Valideynlər təhsil nazirindən kömək istəyir


gundemxeber.az bildirir ki, Laçın rayonundan olan bir qrup məcburi köçkün valideyn redaksiyamız vasitəsilə Təhsil Naziri Mikayıl Cabbarova məktub ünvanlayıblar. Həmin məktubu olduğu kimi təqdim edirik.
Təhsil Naziri Cənab Mikayıl Cabbarova
Binə qəsəbəsində yerləşən Laçın rayon 46 saylı orta məktəbin valideynləri adından
Ərizə
Cənab Nazir! Biz valideynlər sizin təhsil sistemində apardığınız islahatları çox bəyənirik. Ancaq bu gün hələ də təhsildə qara qüvvələr vardır ki,onlar görülən işlərə gölgə salır və öz bəd əməllərini davam etdirirlər.
Belə ki,Laçın rayon 46 saylı orta məktəbin direktoru Şahlar Xəlilov məktəbə hər il qəbul olunan I sinif şagirdlərinin valideynlərindən 50-100 manat, IX-XI sinif məzunlarından isə 150 manat pul yığır Etiraz edən validenlər isə təyziqlərə məruz qalır. Şahlar Xəlilov bu vəzifəyə necə gəlməsi olduqca maraqlıdır. 1982-ci ildə Laçın rayonunda orta məktəbdə rüşvət aldığı üçün təhsil sistemindən uzaqlaşdırılan Şahlar Xəlilov bir vaxtlar sabiq təhsil naziri Misir Mərdanovun himayəsi ilə yenidən təhsil sahəsinə gətirilib. Bir müddət Təhsil Nazirliyində calışan Şahlar Xəlilov sonradan Laçının sabiq icra başçısı Elburus Təhməzovun da könlünü ala bilib və 2005-ci ildə Laçın rayon Təhsil Şöbəsinin müdiri təyin edilib. Bundan sonra əl-qolu açılan Şahlar Xəlilov özünə var dövlət toplamağı da bacarıb. 2012-ci ilə qədər təhsil şöbəsinin müdiri işləyən Şahlar Xəlilov sonradan 46 saylı orta məktəbə direktor təyin edilib. Maraqlı məqam ondan ibarətdir ki,biz valideynlər onun rüşvətxor əməllərindən bir neçə dəfə şikayət etsəkdə nədənsə tədbir görülmür. 67 yaşı olmasına baxmayaraq Şahlar Xəlilov bu gündə direktor kimi calışır.
Cənab nazir!
Şahlar Xəlilov Laçın rayonunda təhsil şöbəsinin müdiri işləyən zaman rüşvətxorluğa görə işdən azad edilmişdi.Amma onda da hansısa sehirli qüvvə onu 46 saylı məktəbə direktor təyin etdirə bildi.
Son zamanlar 2000-dən çox saxta diplomlu “müəllim”ləraşkarlanıb ki, onunda 26 nəfəri məhz Şahlar Xəlilovun imzası ilə Laçın rayonunda müəllim kimi işə götürülüb. Cənab nazir bu gündə Şahlar Xəlilov öz himayəçilərinə arxalanaraq öz bildiyini edir. Biz valideynlər bir neçə dəfə Şahlar Xəlilovun qəbuluna düşüb məktəbdə rüşvətxorluğa son qoyulmasını tələb etsəkdə, Şahlar Xəlilov valideynlərin iradlarını qulaqardına vurub.
Cənab Nazir!
Biz öz övladlarımızın və Azərbaycanımızın xöşbəxt gələcəyi naminə sizdən kömək istəyirik.
gundemxeber.az