2015-ci il tədris-buraxılş ilinin başa çatması yaxınlaşdıqca, təhsil ocaqlarında yaşanan problemlərin varlığı və tətbiq olunan yeni qaydaları, müəyyən söz-söhbətlərin əmələ gəlməsinə də səbəb olur. Odur ki, Abşeron rayonu Xırdalan

şəhəri 9 nömrəli lisey təmayüllü tam orta məktəbinin direktoru, hörmətli Həcər xanımın yeni “ixtira” sının mahiyyəti ilə xəbərdar olan hər kəs, sanki onu möcüzə də adlandırır. Belə ki, övladı qeyd olunan təhsil ocağında oxuyan (hələ ki, müəyyən səbəblər üzündən adını çəkmirik) valideynin bildirdiyinə görə, lisey təmayüllü tam orta məktəbdə beş birinci sinif var ki, hər birində də təqribən 25-28 nəfər şagird təhsil alır. Verilən məlumatlara görə şagirdlərin sayca çox olması, məktəb direktorunu yeni qaydalar tətbiq etməyə sövq edib.

Yəni, o, tabeçiliyində olan müəllimlərdən bəzilərinə tapşırıq verir ki, təhsilini başa vurmuş 1-ci sinif şagirdlərindən kimin valideyni istəyir ki, övladı növbəti dərs günü başlayanda birinci növbədə oxusun, o halda həmin valideyindən 12 manatdan pul toplayın. Maraqlı haldır ki, niyə 12 manat? Bax belə bir sual üzərində nə qədər götür-qoy etsək də, dəqiq bir cavab əldə edə bilmədik. Əldə etdiyimiz isə o oldu ki, Həcər xanım 12 manat qalsın bir yana, 5 manatdan təmir pulu, 2 manatdan test pulu yığdırmağı da unutmayıb. O halda sual oluna bilər ki, bəs təhsil nazirliyinin rəhbərliyi televiziya açıqlamalarında daim vurğulayır ki, məktəblərdə təmir pulu, test pulu və digər “xəracyığma” kompaniyası qadağan olunub. Bu belə olduğu halda, bəs Həcər xanımın yeni “ixtira”sına nə ad vermək olar? Bax, budur bizi düşündürən məqam! Araşdırmamız davam edəcək.

Mirzə