Afət Fərmanqızını Flora Kərimova məhkəməyə verib (VİDEO/YENİLƏNİB)

Gundemxeber.az » Maqazin » Afət Fərmanqızını Flora Kərimova məhkəməyə verib (VİDEO/YENİLƏNİB)

Afət Fərmanqızını Flora Kərimova məhkəməyə verib (VİDEO/YENİLƏNİB)

Tarix: 10-03-2022, 15:04 Bölmə :Maqazin Baxış: 750

Müğənni Afət Fərmanqızı barəsində xüsusi ittiham qaydasında şikayət xalq artisti Flora Kərimova tərəfindən verilib.

Bu barədə APA-ya açıqlamasında Flora Kərimova bildirib.

Xalq artistinin sözlərinə görə, Afət Fərmanqızı onun müalicəsi barədə qeyri-etik ifadələr işlədib: "Mən xalq artistiyəm, sənətkaram. Afət Fərmanqızı mənim şərəf və ləyaqətimi təhqir edib. Həmçinin, ailə üzvlərim barəsində etik olmayan ifadələr işlədib. Ümid edirəm ki, məhkəmə mənim nüfuzumu və təhqir olunmağımı əsaslı hesab edəcək, ədalətli qərar verəcək".

08.56

Müğənni Afət Həsənova (Fərmanqızı) barəsində xüsusi ittiham qaydasında şikayət olunub.

Gundemxeber.az APA-ya istinadən xəbər verir ki, Binəqədi Rayon Məhkəməsinə daxil olan şikayətdə müğənninin Cinayət Məcəlləsinin 147-ci (böhtan) maddəsi ilə ittiham olunması tələb edilir.

Şikayəti hakim Mahirə Kərimova araşdıracaq.

Qeyd edək ki, Afət Fərmanqızı kimi tanınan müğənni Ukraynada tutularaq Azərbaycana gətirilən iş adamı Maqsud Mahmudovun cinayət işi üzrə zərərçəkmiş qismində tanınıb.

Müğənni ötən həftə məhkəmədə ifadə verib.

Gundemxeber.az