"Moana 2" cizgi filminin dünya üzrə gəliri 500 milyon dolları keçib.

GundemXeber.Az xarici mediaya istinadla bildirir ki, bu məbləğə nail olmaq üçün cizgi filminə həftə yarım vaxt lazım olub. Onun premyerası noyabrın 27-də baş tutub.

Layihənin büdcəsi 150 milyon dollardır. Analitiklər əmindirlər ki, cizgi filmi 2024-cü ilin ən çox gəlir gətirən filmlərindən birinə çevrilərək, 1 milyard dollardan çox pul toplayacaq.

"Moana 2" əcdadlarından sirli mesaj alan və ən yaxın dostu ilə yeni səyahətə çıxan döyüşçü Moananın hekayəsini davam etdirir. Yolda qız yeni dostlar qazanır və bədxahlarla tanış olur.

GundemXeber.Az