Heydər Əsədovun səlahiyyəti genişləndi – nazir hegemon gücə çevirilir

Nazirin mövqeylərinin güclənməsi korrupsiyaya yol verən icra başçılarını da qorxudur

Prezident İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransdakı çıxışında məmurları subsidiyaların mənimsənilməsində ittiham edərək, hədələməsi kənd təsərrüfatı naziri Heydər Əsədovun mövqeyini gücləndirib.

Elə dünən İlham Əliyevin Kənd təsərrüfatının inkişafına dövlət dəstəyinin gücləndirilməsi ilə bağlı əlavə tədbirlər haqqında imzaladığı sərəncam da sözügedən nazirin səlahiyyətini və rəqibləri qarşısında mövqeyini xeyli genişləndirən addım olub.

Xatırladaq ki, yeni sərəncamla. Azərbaycan Respublikası Kənd Təsərrüfatı Nazirliyinin tabeliyində Dövlət Toxum Fondu yaradılıb. Nazirlər Kabinetinə isə Kənd Təsərrüfatı Nazirliyinin tabeliyində Dövlət Toxum Fondunun fəaliyyətinin təmin edilməsi, habelə yüksək məhsuldar toxumların istehsalının və tədarükünün həyata keçirilməsi üçün Azərbaycan Respublikasının Kənd Təsərrüfatı Nazirliyinə "Azərbaycan Respublikasının 2015-ci il dövlət büdcəsi haqqında” Azərbaycan Respublikası Qanununun tətbiqi barədə” Azərbaycan Respublikası Prezidentinin 2014-cü il 22 dekabr tarixli 413 nömrəli Fərmanının 1.10.1.3-cü yarımbəndində "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı” xərcləri bölgüsündə 10,0 (on) milyon manat ayrılması məsələsinin həll tapşırrılıb.

Son üç ay ərzində Heydər Əsədovun rəhbərlik etdiyi nazirliyə dövlətin diqqətinin artırılması isə onun rəqiblərini nə qədər qıcıqlandırsa da, bir o qədər də subsidiyaların yerlərdə paylanılmasında birbaşa iştirak edən icra başçılarını əndişəyə salıb.

Bu barədə «Gündəm Xəbər»i məlumatlandıran məlumatlı şəxsin sözlərinə görə, İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan Heydər Əsədovla məmurlara subsidiyaların oğurlanması ilə bağlı xəbərdarlıq etməsindən sonra bu sahədə ciddi silkələnmələrin olacağı gözlənilirdi:

"Həmin çıxışı yəqin xatırlayırsınız, Prezident «İndi kənd təsərrüfatı naziri bəlkə də demək istəmirdi. Dedi ki, quraqlıqla bağlıdır. Təkcə quraqlıqla bağlı deyil. Çünki əvvəllər qiymətlər şişirdilirdi. Nəyə görə? Subsidiyalara görə. Məgər burada oturanlar bilmir subsidiyalarda hansı pozuntular baş verirdi? Yaxşı bilir və bəziləri bu pozuntuların iştirakçılarıdır. Ona görə buna son qoyulmalıdır. Dövlət bu pulu fermerlərə verir, məmurlara yox. Ona görə indi statistik göstəricilər daha da realdır. Nəticə çıxarın. Bir daha demək istəyirəm ki, bütün işlərdə şəffaflıq olmalıdır», - dedi. Məhz bu sözlərdən sonra cəmiyyətin bilmədiyi bir çox proseslər də həyata keçirilib.

