“Nərimanov rayonu mənlikdi, Abidin gedəcək...” – Şahmar İbadovun böyük iddiası

“Nərimanov Rayon İcra Hakimiyyətində gizli nüfuz mübarizəsi başlayıb. RİH başçısının birinci müavini əldə etdiyi qeyri məhdud hakimiyyətdən o qədər məst olub ki, artıq gözü ayaqlarının altını belə görmür. İndi onun könlündən Nərimanov rayon icra hakimiyyətinin başçısı olmaq keçir”

gundemxeber.az olaraq bildirək ki,bu haqda savaş.org-un elektron ünvanına göndərilmiş məlumatdan qısa çıxarışdır. Həmin məlumatda iddia olunur ki, Nərimanov RİH başçısının birinci müavini Şahmar İbadov yerli məmurların böyük əksəriyyətini özündən asılı vəziyyətə salıb. RİH başçısı Abidin Fərzəliyevin etimadından sui-istifadə edən birinci müavin indi hətta onun yerinə keçməklə bağlı xəyallar da qurub: “Nərimanov rayonunda fəaliyyət göstərən bir çox ticarət obyektləri Şahmar İbadovundur. Dönərxanalardan tutmuş, “moyka”lara qədər geniş bir sahəni nəzarəti altına salmağı bacarmış Şahmar İbadov böyük kapital sahibinə çevrilib. Əldə etdiyi maddi nemətlər isə deyəsən, onda siyasi iddialar da yaradıb. Belə ki, o bir müddət öncə özünə yaxın bildiyi məmurlardan ibarət kampaniya ilə qonaqlıqda olub və elə oradaca da iddiasını açıqlayıb. O, “Nərimanov rayonunda hər şey mənlikdi, Abidin müəllim isə yaxın günlərdə daha böyük vəzifəyə gedəcək. Bundan sonra isə icra başçısı özüm olacam”-deyə iddialı bəyanatla çıxış edib.

Məlumat üçün bildirək ki, Nərimanov rayon İcra Hakimiyyətində «qara kassa»ya rəhbərlik edən Şahmar İbadov Abdin Fərzəliyevin ona tanıdığı «şans»dan geniş istifadə etməklə küllü ixtiyar sahibinə çevrilib. Təkcə bir faktı qeyd edək ki, rayon ərazisində aparılan tikinti işlərindən Şahmar İbadov qısa müddət ərzində böyük qazanc əldə edib. Məsələn, Həsən Əliyev küçəsinin Azərbaycan Müəllimlər İnstitutu ilə bitişdiyi ərazidə 5 mərtəbəli binaların söküntü işləri aparıldı. Yerində isə yeni binaların tikintisi hələ də davam edir. Şahmar İbadov bu prosesdən çox böyük qazanc əldə edib. İcra Hakimiyyətinin birbaşa nəzarəti altında tikilən ərazidəki yeni binaların 1-ci mərtəbələrinin obyekt kimi satılması və ya yaxınlarının adına rəsmiləşdirilməsi kimi «proseslər”də Şahmar İbadovun nəzarəti altındadır.
Mövzu diqqətimizdədir.

ZÖHRAB TƏMRAZOV