Bu dəfə yalnız redaksiyamıza və redaksiya heyyətinin qulağına gəlib çatan söz-söhbətlər ətrafında oxuculara bildiklərimizi çatdırmayacağıq. Bu gün heç rayonlarımızdakı üzdəniraq icra başçılarının maliyyə maxinasiyalarından, dövlətin malını necə sovurmalarından da danışmayacağıq.

Çünki bu gün həmin qanunsuzluqların tək ünvanının elə burnumuzun dibində və mərkəzi Bakıya icralıq edən Abutalıbovun fəaliyyətində açıq aydın sezmək olduğunu da qulaqardı etmək olmadığının fərqinə vardıq. Daha doğrusu, Bakı icrasının bəzi üstüörtülü və pərdəarxası əməllərinin üstünü açan Hesablama Palatasının aşkar etdiklərindən danışacağıq. Məlum olduğu kimi, illərdir pul dağarını tapıb, türk demişkən onu dişi və dırnağı ilə, cırmaq-cırmaq hər qəpiyini ehtiyatla cibinə qoyan, Bakı Bakı şəhər İcra Hakimiyyətinin başçısı Hacıbala Abutalıbovun imza atdığı ciddi qanunsuzluqlar yolu ilə necə varidat sahibi olmasından danışacağıq.

Nədənsə, Hesablama Palatasının 2014-cü il üzrə apardığı hesabatında Bakı şəhər İcra Hakimiyyətinin bütün qanunsuzluqları və maliyyə maxinasiyaları aşkar edilsə də, bu aşkar edilənlərə əsasən heç bir tədbir görülmür. Düzdür, bəzi məqamlarda bunu hiss etmək və fərqinə varmaq mümkündür. Misal üçün, Bakıda yeni bir tikilinin və ya obyektin açılışı zamanı bir müddət əvvəl həmin məkanla cənab Prezidenti Abutalıbov tanış edirdisə, bu

gün Abutalıbovun bu səlahiyyətini nədənsə Ziya Məmmədovun icra etdiyini müşahidə etmək mümkündür.

Bundan əlavə, hətta paytaxta bir çox sahələrin Abutalıbovun kurasiyasından çıxarılaraq, Ziya Məmmədova həvalə edilməsi məsələsi də var. Bu da onu göstərir ki, strukturdakı hər kəs Abutalıbovun paytaxtın icra başçısı olmağından sui-istifadə hallarının fərqindədir. Baxmayaraq ki, Abutalıbov bu gün də Bakı meri kürsüsündə əyləşib. Hesablama Palatasının merin Bakı ərazisində küçə reklamının yayımı sahəsində qanunvericiliyin pozulması hallarının aşkar olunmasına dair səyyar qaydada aparılan nəzarət tədbirlərinin nəticələri rəsmiləşdirilməməsi qeydə alınıb. Məlum olduğu kimi, hesabat ilində Hesablama Palatası Bakı şəhər İcra Hakimiyyəti Reklam və İnformasiya İdarəsinin maliyyə-təsərrüfat əməliyyatlarının, eləcə də dövlət gəlirlərinin yığılmasının və dövlət əmlakından istifadə olunmasının qanunvericiliyə uyğunluğuna dair audit aparıb. Hesabatda isə qeyd olunur ki, reklam lövhələrinin yerləşdirilməsinə icazə verilən kommersiya obyektləri üzrə reklam yayımı tariflərinin rəsmiləşdirilməsi zamanı reklam daşıyıcılarının yerlərinin differensiallaşdırılması müvafiq normativ aktlarda təsbit edilmiş kateqoriyalara tam şəkildə həyata keçirilməyib. Eyni zamanda, dövlət mülkiyyətində olan torpaqların, binaların və digər obyektlərin uçotu aparılmayıb.

Bir neçə küçə reklam lövhələri vasitəsi ilə reklam yayımının həyata keçirilməsi Azərbaycan Prezidentinin fərmanı ilə təsdiq edilmiş "Reklam yayımına razılıq qaydaları"nın tələblərinə əməl edilməyərək və Nazirlər Kabinetinin müvafiq qərarı ilə təsdiq edilən "Küçə

reklamı lövhəsinin yerləşdirilməsinə icazə sənədinin forması" məzmununa uyğun olmayaraq bir icazə sənədi əsasında rəsmiləşdirilib. Ayrıca, dayaqlı müxtəlif reklam daşıyıcılarının yerləşdirilməsinə icazələrin verilməsi üçün tələb olunan və qəbul edilən reklam daşıyıcılarının layihələri və eskizləri bütün hallarda qanunvericilikdə müəyyən edilmiş qaydada təsdiq edilməyib. 2014-cü ildə küçə reklamı üzrə aparılan 199 əməliyyat üzrə 13 930 manat dövlət rüsumunun tutulması və dövlət büdcəsinə ödənilməsi təmin edilməyib, həmçinin reklam işlərinin görülməsi zamanı müvafiq qanunvericilik aktlarının tələbləri gözlənilməyib. Bir daha xatırlatmalıyıq ki, bu Bakı merinin birinci nöqsanı deyil. Əgər yadınızdadırsa, hələ 2010-cu ildə Bakı şəhər İcra Hakimiyyətinin başçısı Hacıbala Abutalıbovun 100 milyon manatlıq maxinasiya sənədi də gündəmə gəlmişdi.

Dövlət orqanı tərəfindən verilməsi ağıla sığmayan sözügedən absurd sənəddə söhbət “Qış bulvarı” salınacaq ərazidə yaşayan insanlara veriləcək kompensasiyanın hansı metodlarla mənimsənilməsindən gedirdi. Həmin sənəd bir müddət mediya orqanlarının manşet xəbərinə çevrilmişdi. Nədənsə merin bütün bu olmazın və saymaqla bitməyən kirli əməllərindən dolayı sadəcə bir məktəbli tək cəzalandırılmaqdan ziyadə heç bir tədbir görülmür.

Bu gün Abutalıbovun səlahiyyətləri gözü önündə əlindən alınaraq, bir başqasına həvalə edilir... Amma qarşısında böyük bir sual işarəsi duran və cavablanması qeyri-mümkünsüz olan sual var. Görəsən, nə üçün Abutalıbov hələ də mer kürsüsündə saxlanılır?

Ülkər