Dəmiryol İnfrastrukturu Departamentinin Gəncə 5 saylı müəssisəsinin rəisi Aydın Cabbarov talançılıqla məşğuldur.

Rəisin peşə fəaliyyəti və vəzifə səlahiyyətləri ilə bağlı yol verdiyi qanun pozuntularından başqa, onun şəxsi həyatında, hətta yaxınlarına və qohumlarına qarşı da bir çox haqsızlıqlara, bəd niyyətli əməllərə yol verildiyi vurğulanır. Şikayət ərizəsi ilə müraciət edən Ağstafa şəhər sakini Nofəl Quliyev Cabbarovla bacanaq olduğunu bildirir. Sonra isə ərizədə A.Cabbarovun, eyni zamanda həm məişət pozğunluğuna, həm də dələduzluq əməllərinə dair ağır ittihamlar irəli sürür. Ərizədə deyilir: “Yazıb sizə bildirmək istəyirəm ki, mən Quliyev Nofəl İsmayıl oğlu Ağstafa Dəmiryol vağzalında kiçik bir kafe icarəyə götürüb işlədirəm. Ailə üzvlərimi güclə dolandırıram. Yoldaşım, Yolçuyeva Sona Cəlal qızı, gözəllik salonunda işləyirdi. Nigahımızdan 21 yaşında bir oğlumuz var. Oğlum Gəncə Dövlət Universitetinin 3-cü kursunda oxuyur. Çətinliklə də olsa uşagımızı oxuduruq. Mənim bacanağım Cabbarov Aydın Kazım oğlu Gəncə - Böyük Kəsik dəmiryol stansiyasının RC-SC-nin rəisi vəzifəsində işləyir. Bir neçə dəfə mən evə gələndə onu bizdə, mənim yoldaşımla bir yerdə görmüşəm. Həmin halı mənim anam və bacım da görüblər.

Mən Cabbarov Aydından soruşanda ki, mən evdə olmayanda nə üçün gəlirsən? O isə sərt şəkildə yaxşı edirəm, çay içməyə gəlmişəm,dedi. Halbuki onun evi ilə bizim evimizin arası 50-60 metrdir. Mən deyəndə ki, niyə gedib çayı evində içmirsən, o isə mənə bura xoşdur cavabını verib. Son illər mənim ailəmdə həyat yoldaşımla münasibətim tam soyuqlaşdı. Ötən il dekabrın 4-ü günü yerimdəm durub gördüm ki, yoldaşım Sona evdən paltarlarını, mənə məxsus olan maşının, evin sənədlərini, oğlumun noutbukunu, az miqdarda pulumu götürüb qaçmışdır. Hələ də yeri məlum deyil. Həmin ərəfədə mənim həyat yoldaşım Sona, Ağstafa sakinlərindən küllü miqdarda (60 min manata qədər) pul və əlavə qızıl, brilyant əşyalrını dələduzluq yolu ilə alıb aldadaraq qaçmışdır. Şəhərdə gəzən söhbətlərə görə bu işlərin də başında Aydın Cabbarov və onun yoldaşı Natella xanım durur. Bu işlə əlaqədar bütün zərərçəkənlərlə görüşmüşəm. Onlar da təsdiq edirlər ki, Sona bu pulları Aydının və bacısı Natellanın adı ilə alıb. Mənim həyat yoldaşımı bu işlərə Aydın Cabbarov vadar edib. Aydın Cabbarov işlədiyi tez bir zamanda vəzifəsindən su-istifadə edərək, Ağstafa rayonunda iki ev, Gəncədə bir ev, Bakıda bir ev alıb. Şəhər sakinlərinin dediklərinə görə, hətta mənim həyat yoldaşıma da məndən xəbərsiz Bakıda ev alıb.

Özüm Azərbaycan vətəndaşı olmağımla qürur duyuram. Oğlum Afərə yazığım gəlir. Bu işləri eşidəndə özünü öldürəcəyini söyləyir. Bir sözlə, Aydın Cabbarov və onun xanımı mənim 20 illik xoşbəxtliyimə son qoyub. Ağstafa rayonunda bu məsələni çoxları bilir”.

