Son dövrlərdə təbii qidalar və sağlamlıq mövzusunda aparılan araşdırmalar bir daha sübut edib ki, təbiətin bizə təqdim etdiyi bəzi nemətlər əsl dərman rolunu oynayır.

Onlardan biri də zoğaldır. Həm dadı, həm də faydaları ilə tanınan bu qırmızı meyvə əsl qaraciyər qoruyucusudur.

Mütəxəssislərin fikrincə, zoğalın tərkibindəki güclü antioksidantlar və iltihabəleyhinə maddələr qaraciyəri toksinlərdən təmizləyir, hüceyrələrin yenilənməsini sürətləndirir və qaraciyərin fəaliyyətini gücləndirir. Xüsusilə də qeyri-sağlam qidalanma, dərman qəbulu və stress nəticəsində yorulan qaraciyər üçün zoğal əvəzolunmaz bir dəstəkdir.

Dietoloqlar gündə bir ovuc təzə və ya qurudulmuş zoğal yeməyi tövsiyə edir. Zoğal həmçinin mədə-bağırsaq sisteminə də müsbət təsir göstərir, immuniteti gücləndirir və orqanizmdəki iltihab proseslərinin qarşısını alır.

Unutmayın: sağlamlıq bahalı dərmanlarda yox, təbiətin özündə gizlidir. Qaraciyərinizi qorumaq və bədəninizə təbii bir “detoks” bəxş etmək istəyirsinizsə, zoğalı rasionunuza əlavə etməyə başlayın.