşı aqressivlik o qədər yüksəkdir ki, şagirdlərin tərbiyələnməsi üçün onlara vurduqları şilləni lentə alıb sosial şəbəkələrdə yerləşdirirlər. Onlar mütləq və qeyd-şərtsiz müəllimlərin cəzalandırılması üçün tədbirlər görürlər. Belə bir vəziyyətdə müəllimə necə hörmət olacaq? Məhz bu səbəblərdən oğurluq və narkomaniya hallarının sayı günü-gündən artır.

Necə edək ki, biz yenə də sovet müəllimlərindən dərs aldığımız kimi, bu gün dı kişilik dərsi alıb "işverən"ə çevrilməyək?

Xüsusi vurğulamaq lazımdır ki, o dövrün məktəb direktorları və müəllimlərin əksəriyyəti kişilərdən ibarət idi.

Şirin Cəfəri

P.S. Söhbət əsl müəllimlərdən gedir, seçkiləri saxtalaşdıran və gözü valideyinlərin cibində olan müəllimlərdən yox!

GundemXeber.Az