Mədət Quliyevin Dövlət Təhlükəsizlik Xidmətinə (DTX) rəis təyin olunmasından sonra onu əvəzləyəcək bir neçə ismin adının da açıqlanması “Gündəm Xəbər”də

Bu günlərdə Ismayıllı rayonunun sabiq rəisi Nizami Qocayevin Məhkəmə Qərarlarının Baş İdarəsinin Gəncə regional şöbəsinə təyinat alması xəbəri yerli KİV-lər tərəfindən “Penitensiar Xidmətin rəisi bəlli oldu” adı altında verilməsi heç də təsadüfi xəbər sayıla bilməz. Belə ki,adı çəkilən İsmayıllı rayonunun sabiq rəsi Nizami Qocayev Daxili İşlər orqanında pensiya vaxtının çatması ilə əlaqədar ,nazir Ramil Usubov tərəfindən imzalanan əmrlə təqaüdə göndərilsədə, uzun müddətdən bəri Pennitensiar xidmətə rəis gətiriləcək isimlərin arasında yer almışdı.Deməli sabiq rəisin bu xidmətə rəis gətirilməsi gündəmdə olub.Lakin hansısa məqamlar onun son görəvə yetişməsinə mane olub. Digər tərəfdən isə İsmayıllı rayon Polis Şöbəsinin rəisi vəzifəsindən azad edilən Nizami Qocayev Ədliyyə Nazirliyi İcra Baş İdarəsinin Gəncə şəhəri üzrə icra idarəsinin rəisi təyin edilməsindən dərhal sonra bu qurumun rəisi postu uğrunda maraqlı mübarizənin aparıldığı haqqında iddialar var. Hətta bəzi media orqanları Mədət Quliyevin Dövlət Təhlükəsizlik Xidmətinə (DTX) rəis təyin olunmasından sonra onu əvəzləyəcək bir neçə ismin adını da qeyd etmişdilər. Bu siyahıya Sumqayıt Şəhər Polis İdarəsinin sabiq rəisi, polis general-mayoru,hal-hazırda isə Daxili İşlər Nazirliyinin Daxili Təhqiqatlar İdarəsinin rəisi Sahib Mirzəyevdən tutmuş, Qaradağ rayon Polis idarəsinin rəisinin adları çəkilirdi. Lakin bu günlərdə aldığımız məlumata görə Penitenisiar Xidmətin elə öz içindədə rəis olmaq uğrunda əməlli-başlı mübarizənin getdiyi bildirilir.Belə ki,hal-hazırda adı müxtəlif qanunsuz əmməllərdə hallanan Penitensiar Xidmətin rəis müavini Hüsenağa Əlixanov və digər müavin Nizməddin Cəlilov arasında getdiyi bildirilir. Məlumat üçün qeyd edək ki,hal-hazırda bu quruma məhz rəis vəzifəsinin səlahiyyətlərini Hüseyağa əlixanov icra edir. Kimdir Əlixanov? Əlixanov Hüseynağa Ənvər oğlu Quba rayonunun Yerfi kəndində anadan olmuşdur. Hələ bir neçə il bundan qabaq Qubanın Yerfi kəndindəki özbaşınalıqları barədə kənd sakinləri prezidentə məktub yazmağa məcbur olmuşdular. 14 kənd sakininin imzaladığı açıq məktubda Penitensiar Xidmətin rəis müavini, ədliyyə generalı Hüseyn və qardaşı Nazim Əlixanovlar torpaqları kənd sakinlərindən zorla almaqda ittiham olunurdular. İttihamlarda deyilirdi ki, generalın qardaşı “Nazim Əlixanov birbaşa qardaşının tapşırıqlarına uyğun olaraq kəndin əhalisinin dövlət tərəfindən verilən torpaq paylarını zorla əlindən almağa başlayıb. Kənd əhalisindən kimini hədələyərək, kimini şantaj edərək, kimini isə qoçu üsulu ilə döyərək torpaqlarını mənimsəyirlər. Dəfələrlə bu məsələlərlə bağlı rayon rəhbərliyinə müraciətlər olunsa da, icra hakimiyyəti qanunların kənd əhalisinin tərəfində olmasını etiraf etsə də, vəziyyəti