Gundemxeber.az » Manşet » Elşad Abdullayevdən qətl anonsu
Elşad Abdullayevdən qətl anonsu
«Gülər Əhmədova ilə Mətanət İsgəndərlini də Sevinc Babayeva kimi öldürə bilərlər»
“Məni Bakıya ifadə vermək üçün dəvət etmək sadəcə oyundur. Mahir Abdullayevin işini ört-basdır etmək üçün bu oyunu qurublar”. Bu sözləri fəaliyyəti dayandırılmış Azərbaycan Beynəlxalq Universitinin rektoru, hazırda Fransada mühacirətdə olan Elşad Abdullayev Baş Prokurorluğun açıqlamasına münasibət bildirərkən deyib. Məlumat üçün deyək ki, Baş Prokurorluq Elşad Abdullayevi ifadə vermək üçün Bakıya dəvət edib.
Heç bir halda Bakıya gəlmək niyyətim yoxdur
Sabiq rektor isə nə qardaşı Mahir Abdullayevin oğurlanması, nə də Gülər Əhmədovanın cinayəti üzrə Bakıya gəlib ifadə vermək niyyətində deyil. Onun sözlərinə görə, Mahir Abdullayevlə bağlı cinayət işini açmaq üçün Baş Prokurorluğa kifayət qədər material verib: “Mahir Abdullayev 10 ildir ki, oğurlanıb. Mən bununla bağlı istintaqa ifadə də vermişəm, Baş Prokurorluğa və digər hüquq-mühafizə orqanlarına əlimdə olan dəlil-sübutları da təqdim etmişəm. Lakin bütün bunlara əhəmiyyət verilmədiyindən mən həmin sübutları ictimailəşdirməyə məcbur olmuşam. Bunu Fransaya mühacirət edəndən sonra etmişəm. Çünki Bakıda qala-qala həmin videoları və digər materialları ictimailəşdirə bilməzdim. Mən hələ Fransadayam bunlar məni təhdid edirlər, indi təsəvvür edin Bakıda olsaydım nələr baş verərdi. Mən bir daha təkrar edirəm ki, heç bir halda Bakıya gəlmək niyyətim yoxdur. Mən bunu oyun, zərərçəkmişə təhdid hesab edirəm”.
Elşad Abdullayev əlavə edib ki, Mahir Abdullayevlə bağlı cinayətin sifarişçiləri hələ azadlıqdadır: “Mahir Abdullayev mütəşəkkil cinayətkar dəstə tərəfindən oğurlanıb. Bu cinayətin arxasında hakimiyyətin yüksək rütbəli məmurları dayanır. Bu sırada Prezident Aparatının müdiri Ramiz Mehdiyevin adını xüsusi qeyd edirəm. Məhz Ramiz Mehdiyev həmin mütəşəkkil cinayətkar dəstəni himayə edir və zərərçəkmişin susdurulması üçün müxtəlif üsullara əl atır. Mahir Abdullayevlə bağlı cinayət işi ABŞ Dövlət Departamentinin hesabatına düşüb. Orada da qeyd edilib ki, cinayətkarların himayədarı, sifarişçisi Ramiz Mehdiyevdir. Dövlət Departamenti dəqiq olmayan bir şeyi hesabatına salmır. Qısası, Mahir Abdullayevlə bağlı cinayət işi əslində açıqdır. Yəni, hər şey göz qabağındadır. Sadəcə hökumət bu məsələni ört-basdır etmək istəyir və bu məqsədlə ictimaiyyəti çaşdırmaqla məşğul olur”.
Mətanət İsgəndərli Mahir Abdullayevin oğurlanmasında rolu olmuş şəxsdir
Gülər Əhmədovanın cinayət işinə gəlincə, Elşad Abdullayev deyib ki, bununla bağlı da hüquq-mühafizə orqanlarına kifayət qədər material təqdim edib: “Videolar yaydım. Dedilər video tam deyil, sonra tam versiyasını yaydım. Həmin videoda bir daha hər şey aydın oldu. Indi məni Bakıya çağırıb nə ifadə almaq istəyirlər ki?! Digər tərəfdən Gülər Əhmədova vasitəçidir. O, Ramiz Mehdiyevin sifarişini yerinə yetirib. Sifarişçi ilə bağlı niyə tədbir görülmür?! Bir məqamı da qeyd edim ki, mən Gülər Əhmədova ilə əslində Mahirin işinə görə tanış olmuşam. Mahirin oğurlanmasından bir gün sonra o mənim yanıma gəlmişdi və dedi qardaşını tapa bilərəm”.
Elşad Abdullayev müğənni Iranə Ilkinin də açıqlamasına da münasibət bildirib. Xatırladaq ki, Iranə Ilkinin müğənni Mətanət Isgəndərlinin Mahir Abdullayevlə sevgili olduğunu bildirib. Özünün də bu məsələlərdə adının hallanmasını Arzu Kazımovla əlaqələndirib. Müğənni deyib ki, Arzu Kazımovla sevgili olub, bir neçə il onunla yaşayıb, hətta iş adamından bir qız övladı var. Sabiq rektor isə Mətanət Isgəndərli ilə Mahir Abdullayevin münasibətlərinin olmasını inkar edib: “Mahiri Mətanətin evindən aparıblar. Mətanət Mahir Abdullayevin oğurlanmasında rolu olmuş şəxsdir. Mahiri aldadıb evinə çağırıb və oradan da onu oğurlayıblar. Əslində Iranə Ilkin bu proseslərdən yaxşı məlumatlıdır. Sadəcə qarşı tərəf güclü olduğu üçün qorxur və ictimaiyyəti çaşdıran açıqlamalar verir. Mən Iranəni bir neçə dəfə Arzu Kazımovla izləmişəm. Bu da Arzu Kazımov və onun daxil olduğu bandanın başqa bir cinayətidir. Sadəcə hələlik bu barədə danışmaq istəmirəm. Yeri gəlmişkən, Iranə Ilkin Arzu Kazımovdan ayrılandan sonra mətbuata açıqlamasında onun adam oğurluğu ilə məşğul olduğunu demişdi.Ümumiyyətlə, həm Iranə Ilkin, həm Mətanət Isgəndərli, həm də Gülər Əhmədova qorxurlar. Həyatları təhlükədədir. Onlar elə bilir ki, danışmasalar yaxşı olacaq. Amma əksinə Güləri də, Mətanəti, Iranəni də Sevinc Babayeva sayağı öldürə bilərlər".
Oxşar yazılar :
-
-
Baş Prokurorluq: Elşad Abdullayevə istintaqa ...
13-05-2013, 16:43
-
“Elşad Abdullayev məhkəmədə ifadə verməyə ...
12-11-2013, 11:48
-
Elşad Abdullayev prokurorluğa yazılı ifadə ...
11-05-2013, 11:30
-
“Mən Sevinc Babayeva deyiləm, söz verirəm, ...
12-11-2013, 14:19
-
Elşad Abdullayev qardaşı ilə bağlı bütün sirləri ...
17-12-2012, 12:52
Sorğu
Hansı nəqliyyat növündən daha çox istifadə edirsiniz?