Cənab Ali Baş Komandan!

Mən Qarabağ Qazisi, 79 sayli İmişli seçki dairəsindən deputatlığını irəli sürmüş keçmiş namizəd Şirinov Habil Sabir oğlu bu dairədə baş verən pozuntular barədə SİZƏ muraciət edərək bildirmişdim. Əminəm ki, bu barədə SİZİ məlumatlandırmayıblar. Odur ki, qısaca yenə də bu barədə təkrar muraciət edirəm.

Cənab Ali Baş Komandan!

Bu dairədən namizədliyini irəli sürmüş milyonların sahibi Əsabil Qasımov qanunları tapdalayaraq İmişli rayon İcra Hakimiyyətinin başçısı Vilyam Hacıyev və qohumu "özünü İmişlinin sahibi kimi aparan" Saleh Səmədovun hərtərəfli köməkləri sayəsində "qalib" çıxdı. Bütün kənd icra nümayəndələri, bələdiyyə sədrləri, məntəqə seçki komissiyalarının sədrləri pulla alındı, büdcədən maliyyələşən məmurlar və işcilərə Əsabil Qasımova səs vermədikləri təqdirdə işlərini itirəcəkləri barədə xəbərdarlıq olundu, seçicilərə açıq pul paylandı.
Bütün bu pozuntular barədə 79 saylı İmişli seçki dairəsindən deputatlığını irəli sürmüş keçmiş namizəd İltizam Əkbərli MSK - ya şikayət ünvanladı. Amma onun da şikayəti təmin olunmadı.

Cənab Ali Baş Komandan!

Sizin apardığınız islahatları dəstəkləyən Qazilərdən biri kimi bildirirəm ki, keçmiş milli təhlükəsizlik naziri Eldar Mahmudovla adı hallanan Əsabil Qasımov kimiləri deputat mandatı qazanaraq özlərinin keçmiş çirkin əməllərini ört - basdır etməyə hesablayıblar. Mən torpağımın və millətimin yolunda döyüşmüş bir insan kimi bilirəm ki, SİZİN məqsədiniz Azərbaycanı dünyanın ən güclü ölkələrindən birinə çevirməkdir. Bu yolda biz çoxminli Qarabaq Qaziləri bütün varlığımızla SİZİ dəstəkləyirik. Ümid edirəm ki, Konustitutsiya Məhkəməsi 79 saylı İmişli seçki dairəsində baş verən qanun pozuntularını nəzərə alıb ədalətli qərarını verəcək.

Hörmətlə 79 sayli İmişli seçki dairəsindən deputatlığa keçmiş namizəd Şirinov Habil Sabir oğlu.