Qoç - yaşam sahələrinizdən birində ciddi irəliləyişə nail olmağa çalışın. İrəliyə doğru hərəkətə mane olan nə varsa - qurtulun.

Sakit yaşam üçün dərindən nəfəs alın və işlərə davam edin. İfrat dərəcədə neqativ emosiyalar yalnız maneçilik yaradır. Təmkinli olun, dözümsüz və hövsələsiz davranmayın. Rəqiblərlə münasibətlər gərginləşdiyindən soyuqqanlı davranın, səhvlərə yol verməyin.

Sözlər işlərlə uyğunlaşmalıdır. Alternativ variantları nəzərdən keçirin. Şərtlər və şəraitin dəyişməsinə operativ reaksiya verin.

Qarşıda sizi mühüm günlər gözləyir. Axşam saatlarında xoş sürpriz olacaq.

Buğa - sizin üçün önəmli, çoxdan bəri yaranmış münasibətlərin bəzilərinə yenidən baxmaq gərəkdir. Qəribə ehtimallar özlərini doğruldur. Tərəf-müqabilin və ya iş yoldaşınızın ciddi müzakirə istəyini yerinə yetirin. Bu minvalla münasibətlərinizə aydınlıq gələ bilər.

Daxili etirazınıza konstruktiv çıxış formatı verin, hadisələrin arzuolunan istiqamətini müəyyənləşdirin.

Bunun üçün bəlli məsələdə güzəştə getmək gərəkdir. İrəliyə doğru hərəkət problemlərin dəf olunması ilə bağlıdır. Hazırda formalaşmağa başlayan məqsəd iyunda reallaşa bilər.
Romantik həyat fərqli yanaşma və müxtəliflik tələb edir.

Şəxsi münasibətlər müstəvisində sədlər var.
Ciddi işlər diqqət tələb edir.

Əkizlər - cari situasiyalarda təşəbbüskar siz olun. İşdə rəhbərliyin göstəriş verməsini gözləməyin, əlverişli şansı əldən verməyin.

Oyun qaydalarına riayət edin, öhdəlikləri yerinə yetirin. Hansısa vəd veribsinizsə, sözünüzün üstündə durun.

Bağlantılarınız və əlaqələriniz sınağa çəkilə bilər. Sevdiyiniz insan, uşaqlar, valideynlərinizin qayğısına qalır. Birgə çalışdığınız və ya ümumi maraqlarınızın olduğu insanlarla ünsiyyətdə həssas olun. Gərginlik fon rejimindədir.

Bu səbəbdən də önəm verdiyiniz insanların qəlbini qırmayın, onları incitməyin. Dəyərlər böhranı ilə bağlı yaşantılar sürətlənən hadisələrin dinamikasının tərkib hissəsidir.

Xərçəng - borcu qaytarmaq, hisslərdə və emosiyalarda təmizlik işləri aparmaq, böyük yükdən qurtulmaq üçün yaxşı gündür. Gərəkli məhdudiyyətlərdə fayda var. İzafiliyə varmayın, bədxərclik etməyin, hövsələsiz davranmayın.

Yaşamınızdakı bəzi mübhəmlər indi sizi narahat edir. Onlardan yaxa qurtarmaq asan deyil.
Sizi sevən insanları aldatmayın: günah ağır olacaq.

Müqavilələr, anlaşmalar, həllər baxımından məhsuldar gündür. Ziddiyyətli maraqların toqquşması münaqişə yaradacaq. Problemlərin kökü bugünkü situasiyanın aşkarladığı səviyyədən də dərindir.

Cari işlərdə faydasız, effekti olmayan təmaslardan qurtulun. İndi dəqiq və sürətli qərarlar qəbul etmək, yaşananları nəzarətdə saxlamaq lazımdır.

Şir - görüş və ünsiyyətdə hövsələsiz, tələskən olmayın. Hər şeyi dərhal, ani həll etməyə can atmayın. Yekun qərar sizdən qətiyyət tələb edir.

Sonradan peşmançılıq hissləri yaşamamaq üçün neytral mövzuya vaxtında keçin, situasiyanı nəzarətdə saxlayın. Sizə mane olan, hərəkətinizi ağırlaşdıran məqamlardan və ünsürlərdən qurtulmaq üçün yaxşı vaxtdır.

Yaşamınızı sirrlər və intriqalarla çətinləşdirməyin.
Manipulyasiyalar, təzyiqlər və əmrlər mühüm məsələdə səhv etməyinizlə sonuclana bilər.

Kiçik "ev savaşları"ndan imtina etsəniz, sizi daha çox sevəcəklər.
Sevdiyiniz insanın qədrini bilin.

Qız - yanınızda sizi anlayacaq, problemlərinizi bölüşə biləcək, yaşamınızda baş verən hadisələrin bir qisminə görə məsuliyyəti paylaşacaq insan olarsa, yaxşıdır.

Yaxınlarınızla münasibətlərə dəyər verin. İntriqalara qatılmayın, avantüralarda iştirak etməyin. Maliyyənizi kontrolda saxlayın, bədxərclik və yersiz "xeyriyyəçilik"lə məşğul olmayın.

Aktivlik və təşəbbüskarlıq gözləntilərinizdən də yaxşı nəticə verə bilər. Gərginliyin yaranmağa başladığı müstəvidəki problemi həll edin. Bunun müqabilində heç nə istəməyin, araşdırma və təhlillər aparmayın.

