gundemxeber.az Rusiyanın “Soverşenno sekretno” mətbuat orqanına istinadən xəbər verir ki, Rusiya ilə Qərb arasında davam edən qarşıdurma xüsusi xidmət orqanlarını “yatan” agent-oliqarxlar məsələsini aktivləşdirə bilər. Bunlardan biridə azərbaycanlı, İsrail vətəndaşı Telman İsmayılovdur. Qəzetin yazdığına görə, guya Qərbin xüsusi xidmət orqanları Telman İsmayılovu və digər oliqarx iş adamlarını Vladimir Putini və onun hakimiyyətini devirmək üçün gizli agent kimi öz tərəflərinə çəkiblər.
Mətbuat orqanının yazdığıan görə, Qərbin xüsusi xidmət orqanlarını “yatmış gizli agetin” axtarışına çıxıb oliqarxlar arasında namizədlər seçərkən soyuq düşüncə ilə dəqiq hesablama aparıblar. “Belə ki, hər bir namizəd seçilərkən onun Rusiyanın hakimiyyətindəki əlaqələri və hakimiyyət daxilində gedən proseslərə təsir imkanları öyrənilib. Qərbin xüsusi xidmət orqanları belə oliqarx namizədləri seçərkən onları inandırmağa çox vaxt lazım gəlməyib. Çünki bu oliqarx iş adamlarının Rusiyanın indiki hakimiyyətinə qarşı mübarizəyə “dişlərini qıcamış” vəziyyətdə olduğu məlum olub.”

Qəzet Rusiyanın əks kəşfiyyat orqanlarını, onların nəyə və hara baxmaqda ittiham edir və onları gizli agent biznesmenlərin üzərinə tuş edir: “Niyə bu biznesmen-təxribatçılar Rusiyanın hesabına qazandıqları gəliri başqa yerə xərcləyir və banklardan götürdükləri böyük həcmli kreditlərini geri qaytarmırlar. Bəz əks-kəşfiyyat hara baxır.”
Qeyd edək ki, T. İsmayılovla V. Putinin arası iş adamının Türkiyədə 1,4 mlrd. dollara tikdirdiyi yeddiulduzlu Mardan Palace oteli olub. Hansı ki, 2009-cu ildə bu otelin açılışında Rusiya və Hollivud ulduzları iştirak edib. Rusiyanın 2008-ci il defoltundan sonra T. İsmayılovun bu hərəkəti Kreml rəhbərlərinin xoşuna gəlməyib və bundan sonra onların gözündən düşməyə başlayıb. Ona qarşı təqiblər başlanıb.
Nəticədə T. İsmayılovla münasibətinə görə Moskva meri Yuriy Lujkov vəzifəsini itriməli olub. Onun Moskavada əsas gəlir mənbəyi olan Çerkizov bazarından məhru edilib. O həmçinin Moskvada tikdirdiyi oteldən və Arbatdakı məhşur “Praqa” restoranı ilə vidalaşmalı olub.

Qeyd edək ki, T. Ismayılovla yanaşı çeçen Musa Bajayev və özbək əsilli iş adamı Patoxa Şodiyevin də adı V. Putin hakimiyyətinin devirməkdə hallanır.