Bir şəklin on iki tərəfi… Elşad Abdullayevin sifarişli və böhtan xarakterli yazıları ifşa olundu

Böyük müəmma ilə dövlət vəsaitinin mənimsənilməsi, mandat alveri və digər dələduzluqları yanına kar qalan Elşad Abdullayev qaçaraq Fransada sığınacaq almağa müvəffəq oldu. Bir müddətdir, hətta barəsində Azərbaycan Cinayət Məcəlləsinin 5 ağır maddəsi ilə cinayət işi başlanılmış və İnterpol xətti ilə Beynəlxalq axtarış verilmişdi. İndi isə keçmiş ABU rektoru Elşad Abdullayev hazırda saxta facebook profilləri yaradaraq, çeşidli şər və böhtan yazıları ilə müəyyən dairələrin sifarişini yerinə yetirməklə məşğuldur. Qeyd etmək gərəkir ki, onun qaçmasına elə daxildən yardımçı olanlar da oldu. Həmin adamların kimliyi bu gün də müəmmalı məsələ olaraq qalır. Amma söz yox ki, Elşad Abdullayev kirli əməlləri sayəsində nail olduğu böyük maliyyə və sərvət hesabına da qaçmaq imkanı əldə edənlərdəndir. Bu günlərdə “Təzadlar” nəşrində Elşad Abdullayevin nə kimi sərvətlərə malik olub-olmaması ilə bağlı ilginc məlumat dərc olunmuşdu. Elşad Abdullayevin kirli və qanunsuz əməlləri ilə əldə edilən sərvəti haqqında oxuculara məlumat verməzdən əvvəl olduqca müəmmalı bir məsələyə nəzər salmağınızı istəyirik. Sərvətləri haqqında yazılan bu məqalədən xaricdə xəbər tutan Elşad Abdullayev ilk öncə sosial şəbəkə vasitəsi ilə “Təzadlar” nəşrində sözü gedən məqalənin yazarı Asif Mərzilini tənqid atəşinə tutur və onun bu əməlini pisləyir. Hətta ölkə başçısı və müxtəlif dövlət strukturunda çalışanlara qara yaxan formada ittihamlar paylaşır. Daha sonra nədənsə, Elşad Abdullayevin tənqid hədəfi Azərbaycan Respublikası Prezidentinin İctimai-siyasi məsələlər üzrə köməkçisi Əli Həsənova tuş gəlir. Söz yox ki, daxildə vaxtı ilə Elşad Abdullayevə elə qaçmağa da yardım edən şəxslərin indi də növbəti tənqid ünvanı Əli Həsənovdur. Görəsən dövlətə qarşı bu cür ittihamların səsləndirilməsi nədən irəli gəlir?

Bir çoxları dəfələrlə Elşad Abdullayev tərəfindən əsassız yayılan video görüntülərini görüb. Görünür, həmin görüntülərin kolleksiyası tükəndiyindən Elşad Abdullayev yeni saldırı formasına keçid alıb. Biz heç kəsi müdafiə etmək fikrində deyilik. Sadəcə bir neçə aydın olmayan məqama və böhtan dolu yazıya münasibət bildirmək niyyətindəyik. İlk əvvəl gəlin Elşad Abdullayevin Azərbaycanda olan mal-mülkünün siyahısı ilə tanış olaq. Deməli, bildiyimiz kimi keçmiş rektor Elşad Abdullayevin bir oliqarx olması heç kəsin gözündən yayınmayan məsələdir. Sadəcə olaraq, ABU-nun rektoru Elşad Abdullayevin idarəetmə metoduna diqqət yetirmək onun fəaliyyətinin nədən ibarət olduğu da açıq aydın görünür. Təsəvvür edin ki, özü törətdiyi əməllərdən və məsuliyyətdən qaçaraq, Fransada ermənilərin böyrünə sığınan Elşad Abdullayev belə düz danışırsa, nə üçün vaxtilə Azərbaycan Beynəlxalq Universitetinə topladığı “ailə podratı” və ya TQDK-nın keçirdiyi imtahanları belə saxtalaşdırmağa davam etdirdiyi zaman bu kimi açıqlamalar etmirdi? Öz fırıldaqlarının üstü açılan kimi ətrafındakı hər kəsə, soyub soğana çevirdiyi dövlət strukturlarına belə saldırmağa başladı. Təsəvvür edin ki, düzgünlükdən danışan bi insanın bütün ailə üzvləri ABU-ya rəhbərlik edib... Qaynatası Hüseyn Əhmədov 1-ci universitetdə prorektor, qardaşı Mahir Abdullayev prorektor və hüquq fakültəsinin dekanı, E.Abdullayevin yeznəsi Sədrəddin Qədirov ABU-nun prorektoru, E.Abdullayevin qaynı Əhmədov Hümeyir Hüseyn oğlu ABU-nun dekanı, digər qardaşı Eldəniz Abdullayev dekan, digər yaxın qohumları isə ABU-da müxtəlif kafedra müdirləri idilər. Sizcə bütün bu qohumların bir arada cəm olması Elşad Abdullayevin bir sıra maxinasiyalarının üstünün hələ də örtülü qalmasından xəbər vermirmi? Bəlkə Elşad Abdullayev bunları ABU-nun hər şeyin qanuna uyğun olmasının sübutu hesab edir? Hərçənd ki, indi xaricdə oturub sifarişlə yazı yazan eks rektor görəsən, öz fəaliyyətini facebook sosial şəbəkəsində nə zaman danışdığı düzgünlük çərçivəsində işıqlandıracaq? E.Abdullayevin özünün, qohum-qardaşlarının adına çoxsaylı istehsal, xidmət, ticarət və iaşə obyektləri, çoxsaylı torpaq sahələri, mənzillər... və s. var idi. Təbii ki, nə ABU rektorunun babasından ona tonlarla qızıl külçə qalmışdı, nə də E.Abdullayev Novxanıdakı bağında ağac əkəndə oradan qızıl küpələri tapmışdı... Hamısı ABU-ya saxta tələbə qəbulundan

