Azərbaycanın səhiyyə sahəsində ən “axsayan” ərazilərdən biri də Bərdə rayonudur. Uzun müddətdir ki, ömrünü-gününü Bərdə səhiyyəsinin çapılıb-talanmasına yönəldən, Bərdə Səhiyyə İdarəsinin müdiri İftixar Zeynalova, nədənsə bu gün də, “qaşın üstə qara var”, deyən tapılmır. Aparılan araşdırmalar onu sübut edir ki, baş həkim Zeynalov yuxarıda səhiyyə nazirliyi, yerlərdə isə bəzi məmurlarla əməlli-başlıca işbirliyi qurub.

Verilən məlumatlara əsasən onu deyə bilərik ki, Bərdə xəstəxanalarında dərman preparatları tapmaq mümkün deyil. Ayrılan küllü miqdarda vəsaitlərin hara, nə məqsədə xərclənməsini görən də yoxdur. Görənlər isə yalnız onları baş həkimin apteklərində görürlər.

Azərbaycan Respublikasının Konstitutsiyasına görə, bizim dövlətdə səhiyyə xidmətləri pulsuzdur və hər bir vətəndaş dövlətin bu qayğısından səmərli istifadə etmək hüquqna malikdir.

Bərdə Səhiyyə İdarəsində özbaşınalıq və açıq “bazar” mühiti vətəndaşları zinhara gətirib. Və Bərdədə həkimlər əvvəlcədən «ödəmə almadan» heç bir xəstəyə baxmırlar. Bu sistemi tətbiq edən Bərdə səhiyyəsinin bugünkü müdiri İftixar Zeynalovdur. Baş həkim rayon mərkəzində fəaliyyət göstərən uşaq xəstəxanası, şəhər poliklinikası, uşaq poliklinikası və rayonun doğum evi ilə “yararlanır”. Uşaq Xəstəxanasında hər hansı tibbi xidmətə görə, vətəndaşlardan rüşvət almaqla bərabər, həmçinin xəstəxanada yatan vətəndaşlara məcburi dərman preparatları da aldırırlar. Rayonun mərkəzi xəstəxanasında cərrahiyə əməliyyatı aparan həkimlər, baş həkimə aldıqları “haqq-hesab”ın 30 faizini çatdırmaq məcburiyyətində qalırlar. Baş həkim özünə yaxın bidiyi bir neçə həkimə UZİ aparatı gətizdirərərək, onlardan hər ay hesab aldığı da bildirilir.

Daxil olan məlumatlara görə dövlət tərəfindən Bərdə Mərkəzi Xəstəxanasına, 2014-cü ildə ayrılan 600.000 mantatın böyük bir hissəsi, məhz İftixar Zeynalov tərəfindən aidiyyəti istiqamətə

yönəldilmir, onun maraq dairəsində olan sahələrə xərclənir. Qeyd olunan vəsaitin 83.000 manata yaxını dəftərxana və təsərrüfat işləri üçün nəzərdə tutulsa da, bu baş həkimin vecinə olmayıb. Təsərrüfat və dəftərxana işlərinə ayrılmış bu qədər vəsait, heç də kiçik rəqəm deyil. Görəsən, İftixar Zeynalov xəstələri kağızla, bel, yaba və.s alətlərləmi müalicə etdirir?

Bundan başqa dövlət qeydiyyatında olan xəstələrin əksəriyyəti, mərkəzi xəstəxananın verməli olduğu dərman preparatlarını almırlar və bu dərmanlar da baş həkimin adamları tərəfindən mənimsənilir. Həmçinin rayonda qeydiyyatda olan bir çox xəstələrin sayının şişirdildiyi və həmin şəxslərə dövlət tərəfindən təqaüd verildiyi üçün, həmin şəxslərin də adına yazılan dərmanlar da apteklərdə satışa çıxarılır.

Apardığımız araşdırmadan məlum olur ki, Bərdə rayonu üzrə təxminən 1600-ə nəfərə yaxın güzəştli kateqoriyadan olan xəstələr var. Səhiyyə və maliyyə nazirliklərinin 27 fevral 2007-ci ill tarixli birgə əmrinə əsasən, dövlət xəstəxanalarında 141 adda dərman pulsuz olaraq güzəştli xəstələrə verilməlidir. Eyni zamanda, səhiyyə nazirliyinin 2005-ci il tarixli 141 nömrəli əmrinə əsasən, xəstəxanaların bütün şöbələrində təcili tibbi yardım üçün 60 adda dərman və 23 adda tibbi ləvazimatlar vətəndaşlara verilməli və tibb məntəqələrində mütləq şəkildə olmalıdır. Amma, Bərdə rayonunun xəstəxanalarında, kənd tibb məntəqələrində heç bir vətəndaşa pulsuz dərman preparatları verilmir.

Bildirilir ki, baş həkim kənd, tibb məntəqlərinin adlarına dərman preparatları yazdırsa da, rayonun kənd səhiyyə ocaqlarında bir dənə də olsun dərman preparatı tapmaq mümkün olmur. Məhz, bunun nəticəsidir ki, rayon səhiyyə idarəsinin müdiri İftixar Zeynalov, bu gün Bərdədə ən varlı məmurlardan biri hesab olunur.

Yaxın bir-iki gün ərzində rayon səhiyyəsinin axırına çıxan baş həkim haqda, qəribə bir məlumat da almışıq. Baş həkimin gəlir gətirən hər şeyin başından yapışmağı yaxşı məlumdur. Həm də iri təsərrüfat

sahibidir, yəni “fermerdir”. Bərdənin Qurdlar kəndi ərazisində böyük mal ferması var. Burada saya gəlməz dərəcədə iribuynuzlu mal-qara saxlayan İftixar Zeynalov, ondan da doyub. İndi isə xırdabuynuzlu heyvana keçmək niyyətindədir. Qoyun, keçi, quzu sairə kimi dilbilməz heyvanlar saxlamaq sevdasına düşüb. Yerli sakinlər onu da bildirirlər ki, Zeynalovun saxladığı inəklərin başı “çalmalıdır”. Baş həkimin fikrincə bu da inəklərin xəsəliklərdən qorunmağından və “çalmalıların” ona məxsus olmağından xəbər verir. İşə bir baxın, demək “Hippokrat” andını içmiş bu adam, xəstələrə şəxsi təsərrüfatının qayğısına qaldığı kimi qalmır.

İftixar Zeynalovun rəhbərlik etdiyi xəstəxananın qarşısında “Ömür” klinikası da var ki, orada da bərdəlilərə ömür uzatmaqdan başqa nə istəsən xidmət göstərə bilirlər. Bura yolu düşən xəstənin cibində evə qayıtmağa pulu da qalmır. Xəstələrin verdikləri analizlər tam yarıtmaz olur və cavablar da yarıtmaz olur. Çünki, klinikada tibb işçilərinin gözləri yalnız puldadır. Axı, onlar da İftixar Zeynalovun tabeçiliyindədirlər.

Bərdəlilərin gözlərində doymuş məhlula çevrilən İftixar Zeynalova, Bərdə səhiyyəsini talan etmək üçün ona ixtiyar verənlər, yəqin ki, tezliklə öz cəzalarına çatacaqlar.

Natiq