Artıq səhiyyə işçiləri həyəcan təbilini döyəcləyirlər, nazir Oqtay Şirəliyev isə hər şeydən xəbərsiz kimi susmağa üstünlük verir

Azərbaycan Respublikasının öləziməkdə olan sahələrindən biri də səhiyyə sistemidir. Təəssüflə də olsa qeyd etmək lazımdır ki, nəinki nəticə çıxarılmadığından, hətta reaksiya belə göstərilmədiyindən kütləvi informasiya vasitələri son vaxtlar səhiyyə sisteminin neqativ hallarını, bu sahədə yaranmış böhranlı vəziyyətin ştrixlərini qabartmaq istəmirlər. Artıq heç kim inanmaq istəməz ki, nazir kreslosunda oturduğunun on illiyinin dadını çıxarmağa hazırlaşan cənab Oqtay Şirəliyev üçün rəhbərlik etdiyi sahənin bu vaxtadək hansısa qaranlıq məqamı qalsın.