gələn rüşvət pullarının sayəsində əldə edilmişdi. Təbii ki, “ailə podratı” ilə idarə olunan ABU-dan yalnız bu məqsədlə istifadə oluna bilərdi.

Buyurun, istintaq getdiyi üçün sabiq rektorun, onun ailə üzvlərinin üzərinə həbs qoyulmuş mülk və obyektlərinin siyahısı ilə tanış olun:

1. Abdullayev Elşad İslam oğlunun mülkiyyətində olan obyektlər: - 28 iyul 2007-ci il tarixdən Bakı şəhəri, Xəzər rayonu, Dübəndi qəsəbəsində yerləşən 26 saylı bağ sahəsi; - 30 noyabr 1996-cı il tarixdən Bakı şəhəri, Səbayel rayonu, Ş.Şamil küçəsində yerləşən 11 saylı evin 8 saylı mənzili; - 12 aprel 2003-cü il tarixdən Bakı şəhəri, Binəqədi rayonu, Novxanı qəsəbəsi ərazisində yerləşən 609 saylı bağ sahəsi; - Bakı şəhəri, 7-ci mikrorayon, Binəqədi rayonu, xarici dairəvi 3123-cü məhəllə, 1604-cü keçid 11-də yerləşən Azərbaycan Beynəlxalq Universiteti; - “Azmap” MMC; -“ABU İdman Klubu” İB; -“Beynəlxalq Məktəbəqədər Tərbiyə Məktəbi”; “Beynəlxalq Kollec”; - “Beynəlxalq Ümumtəhsil Məktəbi”; - “ERA Hüquqi Xidmət” MMC; - “ERA-XTM” MMC; - Kipr Türk Respublikasında yerləşən A-9 saylı evin 1-ci mərtəbəsindəki ticarət obyekti (market);

2. Abdullayev Mahir İslam oğlunun (ABU-da dekan) adına: - 28 noyabr 1996-cı il tarixdən Bakı şəhəri, Yasamal rayonu, Müşfiq küçəsi, 501-ci məhəllədə yerləşən 8b saylı evin 17 saylı mənzili; - 12 iyun 1998-ci il tarixdən Bakı şəhəri, Yasamal rayonu, S.Dadaşov küçəsində yerləşən 68 saylı evin 63 saylı mənzil; - 17 sentyabr 1991-ci il tarixdən Bakı şəhəri, Yasamal rayonu, Krılov (S.Dadaşov) küçəsi, 577 məhəllədə yerləşən 68 saylı evin 62 saylı mənzili;

