Artıq 2014-cü ili yola salmağımıza da elə bir vaxt qalmayib. 2015-ci ildə isə Azərbaycanın siyasi mənzərəsində iki seçki prosesi başlayacaq ki, bunlardan birincisi yerli özünüidarəetmə orqanlarına, yəni bələdiyyələrə seçkilər. digəri isə qanunverici orqan, Milli Məclisə seçkilərdi. Həm iqtidar, həm də müxalifət demək olar ki, 2015-ci ilə üzdə görsənməsə də gizlində bu və ya digər formada tədarüklərini görməkdədirlər. Bizdə okianın o tayında, ABŞ-da yaşayan sabiq parlamet rəhbəri Rəsul Quliyevin 2015-ci il Azərbaycanda siyasi mənzərəyə baxışını öyrənmək istədik.

gundemxeber.az Vətəninfo.az-a istinadən Rəsul Quliyevin siyasi palitraya baxışını təqdim edir:

-İlk olaraq bilmək istərdik Azərbaycandakı mövcud elektoratınız Rəsul Quliyevin 2015 parlamet seçkiləri öncəsi Bakıya qayıdacağı mesajını ala biləcəklərmi?
Mənim gəlmək problemim 100 faiz həll olunmayana qədər heç bir qayıdacağam mesajı verilməyəcək. Azərbaycana dönməyi hə ,ancaq 2015-ci ildə mütləq seçkilərdə iştirak etməliyəm qərarını verməmişəm. 2013 prezident seçkisində olduğu kimi real azad seçki şəraiti yaranmasa seçkilərdə iştirak etməyin əhəmiyyəti sıfıra bərabərdir.

-Azərbaycan müxalifətində qandəyişmə prosesi demək olar ki, başlayib. Müsavat Partiyası qurultaya gedir və İsa Qəmbərin yerinə yeni simanın seçilməsi gözlənilir. Bu qandəyişmə digər partiyalarda olacağı təqdirdə, müxalifətin parlament seçkilərində şansların necə görürsünüz?
Müxalifətdə qan dəyişmə prosesinin başladığını Müsavatın qurultay keçirməsi və yeni başqanın seçilməsi ilə bağlamaq sadəlövhlük olar. Çünki namizədliyini irəli sürmüşlərin elə bir revalusiyon plan və proqlarının olduğu görsənmir.Əgər Musavat başqanlığına idarə heyyətinin ən aktiv üzvü gəlsə deməli qan neqativ istiqamətdə dəyişəcək.Durğunluq, ancaq durğunluğun radikal inkarı ideyaları ilə aradan götürülə bilər.Hələ ki, partiyalarda bəsit inkar ideyalarıda görmürəm.

-Rusiya Ukraynada siyasi müstəvidə Yanikoviçi qurban versə də Ukrayna uğrunda silah yolunu seçdi və Ukraynaya təsir rıçaqlarını saxlamaq üçün hələ də Kremli dirənir. 2015 parlament seçkilərindən sonra Rusiyanın Azərbaycan siyasətinə bu müsətvidə baxsaq, rəsmi Bakını nələr gözləyir?
Ukrayna ilə əlaqədar Rusiyanın ,daha doğrusu cənab Putinin apardığı siyasət bu ölkənin azı 4-5 müstəqil dövlətə parçalanması üçün katalizator rolu oynayacaq. Əlbəttə bu müəyyən bir vaxt tələb edir 10 ildən 25 ilə qədər.Hər şey Ukrainanın dərin demokratiya yaradıb korrupsiya və rüşvətin neçə ilə məhv edəcəyindən asılı olacaq.Rusiyanın tərkibindən çıxmış 3 baltik ölkələrində həyat səviyyəsi artıq Rusiyadan 3 dəfə yuxarıdır.Ancaq bu xalqın Putin rejiminə qarşı qalxmasına kifayət etmir. Birincisi bu ü ölkə Rusiyanın heç bir oblastı boyda deyildir və xalqın kökləri slavyan deyildir və eyni adət ənənələri yoxdur. Ukrayna Rusiya ilə sərhədi olan ilk böyük slavyan ölkəsidir. Orada həyat səviyyəsi Rusiyadan 2 dəfə belə yuxarı olsa Rusiyada çaxnaşma başlamalıdır. Azərbaycan Rus aqressiya təhlükəsinin ən yuxarı olduğu iki ölkədən (Qazaxstan) biridir. Ona görə Rusiyanın dağılma prosesinin başlanması perioduna qədər özünü maksimum ehtiyyatlı aparmalıdır və düşünürəm ki, hökümət bu işlə çox ciddi məşğuldur.Sözsüz açıq deməsələrdə təhlükənin ciddiliyini başa düşürlər.