“Avropa İttifaqı müşahidə missiyasının tərkibində bu gün daha çox fransızlar yer alıb. Fransa da Cənubi Qafqaza soxulmaq istəyir. Cənubi Qafqaza soxulmaq üçün isə Rusiya qoşunları və İranın bölgədəki maraqlı çıxmalıdır”.

O, erməni politoloqu Beniamin Matevosyanın açıqlamasını şərh edib. Matevosyan bildirib: “Avropa İttifaqınının yeni müşahidə missiyasında Avropa ölkələrinin polis qüvvələrinin nümayəndələri öz peşəkar bacarıqlarından istifadə edərək Rusiya və İran qoşunlarının hərəkətini müşahidə etmək üçün Ermənistana gəlir”.

S. Soltan deyib ki, Fransanın Rusiya, eləcə də İranla maraqları toqquşub:

“Rusiya ilə maraqları ona görə toqquşub ki, Fransa Ermənistanı himayə etmək və onun sponsoru olmaq istəyir. İndiyə qədər Ermənistanın sponsoru Rusiya idisə, hazırda Fransa bu iddia ilə çıxış edir. Çünki perspektivdə hesab edirlər ki, Avropa İttifaqına və Avropaya inteqrasiya məsələsi var. Ona görə də Fransanın vasitəsilə Rusiyanı regiondan çıxarmaq istəyirlər.

İran isə özünün terrorçu fəaliyyətinə, o cümlədən Avropanın təhlükəsizliyini təhdid etməsinə, habelə Ermənistanla daha yaxın olduğunu dediyinə görə Fransa Ermənistanı Rusiya və İrandan qoparmaq istəyir. Bunun üçün də, ilk növbədə, Rusiya və İranın Ermənistandakı fəaliyyətinə nəzarət etmək lazımdır”.

S. Soltan xatırladıb ki, Rusiya Ermənistan-Türkiyə və Ermənistan-İran sərhədlərini mühafizə edir:

“Rusiyanın Ermənistanda hərbi bazası var. İran Ermənistana qaz təchiz edir, və bununla da bu ölkəni özünküləşdirib regionda alətə çevirmək istəyir. Bu toqquşan maraqlarda Fransa özünü Ermənistan vasitəsilə Cənubi Qafqaza soxmaq istəyir. Doğrudur, İranın Ermənistana təsir alətləri Rusiya qədər olmasa da, Fransa indiki şəraitdə Ermənistanı həm Rusiyanın qoltuq altından çıxarmağa, həm də İranın bu ölkədəki aşağı-yuxarı olan nüfuz dairəsindən uzaqlaşdırmağa çalışır”.

Siyasi şərhçinin qənaətinə görə, həmin göndərilən missiyanın avadanlıqlarına baxsaq, görərik ki, bu, mülki müşahidədən daha çox hərbi laboratiya və kəşfiyyat xarakterli bir missiyadır:

“Avropa İttifaqı müşahidə missiyasının aparıcı dövləti isə Fransadır. Fransa dövlətinin də Cənubi Qafqazla bağlı hədəfi bəllidir. Azərbaycan tərəfi isə dəfələrlə bəyan edib ki, bu missiya mülki missiyadan daha çox hərbi missiyadır. Qısası, Matevosyanın dediyi yeni bir məsələ deyil.

Əvvəllər bu missiyanın 20-30 nəfərdən ibarət olduğunu dedilər, amma indi 100 nəfərə qədər qalxıb. Deməli, get-gedə bunu artıracaqlar və Rusiya, İran, Fransa Ermənistan məsələsində toqquşmağa doğru gedəcəklər.

Digər tərəfdən, Ermənistan yarandığı gündən regionun casus dövləti rolu oynayıb. Yəni istər sovet vaxtı, istərsə də indi. Bu, casus bir dövlətdir. Kim istəsə, Ermənistandan o birilərinə qarşı istifadə edə bilər”.

Gundemxeber.az