1996-97-ci illərdə əsgər payları satılıb, “Salyut”
mehmanxanasının sökülərək ərazisi zəbt olunub

Salyan kazarmaları yaxınlığında ərazisi 2 ha olan hərbi mənzil istismar idarəsi, eyni ərazidə hərbiçilərə aid diş poliklinikası, Papanin adlı ərazidə nazirliyə məxsus torpaq sahəsində yanacaqdoldurma məntəqəsi sökülübnın sökülüb hər üç obyektin yerində 18 mərtəbəli bina tikilib

Zirə qəsəbəsində Müdafiə Nazirliyinə məxsus 67 ha torpağı nazir 2012-ci ildə yaxın qohumuna verib

“Ehtiyatda olan Zabitlər Birliyi” (EOZB) bazar ertəsi “Səfər Əbiyev və korrupsiya: faktlar və arqumentlər” mövzusunda dəyirmi masa keçirib. Birlik rəhbəri Yaşar Cəfərli ordudakı problemləri neçə illərdir müzakirə etmələrinə, nazirliyə çoxsaylı təkliflər vermələrinə baxmayaraq, problemlərin həllini tapmadığını deyib. Orduda islahat getməsinə əsas maneə kimi nazir Səfər Əbiyev və Baş Qərargah rəisi Nəcməddin Sadıxov göstərilib.
“Bu şəxslər dəyişmədikcə, orduda mütərəqqi islahatlar baş tutan deyil”, - deyə Y.Cəfərli qeyd edib. Birlik orduda əsgər itkilərilə bağlı nazirliyiə neçə illərdir məlumat verməsinə baxmayaraq, nəinki tədbir görülmür, əksinə itkilərin sayı artır. S.Əbiyevin yarıtmaz fəaliyyətilə bağlı birliyin yaydığı müraciətə cavab olaraq hərbi hissələrdə naziri müdafiə məqsədilə başlanan imzatoplama kampaniyası “anormallıq və ordunun siyasiləşməsinin göstəricisi” adlandırılıb. Bu imzatoplama kampaniyasının arxasında şəxsən S.Əbiyevin özünün durduğu deyilib. Bu kampaniya S.Əbiyevin nazir kreslosunu qorumaq cəhdi adlandırılıb. “Bu tədbirlərin orduya qarşı yönəldiyini deyənlərə bildiririk ki, bu tədbirlər ancaq və ancaq S.Əbiyevə və onun fəaliyyətinə aiddir”, - deyə Y.Cəfərli xüsusi vurğulayıb.
Beləliklə, S.Əbiyevin ictimai rəyi nəzərə almamasına, fevralın 5-də nazir təyin olunmasının 18-ci ilinin tamam olmasına cavab olaraq birlik fevralın 4-dən 9-dək “Səfər Əbiyev-18 həftəsi” kampaniyasına başlayıb. Göstərilən müddət ərzində hər gün nazirin fəaliyyətinin müxtəlif istiqamətlərinə dair dəyirmi masalar keçirilıməsi nəzərdə tutulur. Bugünki tədbir ilk tədbir olub.
Korrupsiyaya qarşı İctimai Mübaizə Mərkəzinin (KQİMM) rəhbəri Telman Əbilov S.Əbiyev 1995-ci ildə nazir təyin ediləndən sonra ilk fəaliyyətinə savadlı, peşəkar, döyüş keçmiş zabitləri ordudan uzaqlaşdırmaqla başladığını deyib. Bu addıma etiraz edənlər ya həbsə alınıb, ya da “xidməti uyğunsuzluq” adı ilə tərxis edilib. Orduda ilk korrupsiya faktı kimi 1996-97-ci illərdə əsgər paylarının satılması xatırladılıb. O zaman orduda distrofiya hallarının çoxaldığı deyilib. Bu məsələ ilə bağlı Maliyyə Nazirliyi orduda yoxlamalar aparıb, külli miqdarda yeyintilər aşkarlayıb, amma nazir “sudan quru çıxıb”. Amma əvəzində belə halları aşkarlayan Canmirzə Mirzəyev həbsə alınıb, deputat, akademik Ziya Bünyadov qətl edilib.
Digər korrupsiya faktı kimi 2004-cü ildə “Salyut” mehmanxanasının sökülməsi göstərilir. Baş nazirin müavini, fövqəladə hallar komissiyasının sədri Abid Şərifovun bu binanın qəzalı olması haqda arayış verdiyi bildirilib. Həmin mehmanxana ərazisindən A.Şərifova 2 ha torpaq sahəsi verildiyi qeyd edilib.
Bununla bağlı rəsmi yoxlama olan zaman S.Əbiyev bu ərazini mərhum dövlət başçısı Heydər Əliyevin ona bağışladğını deyib. Salyan kazarmaları yaxınlığında ərazisi 2 ha olan hərbi mənzil istismar idarəsi köçürülüb, burada 18 mərtəbəli bina tikilib. Yenə də Salyan kazarmaları yaxınlığında hərbiçilərə aid diş poliklinikasının sökülərək yerində 18 mərtəbəli bina tikilib. Papanin adlı ərazidə nazirliyə məxsus torpaq sahəsində yanacaqdoldurma məntəqəsindən hospitalın içi görünməsi adı ilə sökülüb. Yerində isə 18 mərtəbəli bina tikilib, binanın blok qapısı birbaşa hospitala açılır. Zirə qəsəbəsində Müdafiə Nazirliyinə məxsus 67 ha torpağı S.Əbiyev 2012-ci ildə yaxın qohumuna verib. Müdafiə Nazirliyinə məxsus mənzil fondu, torpaqlar dağıdılıb. Əvəzində isə yeni mənzil fondu hazırlanmayıb.
“Turan”