"Biz Rusiyanın Milli Şura proyektini Azərbaycanın proyektinə çevirdik”

Milli Şurada artıq "Qərbpərəstlərlə” "Rusiyarəst” qüvvələr arasında döyüş öz kulminasiya həddinə çatmaqdadır. Bu iki qüvvə arasındakı kəskin qarşıdurma Milli Şuraya qərbpərəstlərin namizədi olan Cəmil Həsənlinin namizədliyinin təsdiqindən sonra daha da inkişaf etməkdədir. Rusiyapərəst qüvvələrin təmsilçiləri olan ACP, ALP, "El” hərəkatı və müstəqil şəxslər Cəmil Həsənlinin namizədliyinin əleyhinə olsalar da, ACP istisna olmaqla, digərləri bunu açıq büruzə verməsələr də, son günlərdə bu narazılığı açıq dilə gətirməkdədirlər. Elə son iki gündə imzatoplama kampaniyasında yaşanan durum da məhz bununla bağlıdır.
Anspress-in məlumatına görə, dünən Türkiyə səfirliyində "Türkiyənin zəfər bayramı" münasibəti ilə keçrilən rəsmi qəbulda Avropa.info-nun əməkdaşı ilə söhbətləşən Müsavat başqanı İsa Qəmbər "Biz Rusiyanın Milli Şura proyektini, Azərbaycanın proyektinə çevirdik" deyib.
ALP sədri Əvəz Temirxan bildirib ki, sessiyada Cəmil Həsənlinin namizədliyi irəli sürüləndə onlar onun imza toplama kampaniyasına qoşulmayıblar: "AXCP bu məsulıiyəti öz üzərinə götürdü və biz də bu işə o qədər də maraq göstərmədik".
Digər təşkilatlar da AXCP və Müsavatın təşəbbüsü ələ almasına etiraz olaraq, Milli Şuradan uzaqlaşmasalar da imzatopalama kampaniyasına qoşulmayıblar.
Rusiyapərəst qüvvələr ilk vaxtlarda Milli Şuranı tərk etmək istəsələr də, sonda belə bir razılığa gəliblər ki, o zaman müxalifəti parçalayan və dağıdıcı qüvvə kimi onlar ittiham olunacaq və seçkiyə qədər burada qalmağa razılıq veriblər. Onların təmsilçiləri bəyan edirlər ki, onsuz da seçkini uduzmuşuq. Rüstəm İbrahimbəyovun isə onları aldatması onlarda daha pis təsir edib və hələ də onun verdiyi yağlı vədlərin şokunu yaşamaqdadırlar. İndi onlar R.İbrahimbəyovun da qəzəbini C.Həsənlinin üzərinə tökürlər.
Elə Milli Şuranın sessiyasında Cəmil Həsənlinin namizədliyini irəli sürən AXCP və Müsavat vəziyyəti başa düşdülklərindən və imzatoplama kampaniyasında hər hansı uğursuzluq və bu işin pozulmaması üçün məsuliyyəti öz üzərlərinə götürüblər. Qurumun digər üzvlərinə bildiriblər ki, bu işi onlar yerinə yetirəcəklər və bunda heç bir problem yoxdur.
KXCP ilə yaranmış duruma gəldikdə, Milli Şuranın namizədi Cəmil Həsənli, dünən "Türkiyənin zəfər bayramı" münasibəti ilə keçirilən rəsmi tədbirdə jurnalistlərə bu yanaşma tərzinin düzgün olmadığını və anlaşılmazığı yaranmasında Seçki Qərargahını ittiham edib.
Bildirib ki, heç olmasa bu münasibət digərlərindən fərqli olaraq KXCP-yə qarşı sərgilənməməli idi. Amma Seçki Qərargahının nümayəndələri bildirirlər ki, KXCP-nin təşkilati məsələlər üzrə məsul şəxsi Xəzər Teyyuba müraciət edilsə də, o bu məsələnin patiyada müzakirə olunduqdan sonra qərarın veriləcəyini deyib. Bundan sonra C.Həsənlinin Seşki Qərargahı ilə KXCP arasında anlaşılmazlıq yaranıb və bu da sonda ciddi narazılığıa gətirib çıxarıb.