Sükan arxasında, nəqliyyatda ehtiyatlı olun. Energetik baxımdan təhlükəli məkanlara getməyin. Hadisələrin simvolik mənalarına varın.

Vəziyyət pisləşərsə, harada səhv etdiyinizi anlamağa çalışın.

Tərəzi - səhər saatlarından etibarən aktiv olun. Yeni maraqlar, münasibətlərdə dəyişikliklər istisna deyil.

Hansısa şəxs barədə düşüncə və dəyərləndirmələriniz yanlış ola bilər. Daha praqmat olun, real nəticələrə can atın. İstənilən vəziyyətdə intuisiyanıza güvənin.

Sərinləşmiş münasibətlərin, kəsilmiş əlaqələrin bərpası və romantik təmasların inkişafı üçün əlverişli vaxtdır.

Emosiyaların məntiqi, hisslərin praqmatizmi üstələməsinə imkan verməyin. Əks halda, gerçəkdən də, mühüm məsələlərdən və problemlərdən fikriniz yayına bilər. Bəzi məsələlərdə güzəştə getmək, geri çəkilmək, imtina etmək ehtiyacı yaranır.

Gərəksiz hisslər, əşyalar və insanlardan qurtulun.

Axşam saatlarında istirahət edin.

Əqrəb - seçdiyiniz yolla, bəlirlədiyiniz istiqamətlə irəliləyin. Maneə yaratmaq istəyənlərin tələsinə düşməyin. İnamlı fəaliyyət məqsədlərinizin bir qisminin reallaşmasına səbəb olacaq.

Köhnəlmiş və gərəksiz hisslərdən qurtulmağa çalışanda hisslərdə dönüş yarana bilər. Münasibətlərdə yeni məna formalaşır. Sizi çoxdan bəri narahat edən problemi çözməyə çalışın.
Təmkinli davranın, tələskən və hövsələsiz olmayın.

Melanxoliya, laqeydlik, narahatlıq işlərə mane olacaq. Önəmli mövzunu araşdırıb aydınlıq hasil etməyə can atın.

Günün ikinci yarısında hansısa işdə uğursuzluğa düçar olsanız, müşkülün həllinin yeni variantını arayın.
Axşam saatlarında aktiv istirahət edin.

Oxatan - tərəfdaşlıq, əməkdaşlıq münasibətlərinə yenidən baxmaq gərəkdir. Öhdəlik və vədləri təftiş edin.

Müəyyənlik, konkretlik, açıqlığa istək var. Bir məsələni başqa işə qurban verməyin. Əməkdaşlıq, habelə yeni və novator layihələrin müzakirəsi üçün əlverişli gündür.

Daxili gərginliyin nəticəsində düşünülməmiş addımlar atmayın.
Qəfil görüş, etiraf mümkündür. Dəyişiklik və yeniliklərə ehtiyac varsa, münasibətlərin bəzisi, ümumiyyətlə, kəsilə bilər.

Oğlaq - emosiyalarınız dəyişəcək. Əks cins mənsubları ilə ünsiyyətlərdə ehtiyatlı olun. Mövqeyini yeganə və son həqiqət sayan adamla təmaslara varmayın. İşdə çox mübahisə etməyin.

İnformasiya arayın, çətin məsələləri həll edin, bədxahlarınıza intellektual zərbə vurun. Tərəfdaşların fəallığından bəhrələnin. Maddi durumunuz birgə işin nəticələrindən əhəmiyyətli dərəcədə asılıdır.

Fiziki işlər üçün yaxşı vaxtdır. Məqsədə sürətlə çatmağa çalışın. Yaxın ətrafınızdakı insanlardan dəstək alın, onlardan yardım istəyin.

Çətin məsələnin həllində ailə dadınıza çata bilər. Təşəxxüslü olmayın..

Dolça - kritik dönəmdir. Qəfil informasiyanın alınması, mühüm məlumat gətirən insanla qarşılaşma mümkündür. Yaşananlara ciddi yanaşın, laqeydlik nümayiş etdirməyin.

İndi daha optimal istiqamətə yön dəyişmək zamanıdır. Seçimin çoxluğu və ya prioritetləri müəyyənləşdirməyin asan olmaması çətinlik yarada bilər. Səbr kasanızı dolduracaq son damlaya çevriləcək hadisə baş verəcək. Tərəddüdləriniz qətiyyətli qərarla əvəzlənəcək.

Lakin əvvəlki mövqelərə qayıdış imkanını məhv etməyin, körpüləri yandırmayın.
Bir işi başqası ilə əvəzləməyin, variantların kombinasiyasına əl atın.

Balıqlar - seçdiyiniz yolun dürüst olub-olmadığını bu gün dəqiq anlayacaqsınız. Perspektivləriniz üçün önəm kəsb edən işlərdə aktiv iştirak edin.

Əks təqdirdə bəzi işlərə iradənizin əksinə olaraq cəlb olunacaqsınız. Yeni qərarlarınızı açıqlamayın. Tələb, iddia və ehtimallarınızın bəziləri doğrulacaq. Köhnə, yarımçıq qalmış iş başa vurulacaq.

Qarşılıqlı maraqlarınız olan insanlarla ünsiyyətdə mümkün qədər səmimi olun. Günün ikinci yarısında gərginlik və problemlərdən qurtula bilməyəcəksiniz. Amma situasiyanın belə ağırlaşması maraqlarınızın xeyrinədir.

Şəxsi münasibətlər müstəvisində yazışma bilavasitə ünsiyyətdən daha xeyirli ola bilər.