Canlılar və həyat mövzuları - tövhidin ən mühüm dəlillərindən biridir. Bu fövrəladə varlıqların mürəkkəb quruluşu bütün alimləri heyrətə salır və elmdə nə qədər tərəqqi edirlərsə-etsinlər, onların sirlərini kəşf edə bilmirlər. İndiyə qədər heç kəs bilmir ki, yaradılışın ilk günlərində hansı amilin nəticəsində cansız varlıqlar necə canlı hüceyrələrə çevrilmişdir. İndiyə qədər heç kəs bilmir ki, bu qədər bitkilərin toxumu necə yaranmışdır. Torpaq ona düşən bu toxumu necə inkişaf etdirir və necə ölü torpaq birdən canlana bilir.

gundemxeber.az deyerler.org-a istinadən bildirir ki, bütün bu amillər onu göstərir ki, yer üzünə əzəmətli bir varlıq hakimdir ki, hər yerdə öz nişanəsini buraxmışdır.
Bitkilərin bir hissəsi insanın qidasını təşkil edir, ancaq bəzisi qidalanmaq üçün münasib deyildir.
Quran buyurur: "Və orada xurma və üzüm bağları vücuda gətirdik və müxtəlif bulaqlar qaynatdıq(coşdurduq)". ("Yasin" 34).
Alimlərin tədqiqatları göstərir ki, bu iki bitki tərkibində zəngin vitaminlərə malik olub, insan bədəni üçün çox faydalıdır. Bu iki meyvəni il boyu həm təzə və həm də qurudulmuş halda yemək olar. Bu ayədə qaynayan bulaqlardan söhbət açılmışdır, çünki heç bir bağı və tarlanı su olmadan təsəvvür etmək olmaz. Su özü də Allahın bizə inayət etdiyi ən böyük nemətlərdəndir.
Allah Təala sonrakı ayədə buyurur: "Onun meyvələrindən və öz əlləri ilə becərdiklərindən yesinlər (və ya bilsinlər ki, ağacların bitməsi və bar verməsi onların işi deyildir). Belə isə şükür etməzlər?!". ("Yasin" 35).
Bəli, bu meyvələr ağac budaqlarında yetişmiş halda zahir olar və onu bişirmədən yemək olar. Bu nemətlərin hamısı Allahın insanlara verdiyi lütfdür. Bu qida məhsulunu Allah elə təqdim edir ki, onu uzun müddət yemək olar. Bu meyvələr insanların öz əli ilə əkilir və öz əlləri ilə yığılır. Ancaq belə olan halda insan bu məhsulun qədrini bilə bilər.
Bütün bu ayələrin tək məqsədi vardır, o da budur ki, insan Allahın yaratdığı nemətlərə diqqət etsin və Ona şükür etsin. Çünki əgər şükür əhli olarsa, mərifət mərhələsinə qədəm basa biləcəkdir. Şükür, mərifətin ilk addımıdır.