Məhəmməd Əmin Rəsulzadəyə 130 illiklə bağlı yubiley tədbirləri keçirilməsi haqqında sərancam imzalayan ölkə başçısı, ya yenicə deputat olmağı bacaran Naqif Həmzəyev Bu gün Rəsulzadənin arxasınca danışan deputatın, sabah MM-də, daha haralarda nələr danışmayacağına kim qarant ola bilər? Və yaxud da kim qarant ola bilər ki, bu gün cumhuriyyət banisini təhqiramiz ifadələrlə aşağılayan, nə vaxtsa ulu öndər, və ya dövlətçiliyimiz haqqında da buna bənzər fikirlər söyləməyəcək? Naqif Həmzəyevin Məhəmməd Əminə tarixçi olaraq belə bir münasibət bəsləməsi, nəinki onun siyasi yetkin olmadığından və tarix fakultəsini bitirsə də, əslində tarix elmindən xəbərsiz olmasından irəli gəlir. İlk dəfə olaraq Gəncədə dəmiryolçuların mədəniyyət və istirahət parkında icaldılan desək yanılarıq, əvəzlənən deyək, (məlumat üçün bildirirəm ki, Rəsulzadəyə Gəncə şəhərində büst belə qoyulub: 90-cı illərdə xalq cəbhəsinin üzvləri sovet dönəmindən dəmiryolçular parkında Baqramyana qoyulan postamentin üzərindəki başı düşürüb, Rəsulzadənin büstünü yerləşdirmişdilər) Rəsulzadənin büstü haqda gedən söz-söhbətlərə aydınlıq gətirənlərdən biri olduğu üçün, Naqif Həmzələrə sözüm bu olacaq: “nə gəncəlilər, nə də ki, Gəncə şəhərində dövlətini sevən məmurlar, səni özlərinə deputat görməsələr də, (millət vəkili demirəm, ona görə ki, tarixini ictimaiyyət arasında aşağılayandan millətin vəkili olmaz. Əgər tam demokratik keçirilmiş seçkidə sənin namizədliyin olsaydı, sən heç 1-2% səs də toplaya bilməzdin) Gəncə şəhərini kənardan idarə etməyə çalışanlar deməzdim, çaxnaşdıranlar səni deputat görə bildilər. musavat.com-da gedən açıqlamaya münasibət olaraq bildirirəm ki, Naqifin Azərbaycanda cumhuriyyət banisi haqqında danışdıqları, əslində onun siyasi yetkinsizliyindən xəbər verir. Görəsən adı zaman-zaman nurçuluqda, Soros təşkilatı ilə əlaqəli olmaqda hallanan Naqif Həmzəyevin, ADC-nin banisi M.Ə.Rəsulzadəyə haqda ikrahla danışması, görəsən hansı hisslərdən xəbər verir? Nəinki ümummilli lider Heydər Əliyevin, hətta bu gün ölkə rəhbəri cənab İlham Əliyevin də önəm verdiyi, sayğı göstərdiyi, bir şəxsiyyətə qarşı Naqifin açıqlamaları, onun naqisliyindən xəbər verir. Nə yaxşı ki, Allah-Təala həm bizi, həm də Azərbaycanımızı sevib, istəyib. Siyasi cəhətdən yetkin olmayan bir deputat, yaxşı ki, ilk gündən özünü ölkə daxilində göstərə bilib. Ola bilərdi ki, Naqif bir deputat olaraq ölkə xaricindən kənara ezam olunsun, yaxud da diplomatik səviyyədə protokol qaydasından kənara çıxsın, o halda nələr baş verərdi. Yəqin ki, ağzına gələni danışıb, elə düşmən dəyirmanına su tökərdi. Naqifin M.Ə.Rəsulzadənin həyat yoldaşı haqqında başından yekə danışmağına gəlincə, özünü Azərbaycan kişisi hesab edən hər kəs, elə deyək siyasətçi, çünki hələlik Naqif Həmzəyev YAP-ın Gəncə şəhər təşkilatının sədridir, hərçənd onu tanıyanlar onun siyasətdən çox-çox uzaq hesab edirlər. Hər kəs onun Gəncədə kim olduğunu yaxşı bilir, siyasi durumlarda gərəkdir ki, ailə belə məsələlərə qatilmasın, əgər qatılırsa ona da veriləcək cavabı fikirləşməlidirlər. Əgər ailə haqda söhbət düşərsə, hər kəs Naqifin, onun həyat yoldaşının erməni əsilli olmaları haqda da məlumatlıdırlar. Sahib olduğu diplom haqda onu deyə bilərik ki, özünün tərcümeyi- halında yazdığı kimi o, Türkiyədən gətirdiyi diplomunu vaxtilə dövlətçiliyimizə qarşı mövqeyi müəmmalı qalan və GDU-nin sabiq prorektoru olmuş Nadir İbadovun təsdiqlədiyi də məlumdur. Naqif Həmzəyevin Türkiyənin "Firat" Universitetində ali təhsil alması haqda diplomu TN-də təstiqlənmədiyinə görə, belə bir tarixçinin bu yöndə açıqlamalar verməsi, gərək o qədər də təəccüb doğurmasın. Baxmayaraq ki, o, hələ ötən həftəni cümə axşamından gündəmə gəlmək arzusundaydı. Belə ki,artıq bir neçə il olar ki, bəzi mətbu orqanlarla əməkdaşlığa başlayan Naqif Həmzəyev, yola saldığımız həftə Gəncə şəhər İcra Hakimiyyəti adından çıxış edərək ayrı-ayrı mətbu orqanları hədələmiş və məhkəməyə verəcəyi ilə onlara öz mesajını da çatdırmışdı. Tutaq ki, onun cumhuriyyət haqqında fikirləri siyasi yetkinsizliyindən irəli gəlib. Əvvəl informasiya ötürüb, sonra isə icra başçısı adından bəzi mətbu orqanları məhkəmə ilə hədələməsi, yəni medianı qarışdırmaq fitvası haqda tapşırığı, görəsən o, kimdən almışdı? Sən demə Azərbaycanın ikinci böyük şəhəri olan Gəncənin ictimaiyyətlə əlaqələr şöbəsi adından, zaman-zaman onun mediaya açıqlamalar verməsi, heç də təsadüfi deyilmış. Yeri gəlmişkən onu da qeyd edək ki, ölkənin məhz qərb regionunda, ələlxüsus da Gəncədə icra hakimiyyətinin başçısı cənab Elmar Vəliyevin sayəsində, hər zaman media nümayəndələrinə dərin hörmət, böyük ehtiram bəslənilmişdir. Üzümü məntiqsiz danışan və ilk deputat mandatı əldə etdikdən sonra həm özünü, həm də kənardan ona qorxma-qorxma deyənləri ifşa edən Naqif Həmzəyə ki, “hər kəs öz kəndindən danışır”, deyə bir məsəl var, o da Naqif Həmzəyevə aiddir.

P.S. Naqif Həmzəyevin bugünkü siyasi savadı, tarixi şəxsiyyətlərə olduğu kimi deyil, öz düşüncə tərzinə uyğun yanaşması və bu yöndə də açıqlamalar söyləməsi, onun bu gün MM-dən geri çağrılmasına tam əsaslar verir. Çünki, heç kim tam təminat verə bilməz ki, o, bu cür danışıqları ilə, parlamentin fəaliyyətində araqarışdıranlıq etməyəcək.

Mehriban Əzizqızı

gundemxeber.az