Redaksiyamızın elektron poçtuna Qazax şəhər sakini Əliyeva Yeganə Arşimed qızı tərəfindən şikayət ərizəsi daxil olub. Ərizədə nəvəsinə Qazax raon məhkəməsi tərəfindən aliment kəsilməsinə baxmayaraq, xanım ötən ilin dekabr ayının 12-dən hələ alimenti ala bilmir. Alimient verıən şəxs Bakı şəhəri Suraxanı rayonunda yaşasa da, orada məhkəmdə işləyən icra məmuru Nəriman adlı şəxs vəzifəsindən sui istifadə edərək bu işi qəsdən yubadır. Yalan danışır, vəd verir və s.
Redaksiyamıza və Azərbaycan Respublikası Ədliyyə Nazirliyinə ünvanlanmış şikayət ərizəsini olduğu kimi oxucularımiza təqdim edirik:



Çox hörmətli Fikrət Məmmədov!
Bildirirəm ki, 24 sentyabr 2014-cü ildə (iş № -2(023)-56/2014) qızım Əliyeva Səkinə Qədir qızı həyat yoldaşı İmanov Zakir Teyyub oğlundan Qazax Rayon Məhkəməsində rəsmən boşanmışdır. Öhdəsində az yaşlı oğlan uşağı var. Nigahdan aralanarkən məhkəmədə hakimlik edən Məhərrəm Allahverdiyev cavabdeh İmanov Zakir Teyyub oğluna qarşı aliment tələbimə dair iddiamızı da təmin etmişdir. Məhkəmənin qətnaməsinin 1 surəti də icra üçün İmanov Zakir Teyyub oğlunun yaşadığı Bakı şəhərinə, Suraxanı Rayon Məhkəməsinin icra qrupuna göndərilmişdir. Qətnamənin həmin ünvana çatmasında gecikmə olmasın deyə, sənədi mən özüm Suraxanı məhkəməsinin icraçılarına təqdim etmişəm.
Təəssüflər olsun ki, övladımız 4 yaşlı Tamerlanın aliment məsələsinin həyata keçirilməsində bürokratiya və süründürməçiliyə yol verilir. Mən demək olar ki, Suraxanı məhkəməsinin icraçıları ilə telefonla hər gün əlaqə saxlayıram. Orada işləyən Heydər adlı icra məmuru (mobil telefonu: 070 849 67 47) məni yalançı vədlərlə aldadır, çox vaxt telefonuma cavab vermir, məmur adına ləkə gətirməklə yalan danışır. Belə çıxır ki, həmin Heydər alimentin verilməsinə məqsədli şəkildə əngəl törədir.
Hazırda qızım Səkinə və oğlu Tamerlan yanımda qalır. Mən və övladım çətin durumdayıq. Dövlət qanunlarımıza dövlət məmuru Heydər adlı şəxsin nə üçün biganə yanaşması, qızımın sabiq həyat yoldaşı olan İmanov Zakir Tyeyyub oğlunun Suraxanı rayonunda, ümumiyyətlə Azərbaycanda tapılması o qədərmi çətin və təhlükəlidir?
Çox təəssüflər olsun ki, mən bu barədə ötən ilin dekabr ayından Sizə müraciət etməyimə baxmayaraq hələ ki, nəticə yoxdur. Belə çıxır ki, nəvəm acından ölməli, atası isə kefdə olmalıdır. Bu burbaşa ədalətsizlik və qanunlarımızın mexaünizmsizliyini göstərir.
Odur ki, bu məsələdə qızım Səkinə Əliyevaya və övladı 4 yaşlı Tamerlana kömək etməyinizi və hələ də işimizlə maraqlanmayan icra məmuru Heydər kimilərinə son sözünüzü deməyinizi xahiş edirəm.

İmza: / Y. Əliyeva / “

P.S. Nəvənizə Allah özü kömək olsun, Yeganə xanım! Maraqlıdır ki, bu iş icra məmuru Nəriman dediyiniz şəxsin başına gəlsə, görəsən o, hansı hissləri keçirərdi?