Həftədə 1 milyondan çox bilet buraxılsa da, uduşlar bundan qat-qat azdır, niyə?

gundemxeber.az Birdən-birə varlanmaq həvəsi insanda həmişə olub və bu baxımdan lotereya bileti hər bir kəs üçün «sim-sim» sirrinin daşıyıcısı olub. Dünya ölkələrində keçirlən lotereya oyunlarında ağlasığmaz məbləğlər udulur. Bizdə uduş məbləği böyük rəqəmlərlə ölçülməsə də hər halda lotereya həvəskarları az deyil...
Azərbaycanda müxtəlif adlarda lotereya oyunları keçirilir. Həftənin bəlli günləri varlanmaq arzusuyla lotereya bileti alan yüzlərlə, minlərlə insan, aldıqları biletləri əllərinə alıb, televiziya qarşısında əyləşirlər. Bilet alanların yalnız bir istəyi var, təbii ki, o da aldıqları biletə yüksək məbləğli uduşların düşməsidir.
Azərbaycanda lotereya oyunları ötən əsrin 90-cı illərinin ortalarından vüsət götürüb. O zaman bir sıra özəl şirkətlər belə oyunlar keçirirdilər. «Şeş Qoşa», «Bəxt oyunu» «Səadət təkəri» və s. bu kimi lotereya oyunları keçirən özəl şirkətlərin dövranı uzun sürmədi. 2000-ci illərin əvvələrində dövlət bu sahəyə əl qoydu.
2001-ci ildə prezidentin müvafiq fərmanından sonra lotereya bazarında dövlət «söz yiyəsi» olub. Hazırda Azərbaycanda keçirilən lotereya oyunları «Azərbaycan respublikasında lotereya fəaliyyətinin təkmilləşdirilməsi haqqında» qanunla nizamlanır. Prezidentin 599 nömrəli fərmanına əsasən «Azərlotereya « Açıq Səhmdar Cəmiyyəti yaradılıb. «Azərlotereya « ASC Azərbaycan respublikasında keçirilən bütün növ (stimullaşdırıcı loteryalar istisna olmaqla-red.) lotereya oyunlarına cavabdehdir. Hazırda ölkədə oynanılan lotereyaların hamısı bu Səhmdar Cəmiyyətinə məxsusdur.
«Azərlotereya» ASC tərəfindən 7 müxtəlif adda - «Yeni binqo», «Ailə sevinci», «Piramida», «Avto- şou», «5/36» , «Taleh açarı» tirajlı lotereyaları və «Şans « ani lotereyası həyata keçirilir.
Hər həftə 1 milyondan çox bilet xoşbəxt sahibinin yolunu gözləyir. Belə ki, hazırda satışa hər tirajlı lotereya üçün orta hesabla 150.000 bilet buraxılır. Satışa buraxılan biletlərin 20%- satılmayaraq geri qayıdır. Əsas bilet alanlar rayonlarda yaşayanlardır. Regionlarda biletlərin satışı ümumi satışın 70 %- ni təşkil edir.
Lakin bu «təmiz rəqəmlərə» rəğmən qurumun fəaliyyəti o qədər də etimad doğurmur. Bir sıra ekspertlər hesab edirlər ki, «Azərlotereya»da uduşa yönəldilən məbləğin miqdarı bəlli olmur, qurum fəaliyyətində şəffaf deyil.
«Azərlotereya»nın təşkil etdiyi lotereya oyunlarının keçirilməsində bir sıra nöqsanlar mövcuddur. «Biz güman edirdik ki, «Azərlotereya» yarananda istehlakçıların aldadılması halları azalacaq. Təəssüf ki, «Azərlotereya» istehlakcıların rəğbətini qazana bilməd.i Lotereya oyunlarının kecirilməsində vaxtla bağlı da müəyyən problemlər var. Belə ki, biletin üzərində oyunun başlanma saatı 19:00 göstərilsə də, əksər hallarda həmin saatda hansısa veriliş göstərilir. Televiziya qarşısında əyləşən tamaşacıların bu şəkildə də huquqları pozulur.
«Azərlotereya» yalnız stimullaşdırıcı oyunları «azad» buraxıb. Lotereya oyunlarının bir növü olan ani lotereyalar da bütün dünyada olduğu kimi, Azərbaycanda da geniş istifadə olunur. Amma bizdə onun «Azərbaycan variantı» var...
Lotereya oyunları riyazi əmsallara əsaslanaraq söykənən bir biznesdir. Ümumilikdə dünyada istehlakciları aldadan cox ciddi sistemlərdən biridir. İstehlakcı illər boyu onu analiz etsə də, sirrini tapa bilməz.