"Google" internet alış-verişində rəqabət qaydalarını pozduğu üçün Avropa Komissiyası tərəfindən cəzalandırılıb.

Dünyanın ən böyük axtarış sistemi olan "Google" 2.42 milyard avro cərimə olunub.

Buna səbəb axtarış sisteminin haqsız rəqabətə yol verməsidir. Belə ki, AK apardığı araşdırma nəticəsində bu qənaətə gəlib ki, “Google”da müxtəlif əmtəə və xidmətlərlə bağlı axtarış verən zaman ilk növbədə korporasiyanın tərəfdaş olduğu şirkətlərin məhsulları çıxır, alış-verişlə bağlı olan axtarışları manipulyasiya edərək kiçik rəqiblərini sıradan çıxardır.