Yasamal rayonu artıq bir aydan çoxdur ki, başçısız qalıb. Bunun səbəbi isə qruplaşmaların bu post uğrunda savaşa başlamalarıdır.

gundemxeber.az-ın 10may.az saytına istinadən əldə etdiyi məlumata görə, hazırda bu post uğrunda Yasamal rayon icra hakimiyyətinin keçmiş başçısı Arif Ağayevlə Nərimanov rayon icra hakimiyyətinin başçısı Abidin Fərzəliyev üz-üzə gəliblər. Məlumatda bildirilir ki, Arif Ağayev oğlunu bu posta gətirtmək istəyir və bu işdə ona yüksək nüfuz sahibi olan bir qohumu dəstək olur. Abidin Fərzəliyev isə bu posta özünün birinci müavini Şahmar İbadovu gətirmək üçün bütün imkanlarından istifadə edir. Elə bu səbəbdən Şahmar İbadov mətbuatla sıx əlaqə quraraq haqqında tənqidi materialların getməsinin qarşısını aldırır. Mənbə hesab edir ki, yaxın günlərdə rayonun taleyi həll olunacaq.