Aşıq Telli Borçalı özündən 17 yaş kiçik müğənni Ariz Hüseynovla sevgili olması xəbərlərinə münasibət bildirib.

Axşam.az-ın məlumatına görə, ifaçı "10-dan sonra" verilişində belə bir hadisənin olmadığını deyib. O, xəbəri yayan jurnalistə ismarış göndərib:

"Yalan olar, amma bu qədər də ola bilməz. Belə insanlar var ki, öz reytinqini qaldırmaq üçün bu cür şər yazırlar. Hazırda Bakıda deyiləm. Oraya qayıdanda onu yazanla necə lazımdır görüşəcəm. Mənimlə danışmadan, görüşmədən belə xəbər necə vermək olar? Ölü arxasınca danışırsan? Kimsə bunu sifarişlə yazdırıb.

Birinə salam verməyə, çay içməyə, yemək yeməyə peşman olursan. Deyirlər, sevgilidilər. Məni gündə birinə ərə verirlər. Bu orucluğa and olsun ki, belə şey ola bilməz".