3. E.Abdullayevin qayınatası Əhmədov Hüseyn Mustafa oğlunun (ABU-nun 1-ci prorektoru) mülkiyyətində olan obyektlər: - Bakı şəhəri, Səbayel rayonu, F.Əmirov küçəsində yerləşən 1 saylı evin 60 saylı mənzili, - Bakı şəhər, Sabunçu rayonu, Vişnyovka-1 qəsəbəsi ərazisində yerləşən 1240 saylı bağ sahəsi, - Bakı şəhəri, Binəqədi rayonu Novxanı qəsəbəsi ərazisində yerləşən 684-p saylı bağ sahəsi, - Bakı şəhəri, Binəqədi rayonu Novxanı qəsəbəsi ərazisində yerləşən 685-a saylı bağ sahəsi, - Bakı şəhəri, Yasamal rayonu, M.Seyidov küçəsində yerləşən 10 saylı evin 8 saylı mənzili, - Bakı şəhəri, Yasamal rayonu, M.Seyidov küçəsində yerləşən 10 saylı evin 7 saylı mənzili, - Bakı şəhəri, Yasamal rayonu, M.Seyidov küçəsində yerləşən 10 saylı evin 30 saylı mənzili, - Bakı şəhəri, Yasamal rayonu, M.Seyidov küçəsində yerləşən 10 saylı evin 6 saylı mənzil, - Bakı şəhəri, Səbayel rayonu, Ş.Şamil küçəsində yerləşən 15 saylı evin 8 saylı mənzili, - Bakı şəhəri, S.Dadaşov küçəsində yerləşən 90 saylı evin 1 saylı mənzili; - Bakı şəhəri, S.Dadaşov küçəsində yerləşən 90 saylı evin 2 saylı mənzili; - “KNF investment” Məhdud Məsuliyyətli Cəmiyyəti; - “KNF investment” Məhdud Məsuliyyətli Cəmiyyətinin yerləşdiyi Bakı şəhəri, Sabunçu rayonu, Yeni Ramana qəsəbəsindəki 1549 kv.metr torpaq sahəsi və tikililər. - 16 dekabr 2011-ci il tarixdən Bakı şəhəri, Nərimanov rayonu, Y.V.Çəmənzəminli küçəsində yerləşən 127a saylı evin 57 saylı mənzili, - 15 dekabr 2006-cı il tarixdən Bakı şəhəri, Yasamal rayonu, M.Rəhim küçəsi, məhəllə 535 ünvanında yerləşən 37 saylı mənzil (1 saylı DNK-nın 28 avqust 2012-ci il tarixli 4Ə-01-159 reyestr nömrəli alqı-satqı müqaviləsinə əsasən Həqkari Firuz Mirverdi oğlunun adına özgəninkiləşdirilmişdir), - 12 mart 1993-cü il tarixdə Bakı şəhəri, Binəqədi rayonu, 8-ci mkr, S.S.Axundov küçəsində yerləşən 8 saylı evin 36 saylı mənzili (1 saylı DNK-nın, 16 oktyabr 2012-ci il tarixli 4Ə-01-203 reyestr nömrəli alqı-satqı müqaviləsinə əsasən Abdullayev Elman Xuduş oğlunun adına özgəninkiləşdirilmişdir), - 22 yanvar 2005-ci il tarixdə Bakı şəhəri, Yasamal rayonu, M.Seyidov küçəsində yerləşən 10 saylı evin 5 saylı mənzili (12 saylı DNK-nın 28 aprel 2005-ci il tarixli 4Ə-3-505 reyestr nömrəli alqı-satqı müqaviləsinə əsasən Əliyev Adil Aydəmir oğlunun adına özgəninkiləşdirilmişdir);

4. Abdullayev Elsevər İslam oğlunun (E.Abdullayevin qardaşı, ABU-da dekan) adına: - 19 sentyabr 2002-ci il tarixdən Bakı şəhəri, Yasamal rayonu, 10-cu Xrebtovı küçəsində yerləşən 23 saylı fərdi yaşayış evi; - 02 yanvar 1998-ci il tarixdən Bakı şəhəri, Yasamal rayonu, Şərifzadə küçəsində yerləşən 37a saylı evin 9/10 saylı mənzili; - Şamaxı rayonunun Nağaraxana kəndində 328 inventar nömrə ilə fərdi yaşayış evinə texniki pasportu hazırlanmışdır; - Şamaxı rayonunun Nağaraxana kəndində 261 inventar nömrə ilə fərdi yaşayış evinə texniki pasport hazırlanmışdır; -

Ailə üzvləri ilə birlikdə onun adına Tovuz rayonu, Alakol kəndində 0,26 ha həyətyanı torpaq sahəsi qeyd edilmişdir, - Bakı şəhəri, Nəsimi rayonu, S.Vurğun küçəsi 57 saylı ünvanda yerləşən mağaza. - “ERA GM” Mənzil tikinti kooperativi; - “AEG Petrol” MMC;

5. Abdullayev Elsevər İslam oğlunun adına: - 25 avqust 2007-ci il tarixdən Bakı şəhəri, Səbail rayonu, Badamdar qəsəbəsində yerləşən 3 y/m yerləşən 842-b saylı torpaq sahəsi; Bakı şəhəri, Yasamal rayonu, 10-cu Xrebtovı küçəsində yerləşən 23 saylı fərdi yaşayış evi, - İsmayıllı rayonu Zeyvə kəndində 0,20 ha (reyestr öümrəsi-407013000369; qeydiyyat tarixi-13.10.2006) tikinti təyinatlı torpaq sahəsi vardır.

