Kənd təsərrüfatı naziri ölkədə səs-küylü həbslərə səbəb olacaq addımlar atmağa başlayıb

Kənd təsərrüfatı naziri Heydər Əsədovun Prezident İlham Əliyevin rəhbərliyi ilə “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransdan sonra tabeliyində olan məmurlaraia və rayon rəhbərlərinə qarşı sərt davranacağı ilə bağlı deyilənlər özünü doğrulmağa başlayıb.

Xatırladaq ki, bu barədə «Gündəm Xəbər» qəzeti ötən saylarında geniş məlumat verib. Həmin məlumatlarda Heyddər Əsədovun subsidyiaların mənimsənilməsində başlıca rol oynayan rayon icra başçıları və onun ərazi nümayəndələrindən ibarət yerli komissiya rəhbərlərini, həmçinin Kənd Təsərrüfatı Nazirliyinin tabeliyində olan «Aqrolizinq» ASC-nin yerli şöbə rəislərini «dalan» sıxacağı vurğanırdı. Artıq ötən sayımızdaa yazdıqlarımız öz təsdiqini tapır.

«Gündəm Xəbər»in məlumatına görə, nazir Heydər Əsədov dünən “Aqrolizinq” ASC-nin 2014-cü ildəki fəaliyyətinə həsr olunan müşavirə keçirib. Və həmin müşavirədəcə fəaliyyətində nöqsanlara yol verən cəmiyyətin bir neçə əməkdaşını cəzalandırıb. Belə ki, nazir “Aqrolizinq” ASC-nin İdarə Heyətinin sədri Elşən Məmmədova xəbərdarlıq, İdarə Heyətinin sədr müavini Aydın Əzizova şiddətli töhmət elan edib. Bununla yanaşı, cəmiyyətin aqrotexniki xidmət və təchizatın təşkili şöbəsinin müdiri və səkkiz rayonun aqroservis filiallarının rəhbəri tutduğu vəzifədən azad olunub. Altı rayonun aqroservis filiallarının rəhbərləri barədə müvafiq araşdırma aparılandan sonra daha ciddi tədbir görüləcək:

«Bu fakt göstərir ki, Heydər Əsədov ilk əvvəl öz adamlarından başşlamaqla, ətrafa mesajını verir. Yəni o, subsidiyaların mənimsənilməsində əsas rol oynayan icra başçılarına «kiməsə güzəşt olmayacaq» mesajını vermiş oldu. Nazirin «Aqorlizinq»in 6 rayon şöbəsi ilə bağlı ayrıca paraqraf açması isə başqa bir səs-küylü hadisədən xəbər verir. Görəcəksiniz, həmin 6 rayonun sayı azı 3 dəfə çoxalacaq. Yəni yoxlama daha çox rayonda geniş miqyaslı olacaq».

Müsahibimiz deyir ki, Heydər Əsədovun əlini gücləndirən əsas məqam dövlət başçısı İlham Əliyevin çıxışı və tapşırıqlarıdır: «Prezident Heydər Əsədova 2015-ci ilin kənd təsərrüfatı ili elan olunmasının səbəbsiz olmadığı tapşırığını verib. Yəni Heydər Əsədova bu il rəhbərlik etdiyi sahədə dönüş

yaradılması üçün hər cür təminat və şərait yaradılıb. Əminəm ki, bu, belə də davam edəcək. Elə bir neçə gün əvvəl İlham Əliyevin Kənd təsərrüfatının inkişafına dövlət dəstəyinin gücləndirilməsi ilə bağlı əlavə tədbirlər haqqında imzaladığı sərəncamı da Heydər Əsədova göstərilən etimadın bariz nümunəsidir.

