Türkiyə mediası dünyaca məşhur cazibədar Türk sənətçilərin siyahısını hazırlayıb

Kimisi dünya ulduzudur, kimisi Hollivudun məşhur seriallarında kiçik rollar alır, amma hamısının bir ortaq nöqtəsi var - türk, müsəlman olmaqları.
Türkiyə mediası dünyaca məşhur cazibədar Türk sənətçilərin siyahısını hazırlayıb.

Li Mişel - ABŞ vətəndaşıdır, lakin ata tərəfindən türkdür, anası isə italyan. Nyu Yorkda doğulub böyüyən Mişel son günlərdə ilk albomu ilə yenidən gündəmdədir.

Aylin Bayramoğlu - Dünyanın ən məşhur musiqi musabiqələrindən birinə qatılıb. Adelin “Rolling In The Deep” adlı mahnısını ifa edib və o andan etibarən həftə boyunca ABŞ Aylinin performansdan danışıb. Aylin şouya qatılmaq üçün Los-Ancelesə köçüb, müsəlman olduğu üçün yarışmanın əvvəlindən tamaşaçıların diqqətini çəkməyi bacarıb.

Umut Erdem - indi Matt Erdems adı ilə tanınır. Los-Ancelesə köçəndən sonra adını dəyişib. Bu günə qədər “Taken və Girls Club” kimi filmlərdə kiçik rollar alan gənc oyunçu “Fateh-1453-cü ildə” də rol aldı.

Ayşə Tezel - 33 yaşlı aktrisa Yeni Zelandiyada doğuldu, amma türkdür. Xüsusilə Yeni Zelandiyada çox məşhur olan gənc ulduz, London və Los-Ancelesdə da kiçik rollarda kamera qarşısına keçib.

Aktyor və prodüser olan Rüya Komanın 30 yaşı var və ABŞ-da yaşayır. Bir çox qısa filmin prodüserliyi ilə yanaşı, “Bored to Death” adlı məşhur televiziya serialında da iştirak edib.

Aişə Türkiyədə doğulub, böyüyüb. Ancaq xəyallarını reallaşdırmaq üçün 1997-ci ildə ABŞ-a köçüb. Aişə Əldə hər zaman “müsəlman qadın” rollarını canlandırır. Bu günə qədər “Sex & The City” və “Zero- Hour” kimi filmlərdə yer alıb.