Nobelin adına Stokholmda keçirilən konfransda pulların sağa-sola səpələnməsi isveçliləri şoka saldı
İsveçlə Azərbaycan arasında böyük qalmaqal yaşanır. Virtualaz.org sayt xəbər verir ki, qalmaqala səbəb məşhur isveçli neft maqnatı, Bakıda sənaye üsulu ilə neft hasilatının əsasını qoyan Nobel qardaşlarının adından sui-istifadə edilməsidir.

Bəs Bakı Nobel İrsi Fondunun rəhbəri Toğrul Bağırov kimdir?

Araşdırmalar zamanı məlum olur ki, söhbət kifayət qədər tanınmış, eyni zamanda kifayət qədər geniş əlaqələrə malik qaranlıq şəxsiyyətdən gedir. T.Bağırov 1954-cü ildə Bakıda anadan olub. 1976-cı ildə SSRİ XİN-in nəzdində Moskva Dövlət Beynəlxalq Münasibətlər İnstitutunu bitirib. 1990-cı ilə qədər SSRİ XİN-də, SSRİ-nin ABŞ-dakı səfirliyində, BMT-nin Cenevrə nümayəndəliyində işləyib. Daha sonra intellektual biznes sahəsinə keçib, beynəlxalq konsaltinq şirkətinə başçılıq edib.




Konfrans bu il sentyabrın 13-14-də keçirilib. Radio xəbər verir ki, konfransın isveçli iştirakçıları oradakı dəbdəbədən heyrətə gəliblər. Azərbaycan tərəfi ikigünlük konfrans üçün Stokholmun məşhur “Berns” restoranının böyük zalını kirayə götürüb. Banket üçün isə “Grand Hotel”in ən bahalı və ən dəbdəbəli restoranı seçilib.

Radio xəbər verir ki, qənaətcil isveçlilər bu cür miqyasda dəbdəbəyə alışmadıqlarından şoka düşüblər. Üstəlik konfrans iştirakçılarına “heç nəyə görə” pul paylanması onlara daha da qəribə gəlib.

Digər tərəfdən, konfransın adı “elmi-innovativ” olsa da orada elmi konfranslara cəmi 10 dəqiqə vaxt ayırıblar. Suallara və fikir mübadiləsinə isə ümumiyyətlə vaxt ayrılmayıb. Əvəzində siyasətçilərə daha çox yer verilib. Finlandiyanın keçmiş prezidenti Tarya Halonendən tutmuş Bakı Nobel İrsi Fondunun sədri Toğrul Bağırova, səfir ranqında diplomatlara qədər hamı siyasətdən danışıb.



“Radio Sweden” xəbər verir ki, Nobel qardaşlarının irsini öyrənən İsveç Sənaye Tarixi Mərkəzi Bakı Nobel İrsi Fondu ilə əməkdaşlığı kəsib. Buna səbəb Bakı Nobel İrsi Fondunun ARDNŞ-in dəstəyi ilə Stokholmda təşkil etdiyi II Nobel elmi-innovativ konfransı zamanı pulların sağa-sola səpələnməsidir.

Konfrans bu il sentyabrın 13-14-də keçirilib. Radio xəbər verir ki, konfransın isveçli iştirakçıları oradakı dəbdəbədən heyrətə gəliblər. Azərbaycan tərəfi ikigünlük konfrans üçün Stokholmun məşhur “Berns” restoranının böyük zalını kirayə götürüb. Banket üçün isə “Grand Hotel”in ən bahalı və ən dəbdəbəli restoranı seçilib.

Radio xəbər verir ki, qənaətcil isveçlilər bu cür miqyasda dəbdəbəyə alışmadıqlarından şoka düşüblər. Üstəlik, konfrans iştirakçılarına “heç nəyə görə” pul paylanması onlara daha da qəribə gəlib.

Digər tərəfdən, konfransın adı “elmi-innovativ” olsa da orada elmi konfranslara cəmi 10 dəqiqə vaxt ayırıblar. Suallara və fikir mübadiləsinə isə ümumiyyətlə vaxt ayrılmayıb. Əvəzində siyasətçilərə daha çox yer verilib. Finlandiyanın keçmiş prezidenti Tarya Halonendən tutmuş Bakı Nobel İrsi Fondunun sədri Toğrul Bağırova, səfir ranqında diplomatlara qədər hamı siyasətdən danışıb.