Xatırladaq ki, həmin sərəncamla Kənd Təsərrüfatı Nazirliyinin tabeliyində Dövlət Toxum Fondu yaradılıb. Nazirlər Kabinetinə isə Kənd Təsərrüfatı Nazirliyinin tabeliyində Dövlət Toxum Fondunun fəaliyyətinin təmin edilməsi, habelə yüksək məhsuldar toxumların istehsalının və tədarükünün həyata keçirilməsi üçün Azərbaycan Respublikasının Kənd Təsərrüfatı Nazirliyinə "Azərbaycan Respublikasının 2015-ci il dövlət büdcəsi haqqında” Azərbaycan Respublikası Qanununun tətbiqi barədə” Azərbaycan Respublikası Prezidentinin 2014-cü il 22 dekabr tarixli 413 nömrəli Fərmanının 1.10.1.3-cü yarımbəndində "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı” xərcləri bölgüsündə 10,0 (on) milyon manat ayrılması məsələsinin həll tapşırrılıb.

Son üç ay ərzində Heydər Əsədovun rəhbərlik etdiyi nazirliyə dövlətin diqqətinin artırılması isə subsidiyaların yerlərdə paylanılmasında birbaşa iştirak edən icra başçılarını əndişəyə salıb».

«Gündəm Xəbər»i məlumatlandıran məlumatlı şəxsin sözlərinə görə, bu il subsidiyaların rayon məmurları tərəfindən asanlıqla mənimsənilməsi məsələsi olmayacaq: «Əminəm ki, ötən il subsidiyaların mənimsənilməsinə görə barələrində cinayət işi açılmış rayon icra başçılarını da xoş gələcək gözləməyəcək. Məncə, prezident son müşavirədəki çıxışında korrupsiyanın «nüvəsi»ni yaradan icra başçılarını hədəfə alarkən, Heydər Əsədova «yol xəritəsi»ni göstərdi. Axı, bu gün hamı bilir ki, subsidiyaların kəndlilərə paylanılması ilə bağlı Maliyyə Nazirliyi, Kənd Təsərrüfatı Nazirliyi və digər bir neçə mərkəzi qurumun təmsilçiliyi ilə yanaşı, rayon icra hakimiyyətlərinin yerli nümayəndələrindən ibarət komissiyalar fəaliyyət göstərir. Yəni deyə bilərəm ki, bu il ötən ilki vəziyyətdən fərqli mənzərə olacaq. Heydər Əsədov bu dəfə daha məqsədli olacaq».

Müsahibimiz deyir ki, Heydər Əsədov hazırda ölkənin 58 ryon və şəhərlərində öz sahəsi üzrə geniş araşdırmaya start verib: «Nazir Heydər Əsədov bütün əkilmiş və əkiləcək sahələrin indidən statistikasını çıxarmağa başlayıb. Bununla o, subsidiya oğrularının əkin sahələrinin şişirdilməsinin qarşısını almaq niyyətində olmaqla yanaşı, 2 ay əvvəl verilən yardım üçün təqdim olunan sənədlərdəki rəqəmləri dəqiqləşdirmək istəyir. Məlumunz olsun ki, rayonlar 01 dekabr 2014-cü ilə olan movcud vəziyyəti əks etdirən

sənədləri artıq nazirliyə təqdim ediblər. Heydər Əsədov da həmin sənədlərdə göstərilən əkin sahələrinin hesabatını yerlərdə monitorinq keçirməklə, orada baş verən korrupsiyanı aşkara çıxarmaq istəyir. Görəcəksiniz, bu dəfə korrupsiyaya yol verən rayon rəhbərlərini və onların yerli komissiyalara rəhbərlik edən icra nümayəndələrini əvvəlki illər kimi, «ilişən»də asanlıqla «buxov»dan çıxa bilməyəcəklər».

Mənbə iddia edir ki, 2015-ci il ölkədə təkcə «Kənd Təsərrüfatı ili» kimi yaddaşda qalmayacaq: «Bu il ölkəmizdə bir sıra əlamətdar hadisələr olacaq. «Avropa Olimpiya Oyunları, Parlament seçkiləri vvə sair əlamətdar hadisələrin yanıyca xoşagəlməz hadisələrin də olacağı istisna deyil. Məncə Heydər Əsədovun apardığı monitorinqin nəticələri xeyli məmurun həbsi ilə də yadda qalacaq».

Cəfər