Azərbaycanda demoqrafik vəziyyət açıqlanıb.

Dövlət Statistika Komitəsindən (DSK) "Report"a verilən məlumata görə, ölkə əhalisinin sayı ilin əvvəlindən 73360 nəfər və ya 0,7 faiz artaraq noyabrın 1-i vəziyyətinə 9883341 nəfərə çatıb.

Əhalinin 53,0 faizi şəhər, 47,0 faizi kənd sakinləridir, 49,9 faizini kişilər, 50,1 faizini isə qadınlar təşkil edir. Əhalinin bir kvadrat kilometrə düşən sıxlığı 114 nəfər olub. Hazırda hər 1000 kişiyə 1006 qadın düşür.