Ölkədə rəsmən yeni turist soyğunçuluğu başlayıb

Dünən Bakıda "Turizm və səyahət" AITF2014 sərgisi işə başlayıb. Sayca 13-cü sərgi 38 ölkədən iştirakçı toplayıb. Ucuz neft pulları axını xarici turizm şirkətlərini Azərbaycana cəlb edir. Azərbaycan turistləri səxavəti ilə seçilir. Məsələn, Azərbaycandan Çexiyaya ildə 10 min turist gedir. "Rus turistlər oteldə qalmağa sutkada 120 avro xərcləyir. Azərbaycanlılar daha səxavətlidir", deyə Majestic Plaza otelinin təmsilçisi bildirib. 2011-ci ildən Azərbaycan turistləri Slpveniyaya tez-tez gedir. Slovenija otelinin təmsilçisi mediaya açıqlamasında deyib ki, bu il Azərbaycandan daha böyük axın gözləyirlər. Qiymətlər Qərbdəkindən daha məqbuldur. "Silk Way Travel" şirkətinin direktoru Şirzad Əfəndiyev Turan-a deyib ki, bu yay Azal Antalya, Bodrum, Dalaman kurortlarına çarter reysləri təşkil edəcək. İlk dəfə iyundan Monteneqro təklif ediləcək. Maydan Bakı-Nijni Novqorod, Bakı-Kazan, Bakı-Krasnoyarsk müntəzəm reysləri açılacaq. Bu, Rusiyadan Azərbaycana müalicə kurortlarına turist cəlb etməyə imkan verəcək. "Bu yaxınlarda Çində işgüzar səfərdə oldum. Danışıqlardan sonra turagentliklər Naftalana 1000 nəfər göndərəcəklərini bildirdilər", deyə əfəndiyev qeyd edib.
"Chinar Hotel & SPA Naftalan" sanatoriyası ötən il 60% yüklənib. Bu il 80% gözləyirik, deyə otelin nümayəndəsi Nicat İsgəndərov bildirib. 1 maydan 30 sentyabra kimi otelin 72 nömrəsindən biri ("Synergy Group"a məxsusdur) bir adama 613-2953 manata veriləcək.
«Yunanıstanda böhran davam edir. Ona görə turist yollayışları 5% ucuzlaşıb», deyə Yunanıstanın “Travel Plan” şirkətinin təmsilçisi Tamara Qiqolaşvili bildirib. Onun sözlərinə görə, iqtisadi böhranla bağlı Yunanıstan Afina-Bakı marşrutu üzrə birbaşa reys aça bilmir. AZAL da bu marşruta maraq göstərmir, hərçənd ötən il Afinaya reyslər vardı, deyə o, qeyd edib.
Türkiyə turistlərin marağında yenə öndədir. Türkiyə təmsilçisi Atakan Bozoğlan deyib ki, 2013-cü ildə hava limanına Azərbaycandan 630 754 vətəndaş gəlib. Bunun 23 486 nəfəri Antalya otellərinə gedib. Azərbaycan turistləri Gürcüstana 2008-ci ildən maarq göstərir. «Azərbaycanlılar Qara dəniz kurortlarında ruslardan sonra ikincidir. Məsələn, Tbiliselebi otelində Azərbaycan turistləri yerlərin 62%-i sifariş verib», deyə “Georgian Trip” şirkətnin direktoru Xviça Dvalişvili Turan-a bildirib. Sərgi aprelin 5-dək davam edəcək.