gundemxeber.az bildirir ki, Aydın Cabbarovun rəhbərliyi altında çalışan fəhlələrin onun birbaşa tutduğu vəzifədən irəli gələn fəaliyyətinə dair mətbuata və yuxarı instansiyalara ünvanladıqları bəzi məlumatlar da xüsusi maraq kəsb edir: “Aydın Cabbarov bu müəssisəyə rəhbər gələndən sonra bütün peşəkarları işdən uzaqlaşdırıb və özünə yeni komanda yığıb. İndiyədək ixtisar edilən işçilərin sayı artıq 110 nəfəri ötüb. Bir tərəfdən ixtisar edir, digər tərəfdən də yeni işçilər götürür”. Bu iddialar 5 saylı müəssisənin ixtisara salınan bir qrup işçisi tərəfindən KİV-ə, ünvanlanmış şikayət məktublarında ortaya qoyulmuşdu. Həmçinin şikayətçilər bildirmişdilər ki, onlar məsələ ilə bağlı bir neçə dəfə mətbuata şikayət ediblər, lakin heç bir faydası olmayıb: “...əksinə, Aydın Cabbarovun 5 saylı müəssisə kimi strateji əhəmiyyətli və 1000 nəfər işçisi olan qurumun rəhbəri olaraq yol verdiyi vəzifə səlahiyyətlərini aşma halları getdikcə daha da artır. Onun Ağstafa 7 saylı dəmiryol distansiyasının rəisi olarkən hansı əməllərdən çıxdığını bilən hər kəs, belə bir şəxsin məsul vəzifədə indiyədək qalmasına çox təəccüblənir “Azərbaycan Dəmir Yolları” QSC-nin sədri Arif Əsgərovun birinci müavini Əlirza Süleymanovun himayəsində olduğu iddia edilən A.Cabbarovun bu kimi əməlləri rəhbərlik tərəfindən qətiyyən araşdırılmır. Digər tərəfdən isə Əlirza Süleymanovun özünün də mətbuat səhifələrində kifayət qədər tənqidə tuş gəldiyini nəzərə alsaq, Aydın Cabbarovun indiyədək tam cəzasızlıq şəraitində hər cür özbaşınalıqlara rəvac verməyinə təəccüblənmək lazım gəlməz. Bu xüsusda ölkə mətbuatında yaymlanan məlumatlarda irəli sürülən ittihamlar isə, əlbəttə ki, A.Cabbarova tutulan iradlardan çox daha ciddi səslənir. Bu xüsusda yayımlanan məlumatlarda bildirilir: “Dəmir yolunda korrupsiya artıq dözülməz həddə çatıb. Yük və sərnişin daşınmaları artdıqca, işçilərin sosial durumu pisləşir. Daşınmadan əldə edilən gəlirlər və büdcədən ayrılan investisiyalar mənimsənilir, dövlət əmlakı talan edilir. Bu barədə “Azərbaycan Dəmir Yolları” Qapalı Səhmdar Cəmiyyətindəki mənbə məlumat verib. Mənbə bildirir ki, oliqarxların himayəsində olan iri şirkətlərə aid yüklər faktiki pulsuz daşınır. Bu şirkətlərin himayədarları ilə QSC rəhbərlərinin gizli sövdələşməsi nəticəsində yalnız rəhbərliyin cibinə milyonlar axır, hesaba isə qəpik-quruş keçirilir. Mənbə bildirir ki, bununla bağlı şübhəli əməliyyatlara QSC sədrinin birinci müavini Əlirza Süleymanov rəhbərlik edir. Ə.Süleymanovun müəssisədə dövlət əmlakının talan edilməsində müstəsna rolu var...” Bu xüsusda yayımlanan məlumatlarda ən sensasiyalı məqam isə ölkə daxili yük daşımalarının rəsmi statistikası ilə bağlıdır. Belə ki, rəsmi statistikaya görə, iqtisadiyyatın donuq vəziyyətdə olduğu 1995-ci ildə ölkə daxilində 7,3 milyon ton yük daşınıb. Bunun müqabilində isə ölkəmizin dinamik inkişaf etdiyi 2012-ci ildə bu göstərici 33 faiz azalaraq 4,9 milyon tona enib. Belə çıxır ki, dəmiryolu vasitəsi ilə ölkəyə daxil olan yüklərin əhəmiyyətli kəsiminin qeydiyyatı aparılmır və buradan gələn gəlirlər mənimsənilir. Bir müddət öncə mediada belə bir məlumat yayımlanmışdı ki, ölkənin iri holdinqlərinə məxsus yüklər qeydiyyata alınmır, yəni daşınma haqları nağd şəkildə dəmiryolu boslarının cibinə axır. Statistikanın analizi də bu məlumatın gerçək olduğunu təsdiqləyir. Burada artıq yüz milyonların mənimsənilməsindən söhbət gedir. Təbii ki, yuxarı dairələrdə müşahidə olunan belə hərc-mərciliyin fonunda dəmiryollarının daha kiçik çinli məmurları tərəfindən yol verilən qanun pozuntuları da təəccüb doğurmamalıdır. Bu pozuntulardan bir qismi də öz təzahürlərini ən dolğun formada Gəncə 5 saylı müəssisəsi rəhbərliyinin yarıtmaz fəaliyyətində tapır.

gundemxeber.az bildirir ki, Aydın Cabbarov dəmir yolu sistemində işlədiyi çox uzun müddətdə öz mənafeyi naminə məşğul olmadığı sahə yoxdur. Asta danışıqlı, çox vaxt da özünü fəqir kimi göstərən Cabbarov bir o qədər də təhlükəli olması söylənilir. Onun bacanağının yazdığı şikayət ərizəsində hər şey güzgü kimi diqqəti cəlb edir.
İlham Hacalı
gundemxeber.az

P.S. Aldığımız məlumata görə, Aydın Cabbarovun bacanağı, həyat yoldaşını dəmir yolu işçisinə qısqanan Nofəl Quliyev məhkəməyə də iddia ərizəsi verib. Nəticəsi barədə yazacağıq.