6. E.Abdullayevin qardaşı Abdullayev İsmayıl İslam oğlunun (Bakı şəhər Vergilər Departamentinin işçisi) mülkiyyətində olan: - 09 yanvar 2007-ci il tarixdən Bakı şəhəri, Yasamal rayonu, S.Dadaşov küçəsində yerləşən 20 saylı fərdi yaşayış evinin 2/3 hissəsi; - 25 avqust 2007-ci il tarixdən Bakı şəhəri, Sabail rayonu, Badamdar qəsəbəsi, - 3-cü y/m yerləşən 842a saylı torpaq sahəsi; - 09 iyul 1999-cu il tarixdən Bakı şəhəri, Yasamal rayonu, Müşfiq küçəsi, 501-ci məhəllədə yerləşən 8b saylı evin 19 saylı mənzili; - 24 fevral 1999-cu il tarixdən Bakı şəhəri, Yasamal rayonu, Müşfiq küçəsi, 501-ci məhəllədə yerləşən 8b saylı evin 1 saylı mənzili; - 03iyul 1998-ci il tarixdən Bakı şəhəri, Sabunçu rayonu, Nardaran qəsəbəsində yerləşən 593ç saylı bağ sahəsi; - Bakı şəhərində avtomobillərə texniki xidmət sahəsi;

7. E.Abdullayevin bacısı oğlu Mürsəliyev Araz Oqtay oğlunun mülkiyyətində olan: - Bakı şəhəri, Yasamal rayonu, Ələkbərov küçəsi 547-ci məhəllədə yerləşən 1 saylı mənzil; - Bakı şəhəri, Sabunçu rayonu, Nardaran qəsəbəsində yerləşən 25a saylı bağ evi, 8. E.Abdullayevin yeznəsi Qədirov Sədrəddin Gülbala oğlunun (ABU-nun prorektoru) və ailəsinin mülkiyyətində olan: -08 avqust 2012-ci il tarixdən Bakı şəhəri, Nərimanov rayonu, Atatürk prospekti ünvanında yerləşən 23/25 saylı evin 53 saylı mənzili (notarius Hüseynov Əli Abdulhüseyn oğlu tərəfindən bağlanmış 4-Ə-04-718 reyestr nömrəli 23 avqust 2012-vi il tarixli alqı-satqı müqaviləsinə asasən Mehdiyeva Xəyalə Fərman qızının adına özgəninkiləşdirilmişdir), -18 iyul 1998-ci il tarixdən Bakı şəhəri, Suraxanı rayonu, Günəşli qəsəbəsi, “V” y/m ünvanında yerləşən 30 saylı evin 53 saylı mənzili (Bakı şəhər Məhkəməsinin Mülki İşlər üzrə Məhkəmə Kollegiyasının 3-7 saylı 1999-cu il tarixli qətnaməsinə əsasən qeydiyyat ləğv olunmuşdur). -26 sentyabr 1998-ci il tarixdə Bakı şəhəri, Yasamal rayonu, Şərifzadə küçəsində yerləşən 88 saylı evin 24 saylı mənzili (19 saylı DNK-nın 3m2/287 reyestr öümrəli 09 dekabr 1998-ci il tarixli bağışlama müqaviləsinə əsasən Qədirova İlahə Sədrəddin qızının adına özgəninkiləşdirilmişdir), -16 yanvar 1999-cu il tarixdə Bakı şəhəri, B.Bağırov küçəsində yerləşən 9 saylı evin 58 saylı mənzili (12 saylı DNK-nın 3m-l-74 reyestr nömrəli 22 fevral 1999-cu il tarixli bağışlama müqaviləsinə əsasən Qədirova Elnurə Sədrəddin qızının adına özgəninkiləşdirilmişdir), - 18 dekabr 1991-ci il tarixdən Bakı şəhəri, Şahbazi küçəsində yerləşən 99 saylı evin 33 saylı mənzili qeydiyyatdan keçmişdir;

