Bakı şəhərində son dövrlər əxlaqsızlıq yuvalarının sayı durmadan artmaqdadır. Həmin istiqamətdə sahibkarlıq fəaliyyəti ilə məşğul olan şəxslərə qarşı isə çox nadir hallarda hüquqi müstəvidə ölçü götürülür.


Ancaq bir sahibkar kimi yox, Azərbaycan Respublikası Cinayət Məcəlləsinin tələbinə müvafiq olaraq sadəcə əxlaqsızlıq yuvalarının saxlanılması ilə bağlı uyğun maddələrlə ittiham olunurlar. Ancaq məsələyə başqa prizmadan yanaşanda görünür ki, paytaxtda fəaliyyət göstərən belə obyektlərin, konktret olaraq “əxlaqsız-massaj” salonları, saunalar, motel və otel adı altında əxlaqsızlıq yuvaları kimi işlədilən və bundan yüksək məbləğdə gəlir götürməklə, bunun müqabilində isə tək insan alverinə qarşı beynəlxalq konvensiyaların tələbləri deyil, həm də vergi məcəlləsinin, Azərbaycan Respublikası İXM-nində nəzərdə tutulmuş qaydada qanunvericiliyin tələbləri kobud şəkildə pozulur.

Məsələn, həmin sahibkarlıq fəaliyyəti ilə məşğul olan obyektlərin onlarla işçisi heç bir əmək müqaviləsi olmadan istismar edilir, bununla yanaşı müştəriyə təklif edilən qida məhsullarının keyfiyyətini təsdiqləyən sertifkatlar mövcud olmur, qiymətlər isə normal satış həddindən bir neçə dəfə artıq, şişirdilmiş məbləşdə tələb olunmaqla istehlakçı haqqında qanun da pozulur. Anti sanitariya qaydalarına demək olar heç əhəmiyyət də verilmir. Aidiyyatı qurumlar isə, nədənsə bu kimi kiçik görünməyinə baxmayaraq, ağır nəticələrə səbəb ola biləcək belə neqativ hallara ya bilərəkdən göz yumur, ya da burada bizim üçün müəmmalı qalan başqa bir məqamlar vardır. Ancaq əslində səbəbin nə olmasından asılı olmayaraq nəticədə qanunvericiliyin tələbləri pozulur, həm vətəndaşlar açıq şəkildə aldadılır, həm də insanların sağlamlığı ciddi şəkildə sual altında qalır.

Belə obyektlərdən biri də Bakı şəhəri, Binəqədi rayonu, Rəsulzadə qəsəbəsində Binəqədi RPİ-nin DYP şöbəsinin yaxınlığında fəaliyyət göstərən, hər kəsin “İstanbul” kimi tanıdığı “otel”dir. Açıq şəkildə yuxarıda qeyd etdiyimiz qeyri-qanuni əməllərin əksəriyyəti həmin obyektdə mövcud olsa da həm rayonun hüquq-mühafizə orqanları, həm də digər əlaqədar təşkilatları biganə yanaşmaqdadırlar.

Səbəbini öyrənmək üçün həmin qurumlarla və eyni zamanda barəsində bəhs olunan obyektlə telefon əlaqəsi yaratmağa çalışsaq da cəhdlərimiz boşa çıxdı.

Mövzuya yenə də qayıdaraq, aidiyyatı təşkilatların bu məsələ ilə bağlı fəaliyyətsizliklərinin səbəbinə aydınlıq gətirməyə çalışacağıq.