Biz BMT-dən referendumu təxirə salacağımız təqdirdə başqa alternativlər istədik, ancaq onlar bizə heç bir alternativ yol göstərmədilər. Buna görə də bu referendumu həyata keçirəcəyik.

Bu sözləri “BBC Türk”ə müsahibəsində İraq Kürd Muxtar Vilayətinin lideri Məsud Bərzani deyib. O bildirib ki, Kürdüstanın referendum qərarı beynəlxalq qaydalara zidd deyil.
Bərzani şiələrin onu Kürdüstanın sərhədlərinə görə təhdid etməsinə də münasibət bildirib:
“Əgər bizi sadəcə sözlə təhdid edirlərsə, etsinlər. Ancaq bundan irəli getsələr, fərqli davranacağıq. Əgər onlar Kürdüstandakı vəziyyəti zor gücü ilə dayandırmağa cəhd etsələr, kürdlər müharibə edəcək”.