9. Abdullayeva (Şahməmmədova) Gültəkin Şamil qızının adına (Mahir Abdullayevin həyat yoldaşı) - 11 oktyabr 2007-ci il tarixdən Bakı şəhəri, Yasamal rayonu, Ələkbərov küçəsində yerləşən 13 saylı evin 18 saylı mənzili; - 22 noyabr 2007-ci il tarixdən Bakı şəhəri, Nərimanov rayonu, Mirbəşir Qasımov küçəsində yerləşən 2 saylı evin 41 saylı mənzil; - 05 iyul 2008-ci il tarixdən Bakı şəhəri, Yasamal rayonu, İnşaatçılar prospektində yerləşən 20 saylı evin 76 saylı mənzil; - 16 oktyabr 2004-cü il tarixdən (əsaslarda təvəllüd göstərilməmişdir) Bakı şəhəri, Yasamal rayonu, Z.Xəlilov küçəsində yerləşən 26 saylı evin 83 (4 otaq) saylı mənzili;

10. Əhmədov Hümeyir Hüseyn oğlunun (E.Abdullayevin qaynı) adına: -28 noyabr 2008-ci il tarixdən Bakı şəhəri, Nərimanov rayonu, Bakıxanov küçəsində yerləşən 66 saylı evin 4 saylı mənzili dövlət reyestrində qeydiyyatdan keçmişdir və hal-hazırda mülkiyyətlərindədir.

11. İbrahimov Sənan İzzət oğlunun adına: -22 may 1996-cı il tarixdə Bakı şəhəri, Nəsimi rayonu, Tağızadə küçəsində yerləşən 52 saylı evin 55 saylı mənzil; -12 dekabr 1990-cı il tarixdən Bakı şəhəri, Binəqədi rayonu, 7-ci mkr ərazisində yerləşən 24 saylı evin 15 saylı mənzili (26 saylı DNK-nın 10 yanvar 1996-ci il tarixli 3ma-24 reyestr nömrəli alqı-satqı müqaviləsinə əsasən

Cəfərova Bahar Abbas qızının adına özgəninkiləşdirilmişdir); 12. E.Abdullayevin bacısı oğlu Mürsəliyev Anar Oqtay oğlunun mülkiyyətində olan: -Bakı şəhəri, Yasamal rayonu, Mirəli Seyidov küçəsində yerləşən 3 saylı evin 7 saylı mənzili və sair və ilaxır.

Hələ üstəlik Azərbaycandan qaçarkən ölkədən 4 milyard dollar məbləğində maddi vəsait də çıxara bilən Elşad Abdullayevin bu gün özünü sütdən çıxmış ağ qaşıq kimi qələmə verməsi gülünc görünür. Bu qədər dəqiq ünvanı və adları ilə göstərilən siyahıya cavab olaraq, Elşad Abdullayev müəyyən dairələrin sifarişi ilə Əli Həsənovun mal-mülkünü sərgiləyəcək şəkil dərc edir. Bəli, həmin obyektlər Əli Həsənovun ola bilər. Biz bunu inkar edə bilmərik. Amma etiraf da, etməliyik ki, həmin şəkildə bəzi məqamları qeyd etməklə bir daha əmin olduq ki, Elşad Abdullayev həmin yazını sırf sifarişlə dərc etdirib. Belə ki, Elşad Abdullayevin Əli Həsənovun saysız-hesabsız mal-mülkü adı altında bir neçə şəkil paylaşıb. Həmin şəkilləri tutuşdurduqda isə sözü gedən obyektlərin şəkil sayını artırmaq məqsədi ilə bir obyektin bir neçə profildən verilən şəkillərini müəyyən etmək adi gözlə görmək mümkündür. Deməli, Elşad Abdullayev öz gözündə tiri görmürsə, başqasının gözündə çöp axtarmaqla əslində nəyi sübut etmək istəyir heç özü də, bilmir. Ona görə də, xaricdə də “qəhrəmanlıq” nümayiş etdirməklə məşğuldur. Əsl qəhrəmanlıq isə gördüyü əməllərə görə məsuliyyətdən qaçmamaq və bunun üçün hüquqa təslim olmaq olsa da, o, görünür bunun fərqində deyil. Əslində buna cəsarəti çatmayan bir insanın sifarişlə sosial şəbəkələrdən belə mütəmadi böhtan xarakterli yazıları dərc etməsi əslində cılızlıqdan başqa bir şey deyil... Lakin hər ehtimala qarşı Elşad Abdullayevə tövsiyyə edirik ki, bundan sonra da, facebook sosial şəbəkəsi vasitəsi ilə sifariş yerinə yetirərkən, heç olmasa informasiya ötürən mənbənin verdiyi məlumatı dəqiqləşdirsin. Əks halda, yayımladığı mülklərin şəkillərindəki kimi bir obyektin şəklini 4-5 profildən çəkib “saysız-hesabsız mülklər” adı altında verməsi qeyri-ciddi qəbul olunur...

Ülkər