“Radio Sweden” qeyd edir ki, Toğrul Bağırov hazırda “Neft müharibələri” və ya “Böyük oyun” adı altında 100 milyon dollarlıq büdcəyə malik Hollivud filminin çəkilişi layihəsi üzərində işləyir. Filmdə Rokfellerlər, Rotşildlər, Nobellər haqda bəhs olunmalıdır.
“Konfransın elmi mahiyyət daşıyacağı elan olunmuşdu, lakin orada həddən artıq siyasətçilər yer alırdı. Ona görə də İsveçin Sənaye Tarixi Mərkəzi bundan sonra Bakı Nobel İrsi Fondu ilə belə formada əməkdaşlıq etməməyi qərara alıb. Lakin Azərbaycanın arxiv təsisatları ilə əməkdaşlıq davam edəcək” - deyə elmi komitənin üzvü Helen Karlbekon bildirib.

İsveçin Sənaye Tarixi Mərkəzinin icraçı direktoru, Nobel qardaşlarının irsini öyrənən “Branobel” layihəsinin rəhbəri Aleksandr Hyusebyu xatırladıb ki, azərbaycanlıların Stokholmda təşkil etdikləri konfrans ikinci idi. İlk konfrans ötən il Bakıda olub. A.Hyusebyu bildirib ki, artıq həmin konfransda Azərbaycan tərəfinin Nobel familiyasından öz məqsədləri üçün istifadə etməyə can atdığı aydın idi.

“Onlar Stokholmdakı konfransdan və ümumiyyətlə, bütün Nobel tarixindən özlərini göstərmək üçün istifadə etmək istəyirlər. Yəqin buna görə Azərbaycan tərəfi tələsib. İkinci konfransı Bakıda keçirilmiş ilk konfransdan cəmi bir il sonraya təyin edib, hansı ki, biz bunu iki il sonra gözləyirdik” - deyə A.Hyusebyu bildirib.

A.Hyusebyunun sözlərinə görə, əlbəttə ki, Nobel qardaşlarının tarixçəsi innovasiya tarixidir və bu, geosiyasi baxımdan əhəmiyyətlidir: “Lakin bizim maraqlarımız tarixlə, tədqiqat işləri ilə bağlıdır”.

Xəbərlərdə bildirilir ki, İsveç Sənaye Tarixi Mərkəzi Azərbaycan tərəfinin pulları sağa-sola səpib Nobel qardaşlarının adından özlərini reklam etməyə can atmasından sonra konfransda iştirakdan imtina edib və onun Təşkilat Şurasından çıxıb. Həmçinin konfransın Təşkilat Şurasını Nobel qardaşlarının birbaşa varisi, Nobellər Ailəsi Assosiasiyanın sədri, professor Tumas Tyuden də zalı tərk edib.

Bakı Nobel İrsi Fondu 2004-cü ildə yaradılıb və fond vaxtilə Nobel qardaşlarına məxsus olan villada yerləşir. Bu ev təmir olunduqdan sonra “Villa Petroleo” kimi məşhurlaşıb. ARDNŞ, Azərbaycanda işləyən xarici neft şirkətləri tez-tez bu binada tədbirlər təşkil edir.
Bakıda Nobel qardaşlarının adına ilk elmi konfrans ötən il “Villa Petroleo”da keçirilib. Onun təşkilatçıları Bakı Nobel İrsi Fondu, ARDNŞ və Azərbaycan-Skandinaviya Əməkdaşlıq Fondu olub.

1994-cü ildə Rusiyanın yanacaq və energetika nazirinin xüsusi müşaviri, “Qazprom”, “LUKoil”, “Transneft”, “Tatneft”in və digər enerji şirkətlərinin məsləhətçisi işləyib. T.Bağırov 90-cı illərin ortalarında “Əsrin müqaviləsi” razılaşdırılanda Rusiyanın enerji maraqlarının təminatı üçün vasitəçilik edən əsas fiqurlardan biri olub. “LUKoil”un bu müqavilədən 10 faiz pay alması və Rusiyanın Azərbaycan neftinin Bakı-Tiflis-Ceyhan marşrutu ilə nəqlinə razılıq verməsi onun xidmətləri hesab olunur. Onun hazırda Rusiya ilə güclü əlaqələri var. Moskva Beynəlxalq Neft-Qaz Klubunun icraçı vitse-prezidentidir. Deyilənə görə, T.Bağırov olduqca güclü əlaqələrə və siyasi təsir imkanlarına malikdir. Belə söhbətlər var ki, o, bildiyinin cüzi hissəsini açıqlasa, hər şey alt-üst olar.