dəyişməkdə aciz olduğunu bildiriblər. Kənd əhalisinin imzaladığı müraciətdə Əlixanov qardaşlarının kənd əhalisinin dövlət tərəfindən ayrılımış pay torpaqlarını zəbt etmələri azmış kimi Yerfi kəndindəki orta məktəbin ikimərtəbəli əsas binasını da zəbt ediklərini yazmışdılar. Sakinlər yazmışdılar ki, Quba rayonunun sabiq icra başçısı bütün bu qanunsuzluqlarla bağlı tədbir görmək əvəzinə camaata məsləhət görüb ki, Əlixanov qardaşlarına ilişməsələr yaxşıdır: Hətta o zaman “Əlixanov qardaşları onların ayağına dolaşdığı üçün Yerfi kəndinin icra nümayəndəsi işləyən Akif Məmmədovu işdən çıxartdıraraq, onun yerinə qardaşı Nazim Əlixanovun qızının əri Müşfiq Mikayılovu icra nümayəndəsi qoydurublarmış. Şikayətçilər hələ 2013-cü ildə Əlixanovun həyat yoldaşı Sona Salmanovanın Konstitusiya Məhkəməsinin sədr müavini olduğunu və torpaqların sakinlərdən alınması prosesində onunda böyük rolu olduğunu xüsusi olaraq vurğulayıblar. Ümumiyyətlə Əlixanovlar klanı respublikada heç də digər oliqarx məmurlardan geri qalan “reputasiyada” deyil. Bəlkədə daha gözədəyməz bir təbəqəni əhatə edirlər. Bir neçə gün əvvəl isə Zakir Qaralovun müvafiq əmri ilə generalın oğlu Erkin Əlixanov Beynəlxalq Əlaqələr Idarəsinin rəisi vəzifələrinə təyin edilməsi xəbəri Hüsenağa Əlixanovun ətrafının təsir sferasının güçlü dayağa söykəndiyi qənaətinə gəlmək olar.Onun Ali Məhkəmənin sədri Ramiz Rzayevlə qohumluq əlaqələri, o cümlədən oğlunun DİN –də idarə rəisi və nəhayət Sabunçu rayon prokurorluğuna qədər uzanan vəzifə trayektoriyası xəbər verir ki, Əlixanov Penitenisiar xidmətin rəisi vəzifəsinə tam iddialı görünür. Digər namizəd Nizaməddin Cəlilovun məhz Şəki bölgəsindən olması və amma bütün bunlara baxmayaraq, Penitensiar Xidmətin rəisi vəzifəsinin uzun müddət boş qalacağı da inandırıcı görünür. “Gündəm Xəbər”in əldə etdiyi məlumata görə, sözügendən quruma kimin rəhbər gətiriləcəyi artıq dalana dirənib. Etibarlı mənbələrdən daxil olan bilgilərdə vurğulanır ki, Penitensiar Xidmətdə Mədət Quliyevi əvəzləyəcək şəxs general-mayor Nizaməddin Cəlilov olacağı ehtimalı o qədərdə real görünmür. Mənbənin bildirdiyinə görə, Cəlilovun bu posta təyinat alması elə sabiq rəis Mədət Quliyevin də marağındadır. Məlumatlarda vurğulanır ki, Nizaməddin Cəlilov Azərbaycanda az sayda məmurlardandır ki, qısa müddətdə general rütbəsi ala bilib. Belə ki, hələ 2005-ci ildə kapitan olan və qısa müddətdə mayor rütbəsinə sahiblənən sözügedən şəxs 2013-cü ildə general-mayor rütbəsi alıb. Onun hansı xidmətlərinə görə, bu qədər az zaman kəsiyində general rütbəsi almasının sirri isə kimsəyə məlum deyil. Onun bu vəzifəyə gətirilməsi ehtimalı hüseyn Əlixanovdan daha real görünməsi isə adı ətrafında Hüsenağa Əlixanov kimi daha çox oliqarx kimi hallanmamasıdır. Araşdırmalarımız davam edəcək. “Gündəm Xəbər” qəzeti olaraq yazıda adları çəkilən şəxslərin də mövqeyini dərc etməyə hazırıq.
Cəfər
“Gündəm Xəbər”