Space televiziya kanalının Vaqif Mustafayevin sayəsində itirdiyi peşəkar və qazandığı qeyri – peşəkar işçilər Sizlərə özünü Space-in “sahibkar”ı kimi aparan, işçilərinin maaşlarını vaxtı – vaxtında ödəməyən və ən az maaş verən, bir qadına görə Space ailəsini heçə sayan, işçilərini gözdən çıxaran və bu qadına görə iki məşhur aparıcısını itirən, kanalın yox ancaq öz mənfəətini güdən, ən əsası xalq artisti tituluna yaraşmayan hadisələrdə adı hallanan və bu hadisələrlə göz önünə gələn Space televiziyasının rəhbəri Vaqif Mustafayevdən danışmaq istəyirəm.
Yeni mövsüm açılandan televiziya kanallarında, xüsusən də “Space” telekanalında işçi – rəhbər qarşıdurması səngimək bilmir. Ötən ay Space telekanalının 13 illik aparıcısı, demək olar ki ömrünün yarısını Space telekanalına həsr edən İdris Cəfərovun youtube-dakı çıxışı açılmayan mətləblərə aydınlıq gətirməyə cüzi də olsa kifayət etdi. Di gəl ki, yenə də telekanalın işçilərinin şikayətləri bitib tükənmək bilmir.

Space telekanalında işçilər arasında ayrıseçkilik

İşçilər iddia edirlər ki, hər şeyin bahalaşdığı bu dövrdə onların əmək haqları minimum 160 manatdır. Ailələrini saxlamaq üçün səhərdən axşama qədər çalışan işçilərin əməyi beləmi ölçülür? Onlar iddia edirlər ki, ATV telekanalında xadimə vəzifəsində çalışanlar 300 manat maaş aldıqları halda Space telekanalında o məvacibin yarısını rejissor, prodüser və müxbirlər alanda sevinirlər. Nəzərinizə çatdıraq ki, sözügedən kanalda isə işə yeni başlamış müxbirlər 160 manat, bir neçə il iş stajı olan müxbirlər 207 manat, prodüsserlər 207 manat, montojorlar 290 manat, operatorlar 207 – 250 manat, rejissorlar isə 249 manat maaş alırlar. Əslində bu məvacib Space telekanal rəhbərliyinin işçilərinə qoyduğu hörmətdən irəli gəlir. Qeyd edim ki, bu məvaciblər bütün işçilər üçün nəzərdə tutlmayıb. Vaqif Mustafayevin işə Kəmalə Xəlilovanın tapşırığı ilə götürdüyü işçilər isə məlum maaşdan qat – qat artıq məvacib alırlar.

Məsələn: Azərbaycanın görkəmli rəssamı Əzim Əzimzadənin nəvəsi İsmayıl Əzimzadə Space kanalının proqram rəhbəri olmasına baxmayaraq, öz müavini – Kəmalə xanımın tapşırığı ilə gələn, Rahib bəydən 2 dəfə az maaş alır. Onu da qeyd edək ki, son bir neçə ay ərzində Space telekanalına 20-dək 1000 manat dəyərində əməkləri dəyərləndirilən qeyri peşəkar işçilər işə məhz Kəmalə Xəlilovanın tapşırığı ilə, V.Mustafayev tərəfindən işə qəbul olunub. Vaxtilə ATV kanalının icraçı direktoru Həsən müəllimin katibəsi işləyən Leyla adlı xanımın heç bir rejissorluq təcrübəsi olmasa belə gəldiyi gündən ştata götürülərək digər işçilərdən fərqli olaraq çox yüksək maaşla dəyərləndirilməsi də məhz elə buna misal ola bilər. Lakin, telekanaldakı digər rejissorlar rejissorluq fakuləsini bitirmələrinə baxmayaraq bu xanımdan 3 qat az maaş alırlar. Bundan əlavə Space telekanalından Sahbaz, Elməddin kimi peşəkar rejissorların da Kəmalə xanımın ucbatından işdən çıxarılmasını qeyd etməmək mümkün deyil.

İdris Cəfərov çıxışından sonra telekanalda hər şeyin düzələcəyinə ümid edən fəhlə kimi işləyən işçilərin vəziyyəti isə getdikcə ağırlaşır. Onlar işlədikləri şəraitdən də narazılıq edirlər. Belə ki, qırıq ştativlərdə veriliş çəkən operatorların şikayətini eşidən yoxdur. Onlar qeyd edirlər ki, operatorlardan yüksək keyfiyyətli iş tələb edilir. Ancaq onun üçün əlverişli şərait varmı? Ştativlər və kameralar qırılıb düşməsin deyə bir – birinə iplərlə bağldır. Sizcə bu cür şəraitdə yüksək səviyyədə işləmək mümkündürmü? Hələ mən rejissor pultunun halından danışmıram. Efirni rejissoru ilə əlaqə saxlamaq üçün istifadə olunan knopkalar və mikrafon təmamilə yararsız haldadır. Axı belə bir şəraitdə və bu cür maaşa işçilərdən yüksək səviyyədə iş tələb etmək haqsızlıq deyil bəs nədir?

Telekanalın işçiləri gün keçdikcə Space ailəsinin ən istedadlı işçilərinin onları tərk etdiyini, yalnız yerdə qalanlarının isə bu xırda məvacibə ehtiyacları olduqları üçün, məcburiyyətdən telekanalı tərk edə bilmədiklərini söyləyirlər. İşdən çıxarılmış kadrların yerinə savadsız, qeyri peşəkar insanların cəlb olunması isə vəziyyəti getdikcə daha da ağırlaşdırır. Yayılan xəbərlərin hər birinin doğru olduğunu söyləyən işçilər “od olmayan yerdən, tüstü çıxmaz” – deyərək Bazar verlişinin və və bir çox verlişlərin aparıcısı İdris Cəfərovun, Hər Səhər verlişinin unudulmaz, şirin dilli, aparıcısı, əməkdar artist adına layiq görülmüş, prezident mükafatçısı Əkbər Əlizadənin, Operatorların şöbə rəisi Əlövsət müəllimin, operatorlardan Elçin müəllimin, İsgəndərin, Soltanın, Mədəniyyət departamentinin savadlı rejissoru Elməddinin, Proqramlaşdırma departamentinin işçisi Xəyalənin, Təranənin, Hər səhər proqamının ən savadlı işçiləri Şahbazın, Sevincin, Hava proqnozunun aparıcı Tunayın, Bazar verlişinin savadlı və peşəkar müxbirləri Xəyalənin, Nurlanənin işdən çıxma səbəblərinin Kəmalə Xəlilovanın vasitəsilə olduğunu sonuna qədər təsdiq edirlər.

Bəs bu haqsızlıqlara bir son deyən olacaqmı?

İşçilər mətbuat nümayəndələrinə ümumi şəkildə məktub yazaraq bu ədalətsizliyə artıq dözə bilmədiklərini, söyləyirlər. Onlar məktub yazaraq istədiklərini bildirərkən qeyd etdilər ki: tək istəkləri Sevil Əliyevanın onların səsinə səs verməsi və Space ailəsinin dağılmasının qarşısını almaq, köhnə Space işçilərini geri qaytarmaqdı. Həmçinin son olaraq Space işçiləri bildirdilər ki: “Biz ümid edirik ki Sevil Əliyeva bizim səsimizə səs verəcək və Vaqif Mustafayevin işçilərinin başına açdığı bu haqsızlıqlarla dolu oyunu pozacaq.”