“Deyirlər ki, bu iş alınsa, mənə Avropa ölkələrinin birində otel bağışlayacaqlar”.

Tanınmış ekstrasens Zirəddin Rzayev ANS PRESS-ə müsahibəsində qarşıdan gələn prezident seçkiləri barədə proqnozlar verib:


- Qarşıdan Azərbaycan Prezident seçkiləri günü gəlir. Prezident seçkiləri və sonra ölkəmizdə hər hansı bir qarşıdurma olmayacaq ki?

- Mən istəmərəm ki, siyasətdən deyim. Ümumiyyətlə istəməzdim ki, Azərbaycanla bağlı hər hansı açıqlma verim. Sadəcə demək istəyirəm ki, ölkəmiz üçün ciddi problem gözlənilmir.

- Fikrinizcə, seçkilər zamanı kimin prezident olma şansı daha çoxdur? Bəs Zirəddin Rzayev özü kimi dəstəkləyir?

- Mən həmişə demişəm. İlham Əliyevi dəstəkləyirəm. Cənab prezidenti gələn seçkilərdən sonra yenə də ölkə başçısı kimi görürəm.

- Bəs Azərbaycanda bundan sonrakı vəziyyət necə olacaq? Prezident seçkilərindən sonra, Azərbaycanın inkişafını necə görürsən?

- Mən ümumiyyətlə Azərbaycan xalqı üçün firavan həyat görürən. Düzdür müəyyən çətinliklər olub, olur və olacaq. Amma Azərbaycanın daha da çiçəklənəcəyini görürəm.

- Bu il necə keçəcək? Ümumiyyətlə hadisələr, zəlzələlər olacaqmı?

- Bu barədə danışmaq istəmirəm. Proqnoz verirəm, sonra düz çıxanda deyirlər nə var idi bunu deməyə. Səhv olanda isə yozurlar ki, Zirəddin bunu düz demədi.

- Bəzi din xadimləri deyirlər ki Zirəddin Rzayev şeytana qulluq edir. Bu iddialara nə deyirsiz?

- Mən o din xadimlərini tanımıram. Mən Azərbaycanda yaşamıram, Rusiyada yaşıyıram. Ancaq buna baxmayaraq, mənim haqqımda kimlərsə fikir deyirlərsə, deməli onlar Zirəddinin adından istifadə etməyə çalışır. Onlar mənim hesabıma gündəmə gəlmək istəyirlər. Mən onları tanımıram. Onlar məni tanıyırlarsa, bu Zirəddinin kimliyi deməkdir. Gəlin təhsilimizi ortaya çıxaraq, görək kim haranı bitirib. Zirəddin Rzayev Avropanın fəxri professorudur. İtaliyanın Prodeo Universitetinin fəxri doktoruyam. Onlar mənim yanımda heç kimdilər. Onlar mənim adımla özlərini reklam edirlər. Təbi ki bu normal şeydi. Mən onları başa düşürəm. Onlara yazığım gəlir.

- Hazırda nə işlə məşğulsunuz?

- Hazırda bu işimdən başqa bizneslə məşğulam. İnşallah vaxt gələndə açıqlayaram hansı sahədə bizneslə məşğulam. Keçən il məndə çox yeniliklər oldu. Psixologiya doktoru adı verdilər. Qırmızı Xaç Cəmiyyətininin mükafatını verdilər. Dünyada yenganə azərbaycanıl və yeganə müsəlmanam ki, mənə bu mükafatı veriblər. Əgər məni qınayanların hünərləri varsa saxtakar din xadimlərindən yazsınlar. Cəlil Məmmədquluzadənin gözəl əsəri var, “Şeyx Nəsrullahlar” kefli İsgəndəri nə qədər təqib ediblər. Ona çoxlu təhqirlər yayğırıblar. Axırda özləri yanıb, xar olublar. Mən Zidəddin Rzayevəm, mənim haqqımda nə qədər böyük məqalələr yazıblar. Ən savadsız jurnalistlər mənim haqqımda yazılar yazıb. Amma yenə onlara cavab vermirəm. Dediyiniz adam kimdir ki, mənim haqqımda tənqidi fakir deyib?

- İlahiyyatçı İsmayl Əhmədov. O, mənə müsahibəsində bildirib ki, istənilən vaxt, istənilən yerdə Zirrədin Rzayevlə görüşə hazırdı.

- Mən onu tanımıram, adını səndən eşitdim. Əgər o, məni tanıyırsa, demək ki, mən hardayam, o hardadır. (Gülür) Mənim barəmdə tanınmış insanlarla danışın. Zirəddin Rzayevin adı altında özünü gündəmə gətirən belə “Nəsrullah”ları çox görmüşəm. Belələri Zirəddin Rzayevlə özlərini gündəmə gətirməyə çalışanlardır. Belələri psixi xəstələrdi.

Belələri saxtakar mollardır. Əgər haqqımda Bütün Qafqazın Şeyxi Hacı Allahşükür Paşazadə danışsaydı, bu mənə təsir edərdi. O, mənim üçün ən müqəddəs və hörmətli din xadimidir. Lakin digərləri mənim üçün əhəmiyyətsizdir.

Əgər belə insanların hünərləri çatır Azərbaycandakı saxtakar məmurlardan, saxtakar mollalardan danışsınlar. Rüşvət alan məmurlardan danışsınlar.

- Çoxdandır proqnozlar vemirsiz. Səbəbi nədir? Bəlkə çəkinirsiz?

- Mən proqnozlarımı çox yüksək şəxslərə verirəm. Həm xarici siyasət məsələlərində, həm də daxili siyasət məsələlərində. Bir neçə prezident var ki, xarici siyasətlə bağlı proqnozlarımı onlara verirəm. Dünya ilə bağlı proqnozları əlaqə saxlayıb, sənə deyəcəm.

- Öncə görməyiniz biznesdə irəli getməyə imkan verirmi?

- Qiymətli kağızların alınıb satılması ilə bağlı iki şəxs var ki, onlara məsləhət verirəm. Deyirlər ki, bu iş alınsa, mənə Avropa ölkələrinin birində otel bağışlayacaqlar. Bunu ilk dəfə ekskuliziv sənə açıqlayıram. Qiymətli kağızlarla bağlı hələlik gözəl nəticələr var. İnkişafa doğru gedirik.

www.oxu.az