Hesab edirəm ki, dünənki sərəncamdan sonra Heydər Əsədovun qarşısında «yaşıl işıq» tam yandırıldı. Bu isə yaxın müddətdən başlayaraq, kobud davrananlardan tutmuş, sahibkarları işlədib, pullarını ödəməyən icra başçılarına qədər yerli icra hakimiyyətlərində ciddi dəyişiklər olacacından da xəbər verir. Eyni zamanda, ötən il subsidiyaların mənimsənilməsinə görə barələrində cinayət işi açılmış rayon icra başçılarını da xoş gələcək gözləmədiyni deyə bilərik. Doğrudur, pezidentin «real statistika budur» deyərək, keçmiş kənd təsərüfatı naziri İsmət Abbasovu da hədəfə aldığını deyənlər var. Amma mən elə düşünmürəm. Belə olsaydı, o zaman İsmət Abbasov baş nazirin müavini təyin edilməzdi. Məncə, prezident bununla korrupsiyanın «nüvəsi»ni yaradan icra başçılarını hədəfə aldı. Axı, bu gün hamı bilir ki, subsidiyaların kəndlilərə paylanılması ilə bağlı Maliyyə Nazirliyi, Kənd Təsərrüfatı Nazirliyi və digər bir neçə mərkəzi qurumun təmsilçiliyi ilə yanaşı, rayon icra hakimiyyətlərinin yerli nümayəndələrindən ibarət komissiyalar fəaliyyət göstərir. Maraqlısı bu idi ki, Heydər Əsədov bunları nədənsə açıq atmosferdə keçən iclasda dilə gətirmək istəmədi. Görünür, bəzi icra başçılarının Heydər Əsədovu «dalan»a sıxması, bəzilərinin isə nazirlə anlaşması haqda yayılan söz-söhbətlər də təsadüfi deyil. İlham Əliyev isə "İndi kənd təsərrüfatı naziri bəlkə də demək istəmirdi» ifadəsi ilə elə Heydər Əsədovun özünə də xəbərdarlıq etmiş oldu. Bu isə hər zaman ehtiyatlı və tədbirli davranışıə seçilən Heydər Əsədovu hərəkətə gətirəcək. Yəni deyə bilərəm ki, bu il ötən ilki vəziyyətdən fərqli mənzərə olacaq. Heydər Əsədov bu dəfə daha məqsədli olacaq».

Müsahibimiz deyir ki, artıq Heydər Əsədov nazirliyin əməkdaşlarını rayonlara səfərbər edib: «Nazir Heydər Əsədov payız taxıl səpin ərazilərini indidən monitorinq etdirməyə başlayıb. Bununla o, əkin sahələrinin şişirdilməsinin qarşısını almaq niyətində olmaqla yanaşı, 2 ay əvvəl verilən sənədləri yoxlama istəyir. Belə ki, rayonlar 01 dekabr 2014-cü ilə olan movcud vəziyyəti əks etdirən sənədləri atrıq nazirliyə təqdim ediblər. Heydər Əsədov da sənədlərdə göstərilən əkin sahələrinin hesabatını yerlərdə monitoriqn keçirməklə, müqaiyəsli təhlilini aparmaq, orada baş verən

korrpsuya ilə bağlı indidən sərt tədbirlərə əl atmaqda qərarlıdır. Şübhəsiz ki, belə vəziyyət subsidiyaların ayrılması prosesindəki birinci mərhələdə icra başçılarının əvvəlki kimi korrupsiyaya yol vermələrinin üstünü açacaq. Bu isə ortaya iki yol çıxaracaq: İcra başçıları ya Heydər Əsədovla anlaşmaya gedib, qazancı bölməyə çalışacaqlar, ya da açıq savaşa girəcəklər. Hər halda, bütün hallarda, əksər icra başçıları ilə bu savaş qaçılmazdır».

Mənbə deyir ki, nazir Heydər Əsədov indi də icra başçıları dünən yaradılan fondun səlahiyyətləri ilə bağllı da “döyüşməli” olacaq:

“Heydər Əsədov bu dəfə də yerlərdə toxumçuluğa “əl uzatmaq” sevdasından vaz keçməsii gözlənilməyən icra başçılarına qarşı ikinci “cəbhə” açmalı olacaq. Ancaq əminə, o, bu “döyüşlər”ə cürətkar girəcək. Əlbəttə, Heydər Əsədov həm prezidentin xəbərdarlığından, həm də bir daha səlahiyyəti genişlənən dünənki sərəncamdan sonra cürətkar davranacaq. Ancaq onun bütün icra başçılarına hökm edəcəyini də söyləmək çətindir. Çünki elə icra başçıları var ki, Heydər Əsədov durdurmaq gücü çoxdur. Bu, ötən ilin monitorinqləri zamanı da özünü göstərdi. Bu dəfə də belə ollacağı gözlənilir. Düzdür, Heydər Əsədov ehtiyatlı davranışlarına “döüşkən ruh”la əvəzləyib və eyni zamanda, şəxsən prezidentə açıq məruzə edə bilərsə, o zaman vəziyyət kökündən dəyişəcək».

Cəfər